Vlogger na si Anne Clutz malungkot na ibinahagi ang kinalabasan ng congenital anomaly scan ng kaniyang baby. Anne, pinipilit na manatiling positive ang pag-iisip sa kabila ng mga nangyayari.
Mababasa dito ang mga sumusunod:
- Resulta ng congenital anomaly scan ng baby ni Anne Clutz.
- Mga posibleng dahilan kung bakit nagkakaroon ng cleft lip ang isang sanggol.
Resulta ng congenital anomaly scan ng baby ni Anne Clutz
Nitong nakaraang linggo ay ibinahagi ng vlogger na si Anne Clutz ang perinatal depression na naranasan niya. Kuwento ng vlogger, ito ay maaring dahil sa labis niyang pag-alala sa kondisyon ng baby na kaniyang ipinagbubuntis.
Lalo pa’t sa nalalapit na congenital anomaly scan ay malalaman na kung may problema ba sa development ng kaniyang baby. Dahil ang pangalawang anak ni Anne na si Joo ay may cleft lip at natukoy na may level 3 Autistic Spectrum Disorder.
“Siguro traumatic ‘yong last yung kay Joo kasi never pumasok sa isip ko na magkakaroon ng something wrong. Kasi ang ganda ng feeling ko noon nang pinagbubuntis si Joo. Wala talaga akong problema, physically ok lahat.”
Ito ang sabi ni Anne Clutz sa nakaraang niyang vlog.
Ngayon, sa pinakabagong vlog ni Anne ay ibinahagi niya na totoo nga ang kinatatakutan niya. Ang baby na kaniyang dinadala ay natukoy na may problema sa kaniyang development.
“Nakita nga na may cleft lip ulit si baby and this time may bilateral siya. Alam ninyo sakin sa totoo lang, ok lang sakin ‘yong cleft lip kasi parang expected ko na rin naman.”
“Noong tinanong ako na paulit-ulit kung sure daw ba na negative ‘yong findings sa NIPT (non-invasive prenatal testing) doon ako kinabahan.”
Ito ang pagkukuwento ni Anne tungkol sa kaniyang pinagdaanang congenital anomaly scan.
Anne Clutz baby natukoy na may cleft lip at posibleng may down syndrome rin
Maliban nga daw sa cleft lip, may isa pang kondisyon na maaring taglay ang anak ni Anne. Ito ay ang posibilidad na may down syndrome ito.
“Puwedeng isolated finding dahil related daw sa bilateral cleft lip o trisomy marker siya. Possible na may down syndrome si baby. So yun ‘yong sabi, Trisomy 21.”
Ito ang sabi pa ni Anne.
Ang trisomy marker ay isa sa pinaka-karaniwang chromosal anomaly sa mga baby. Kilala ito sa tawag na Down syndrome, isang genetic condition na dulot ng extra chromosome sa cells ng ating katawan.
Sa kaso nila Anne ay wala sa parehong pamilya nila ng mister na si Kitz ang may down syndrome. Kaya hindi pa nila matukoy kung may Down syndrome nga ang baby niyang ipinagbubuntis hanggang sa maipanganak ito.
BASAHIN:
Congenital anomaly scan: Bakit ito mahalagang gawin ng buntis?
Anne’s message to her baby
Larawan mula sa Facebook account ni Anne Clutz
Maliban dito, si Anne ay natukoy rin na may problema sa kaniyang placenta at may mataas na blood pressure. Ang mga ito hindi na masyadong iniinda ng vlogger dahil sa overwhelming emotions na nalaman niya. Bagamat paulit-ulit na sinabi ng kaniyang doktor na ang resulta sa naging scan ng anak ay hindi niya kasalanan.
“Alam ninyo yun may feeling na ako, iba ‘yong mother’s instinct. Feeling ko I’m such a failure, as a mother. Pero paulit-ulit na sabi sakin ng doktor yun lang naman ang findings. Ok ang paglaki niya, walang problema. Lahat ng organs ok.”
“Sabi niya, ‘yong nakita ko diyan, hindi yan dahil sa hindi mo ginawa o ginawa mo. Kaya huwag ka masyadong maano (magalit) sa sarili mo. Kaso hindi ko maiwasan na hindi maramdaman yun.”
Ito ang pagbabahagi pa ni Anne sa kaniyang vlog.
Pero magka-ganoon man, ginagawa ni Anne ang lahat para manatiling positive ang mindset niya para sa kaniyang baby. Ano pa man, sabi ng mommy vlogger tanggap niya at mamahalin ang anak na ibinigay ng Diyos.
“Wala naman na kaming magagawa pa. Saka baby namin ‘to, kahit anong maging resulta, kahit ano pa.”
“I love you baby kahit ano ka man. Pasensya ka na umiiyak si Mama kanina kasi talagang nag-worry lang ako.”
Hiling niya rin sa kaniyang followers ay sana isama sila ng kaniyang anak sa kanilang mga dasal.
“Ipagdasal ninyo kami lalo na si baby na sana magtuloy-tuloy na strong siya at healthy ,’yon na lang ang importante.”
Ito ang sabi pa ni Anne Clutz.
Mga posibleng dahilan kung bakit nagkakaroon ng cleft lip ang isang sanggol
Ayon sa health website na Mayo Clinic, ang cleft lip sa sanggol ay nangyayari sa oras na hindi nag-form ng maayos ang mukha at kaniyang bibig.
Madalas, ang tinatawag na fusion ng labi at palate ng sanggol ay nangyayari sa pangalawa o pangatlong buwan ng pagbubuntis. Pero sa mga sanggol na may cleft lip ay hindi nito nangyayari kaya sila ay nagkakaroon ng opening sa kanilang mukha partikular sa kanilang labi.
Paliwanag ng mga eksperto, ang cleft lip ay dulot ng genetics ng sanggol at mga sari-saring environmental factors. Ito ay maaring namana ng sanggol at na-trigger ng environmental factor habang siya ay ipinagbubuntis.
Ang mga posibleng risk factors na maaring magdulot ng cleft lip sa sanggol ay ang mga sumusunod:
- History sa pamilya na mayroong cleft lip.
- Paninigarilyo, pag-inom ng alak o pag-inom ng ilang gamot na maaring makasama sa pagbubuntis.
- Pagkakaroon ng diabetes.
- Pagiging obese habang buntis.
Kaya naman payo ng mga doktor sa mga kababaihan, siguradong healthy ang katawan bago magbuntis para masigurong healthy rin si baby.