Naiwang bote ng alcohol sa loob ng kotse, sumabog. Dahil rito awtoridad may mahalagang paalala sa publiko.
Bote ng alcohol na naiwan sa loob ng kotse, sumabog
Basag ang salamin ng bintana at nagkasira-sira ang upuan. Ganito ang nangyari sa isang kotse matapos sumabog ang bote ng isopropyl alcohol na nasa loob nito. Ang hinalang dahilan ng pagsabog ay ang temperatura o init sa loob ng kotse matapos maiwan itong naka-park sa tirik ng araw sa loob ng dalawang oras.
Kuwento ng may-ari ng sasakyan at online seller na si Joyce Ann Canlas, 22-anyos, ipinark nila ng kaniyang nobyo ang kotse sa initan dahil wala silang makitang lilim sa warehouse na pinuntahan sa Cainta, Rizal. Sa loob ay naiwan umano ang bote ng alcohol na may laman sa harapang upuan ng sasakyan.
Matapos ang dalawang oras ay bumalik sila sa sasakyan at labis nilang ikinagulat ang nangyari dito.
“After two hours po nung binalikan, basag na ‘yung salamin, sira ‘yung upuan, at na-damage rin po ‘yung bubong.”
Ito ang kuwento ni Canlas sa isang panayam.
Hinala ni Canlas at kaniyang nobyo, ang naiwang bote ng isopropyl alcohol sa loob ng sasakyan ang nagdulot nito. Sapagkat ang bote ng alcohol na naiwan sa loob ng sasakyan ay sumabog at ang matapang na amoy nito ay naiwang umaalingasaw.
“Tapos sobrang tapang po nung amoy ng alcohol sa loob ng kotse tapos basag din ‘yung bote ng alcohol kaya positive po kami na dahil talaga ‘yun sa alcohol.”
Ito ang dagdag pang pahayag ni Canlas.
Natutunan sa nangyaring insidente
Sa ngayon, dahil sa karanasan ay may paalala si Canlas sa mga nagmamay-ari ng sasakyan na mahilig mag-iwan ng mga bote ng alcohol sa loob nito.
“Huwag talagang kakalimutan ‘yung mga alcohol, water and soft drinks bottle sa kotse. Mas okay na po ‘yung sigurado. Ang hirap lang po kapag ‘yung tipong hindi mo sinasadyang maiwan. Kasi kahit kami, hindi namin inakalang mangyayari yung ganong bagay sa simpleng pag-iwan lang ng alcohol sa kotse.”
Alcohol safe storage
Samantala, dahil sa nangyari ay nagbigay paalala sa publiko ang Food and Drug Administration of the Philippines tungkol sa alcohol safe storage. Ayon sa kanila, dapat ay basahin at sundin ang mga impormasyong nakasaad sa bote ng alcohol na inyong ginagamit. Lalo na ngayong may COVID-19 at isa ito sa ginagamit nating depensa laban sa sakit. Dapat umano’y hindi inilalagay sa mga flammable condition ang mga bote ng alcohol. Makikita naman umano ang paalala na ito sa mga bote ng alcohol na nabibili o inyong ginagamit.
Ayon pa rin sa FDA, ang bote ng alcohol ay dapat mahigpit na tinatakpan at inilalagay sa lugar na hindi lalagpas ang init ng temperatura sa 30 degrees Celsius. Kung hindi, ito ang maaaring maging dahilan ng pagsabog nito.
“All alcohol bottles have a warning about flammability, so if the conditions are bad, this can happen.”
Ito ang pahayag ni FDA Director General Eric Domingo.
Paalala naman ng MSD online, isang website na nagsusulong ng chemical safety, ang mga isopropyl alcohol ay dapat ilagay sa well-ventilated na lugar sa loob ng isang closed container. Tulad ng sinabi ng FDA, dapat inilalayo sa flammable conditions tulad ng init at apoy.
“Isopropyl alcohol should be stored in a tightly closed container in a cool, dry, well-ventilated area. Due to the chemical’s extreme flammability, it must be kept away from all possible ignition sources, including heat, sparks, and flames.”
Ito ang reminder mula sa MSDS.
Hindi lang alcohol, pati mga hand sanitizers ay itabi rin sa tamang lugar.
Ayon naman kay William L. Schreiber, hindi lang alcohol ang dapat i-store ng tama. Dapat pati rin ang mga hand sanitizer na madalas nating ginagamit sa ngayon. Ito rin ay nagtataglay ng main ingredient ng alcohol na ethanol. Ang ethanol ay may mababang boiling point kaya naman mas mabilis itong uminit.
“The active ingredient in most hand sanitizers is ethanol. Ethanol has a significantly lower boiling point than water. That means it heats up to a boiling point much faster than water. It also has a lower vapor pressure than water, which means it evaporates much faster at any temperature.
Ito ang paliwanag ni Schreiber na chair ng department of chemistry and physics sa Monmouth University, New Jersey, USA.
Dagdag pa niya, kung labis na init ang mabuo sa loob ng bote ng sanitizer o alcohol ay maari itong sumabog. Tulad ng nangyari sa bote ng alcohol na naiwan sa loob ng sasakyan na tampok sa artikulong ito. Mabuti na nga lang at walang source ng apoy na malapit dito dahil kung hindi ay mas nakakatakot ang maaring nangyari.
Kaya dapat i-praktis ang alcohol safe storage sa bawat oras. Gawin ito sa loob o labas man ng inyong bahay.
Source:
ABS-CBN News, MSD Online, Health
BASAHIN:
Ethyl alcohol, isopropyl alcohol o sanitizer: Ano ba ang epektibo?
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
TAP Picks
Rewards
VIP Parents
