Mikee Morada nagkuwento sa naranasan ng misis na si Alex Gonzaga na third miscarriage.
Mababasa dito ang mga sumusunod:
- Mikee Morada shares Alex Gonzaga third miscarriage.
- Mensahe ni Mikee sa misis na si Alex.
Mikee Morada shares Alex Gonzaga third miscarriage
Larawan mula sa Instagram account ni Alex Gonzaga
Sa isang panayam ay ibinahagi ni Mikee Morada na nakaranas ang misis niyang si Alex Gonzaga ng third miscarriage nitong Disyembre. Ayon kay Mikee, tulad ng mga nakaraang pagbubuntis ni Alex, blighted ovum ulit ang kaniyang naging pangatlong pagbubuntis.
“Nung nalaman namin na pregnant kami for the third time, nagpa-check up kami kaagad sa OB and okay naman.
Tapos nag-decide kami na mag-iingat na talaga siya and the second week, okay pa yung ultrasound
Hanggang dun sa pangatlong linggo, e, sabi sa amin nung doctor, ‘Naku, wala na namang laman. Blighted ovum ulit.”
Ito ang pagbabahagi ni Mikee.
Ang blighted ovum ay uri ng early miscarriage na kung saan ang fertilized egg ay hindi nagdevelop sa isang embryo. Ayon sa health experts, madalas ang blighted ovum ay dulot ng abnormal chromosomes sa fertilized egg. Maaring ito ay dulot rin ng isang infection o komplikasyon na dulot ng autoimmune disease ng isang magulang.
Larawang mula sa Instagram accout ni Alez Gonzaga
Mensahe ni Mikee sa misis na si Alex
Pagpapatuloy na kuwento ni Mikee, humingi pa sila ng second opinion sa ibang doktor. Narinig pa nga daw nilang mag-asawa ang heartbeat ng kanilang baby bago ito tuluyang nawala.
Ayon kay Mikee, nanlumo na naman ang kanilang mundo sa pangatlong pagkakataon ng makunan ang kaniyang misis. Si Alex bagamat pinipilit maging strong ay nagbreakdown rin sa pagkawala ng kaniyang baby.
Si Mikee nanatili sa tabi ng misis at pinapalakas ang loob nito sa gitna na malaking pagsubok na naranaranasan ng kanilang pamilya ngayon. May nakakaantig na mensahe rin siya para sa misis sa pangatlong dagok na ito sa kanilang pagsasama.
Larawan mula sa Instagram account ni Alex Gonzaga
“Yung mga experiences namin ito yung nagpalakas sa amin bilang lumalim yung relationship namin bilang mag-asawa. At the end of the day lagi kong sinasabi kahit anong mangyari, biyayaan man tayo o hindi tayong dalawa pa rin ang magkasama, okay lang. Kaya sabi ko sa kanya ang prayer natin ay surrender. Kung mayroon man, kung wala, okay lang we will accept. Tatanggapin natin kung ano ang ipagkaloob sa atin.”
Ito ang mensahe ni Mikee Morada sa misis niyang si Alex Gonzaga sa third miscarriage na naranasan nito.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
Shopping
Community
Rewards
