Matapos ang masayang balita noong mga nakaraan sa pagbabalik sa bahay nina Andrew Schimmer at kaniyang wife, isa na naman malungkot na balita ang ibinahagi ni Andrew. Sapagkat muli nilang isinugod sa ospital ang kaniyang asawa.
Mababasa sa artikulong ito:
- Balik ICU ang wife ni Andrew Schimmer
- Andrew Schimmer sa pagmamahal sa kaniyang asawa
Balik ospital ang wife ni Andrew Schimmer
Kagabi ibinahagi ni Andrew Schimmer sa kaniyang YouTube channel ang panibagong update sa kalagayan ng kaniyang misis na si Jho Rovero. Ayon sa aktor, muling nakalagnat ang kaniyang asawa.
Umabot sa 39.2 ang lagnat ng kaniyang asawa na si Jho at hindi ito bumababa. Kaya naman nagpasiya na silang isugod muli sa ospital si Jho. Dagdag pa niya, sobrang taas umano ng heart rate ni Jho na umabot din 151.
Screen capture mula sa YouTube Channel ni Andrew Schimmer
Panawagan ng aktor,
“Guys please, please kailangan ko ulit ang ‘yong mga prayers. Please, please!”
Nang madala sa ER sa Jho, sinabi naman ni Andrew na hinihintay lang nila na mag-stable ang kalagayan ng kaniyang asawa na si Jho.
Sa isa pang video update sinabi rin ni Andrew ang lungkot sa kalagayan ng kaniyang asawa,
“Diyos ko, kawawa naman ang asawa ko.”
Pagbabahagi ni Andrew nag-develop umano ng impeksyon ang kaniyang asawa. Kaya naman nagdulot ito ng pamamanas ang pagiging kulay brown ng ihi nito. Tumaas din ang creatinine level nito.
Sa panibagong update ni Andrew Schimmer sa kaniyang Facebook account, ibinahagi niya na balik ICU na ang asawa. Sa kaniyang caption,
“For transfer na po siya sa ICU now. God please protect Her. I will do anything. Please heal Her again. Give Her back to me, you promised.”
Larawan mula sa Facebook account ni Andrew Schimmer
Muling nanghingi si Andrew ng panalangin para sa kagalingan ng kaniyang asawa.
Andrew Schimmer sa pagmamahal sa kaniyang asawa
Maraming tao ang humahanga sa pagmamahal niya sa kaniyang asawa na si Jho. Ika nga ng marami sila ang patunay na through sickness and health. Bilib ang marami kay Andrew sapagkat kahit gaano kahirap ang kanilang sitwasyon ay nanatili ito sa tabi ng kaniyang asawa.
Noong Agosto sa isang panayam ni Ogie Diaz kay Andrew Schimmer sa kaniyang vlog sinabi niya na masakit para sa kaniya na makita ang kalagayan ng kaniyang misis. Subalit wala siyang magawa para maibsan ito. Ang kaya lamang niyang gawin ay manatali sa tabi ng kaniyang misis at maging malakas para sa kaniya.
Wika pa ni Andrew, si Jho ang kaniyang bestfriend kaya napakasakit na makita siyang may sakit at minsa’y iniisip niya na unfair ang kanilang sitwasyon.
“Kaya parang ang nararamdaman ko unfair na okay ako, siya ganun.”
Hiling at dasal lagi ni Andrew Schimmer sa Diyos ay manatiling malakas para sa kaniyang wife. Sapagkat kailangan umano siya nito.
Larawan mula sa Facebook account ni Andrew Schimmer
Kuwento pa ni Andrew Schimmer, bukod sa kalagayan ng kaniyang wife na si Jho ay isa pa sa mga iniisip at problema ni Andrew ay ang gastos. Hindi umano biro ang pagpapagamot ni Jho, nabanggit niya noon na nasa higit 3 milyon ang naging bill nila sa ospital.
Subalit sa kabila ng mga ganitong pagsubok hindi sumusuko si Andrew Schimmer para sa kaniyang wife na si Jho at para sa kanilang mga anak.
“Ayokong tanggalin ‘yong hope sa kanila kasi alam ko ‘yong pakiramdam. Kasi namatay ‘yong mother ko ng 10 years old ako.
Nag-iwan siya ng hole sa puso ko na hindi niya napunan. I know the feeling kaya as much as possible ayokong ma-experience ng mga anak ko.”
Dagdag pa ni Andrew Schimmer tungkol sa pinagdadaanan nila ng kaniyang wife,
“Kung totoong mahal mo kahit hopeless ilalaban mo ‘yan. Kahit sa hundred percent na hope ang natitira na lang 1, ilalaban mo ‘yan.”
Sa isa namang post ni Andrew Schimmer sa kaniyang Facebook Page noon, nagbigay mensahe siya sa kaniyang asawa.
“‘Wag ka pong mainip, alam ng Panginoon lahat, nakikita n’ya lahat ng paghihirap mo. Promise, someday you will smile again. I will hear you laugh again,”
“Please, fight more. Don’t give up yet. I will always have your back, no matter what.”
Kaya naman marami ang humanga kay Andrew Schimmer sa pagmamahal niya sa kaniyang wife na si Jho. Sa panibagong pagsubok na ito, ang mga sumusuporta sa kanila ay nagpaabot ng dalangin para kay Jho. Para sa agarang pagbuti ng kaniyang kalagayan at muling makabalik sa kanilang tahanan at tuluyan nang makarekober.
Larawan mula sa Facebook account ni Andrew Schimmer
Kundisyon ng asawa ni Andrew Schimer na brain hypoxia
Ang brain hypoxia ay isang kundisyon kung saan ang isang tao ay nakulangan ng oxygen sa kaniyang utak. Kinakailangan ng oxygen upang makapag-function ng maayos ang utak ng isang tao.
Ang ganitong kundisyon ay maaaring mangyari sa mga taong nasakal, nalunod, o kaya naman na-suffocate. Samantala sa kaso ng asawa ni Andrew Schimmer ang pag-atake ng matinding asthma at cardiac arrest ang nagdulot nito. Para sa iba pang kaalaman sa kundisyon na ito maaaring basahin ang artikulo na ito, i-click dito!