Angelica Panganiban may mensahe sa namayapang inang si Anabelle Panganiban sa ika-40th day ng pagkasawi nito.
Mababasa dito ang sumusunod:
- Pag-alala ni Angelica Panganiban sa namayapang ina.
- Mensahe ni Angelica sa kaniyang ina.
Pag-alala ni Angelica Panganiban sa namayapang ina
Larawan mula sa Facebook
Sa Instagram ay nagbahagi ang aktres na si Angelica Panganiban nang naging pag-aalala ng kanilang pamilya sa namayapa niyang inang si Anabelle Panganiban. Nitong Sabado ay ika-40th day na ng pagkamatay nito. Si Angelica pabirong inalala ang kaniyang ina.
“Exactly 40days ago. Tinawag ka na ni Papa God. Sabi nila, ngayon ka daw aakyat papuntang heaven. Sana hindi ka hiningal paakyat Ma. Sana masaya ang welcome party mo dyan sa taas. At sana rin nakita mo ang celebration mo dito. Maraming bumisita at nag paalam sayo Ma.”
Ito ang bungad ni Angelica sa kaniyang IG post.
Mensahe ni Angelica sa kaniyang ina
Larawan mula sa Facebook
Sa pagpapatuloy ng kaniyang IG post, si Angelica inaalala kung gaano sila magkasundo ng kaniyang ina. Isa nga daw sa mga namimiss nito ay ang pagsesermon nito sa kaniya. Hiling ng aktres sana ay mas nagkaroon sila ng mas maraming oras ng kaniyang ina.
“Sana nakita mo ang mga luha at narinig mo ang mga tawanan namin habang pinaguusapan ka namin. Sana may last sermon pa Ma, sana may huling tawanan pa. Last bilin. Huling I love you. Sana mas marami pang oras Ma.”
Ito ang sabi pa ni Angelica.
Sa huli ay ibinahagi ni Angelica ang pagpapasalamat niya sa magandang pag-aalaga at pagpapalaki sa kaniya ng ina. Ipinaabot niya rin dito ang pagmamahal niya.
“Hinanda mo ko sa maraming bagay, pero hindi dun sa wala ka na. Hindi ako handa sa huling usap, huling yakap, huling asaran at huling tawa mo.
Ma, ikaw ang bumuhay sakin kaya ikaw ang buhay ko. Kumpyansa sa mga takot ko. Gabay sa dilim, katahimikan sa gulo. Pag mamahal at pagpapatawad sa bawat galit ko. Ikaw ang Mama ko. Ikaw lang. Mahal na mahal kita Ma. Hanggang sa muli.”
Ito ang sabi pa ni Angelica.
Si Annabelle Pangilinan ay adoptive mother lang ni Angelica. Ang tunay niyang ina ay hindi nakilala ni Angelica. Nasawi ito dalawang taon bago niya nalaman na adopted siya ng pamilyang nagpalaki sa kaniya.
Sa kabila ng pagkawala ng kaniyang ina, si Angelica nagpapatuloy sa kaniyang buhay kasama ang kaniyang sarili ng pamilya.
Larawan mula sa Facebook account ng The Homans