Youtube vlogger na si Anne Clutz, ibinahagi sa isa niyang vlog na hindi makita sa ultrasound ang kaniyang baby.
Mababasa sa artikulong ito:
- Pregnant na si Anne Clutz ibinahagi ang kaniyang sitwasyon ngayon sa kaniyang pagbubuntis
- Sintomas ng pagbubuntis sa unang anim na linggo
Pregnant na si Anne Clutz ibinahagi ang kaniyang sitwasyon ngayon sa kaniyang pagbubuntis
Kamakailan lamang ay masayang ibinalita ni Anne Clutz at ng kaniyang asawa na si Papa Kitz ang kaniyang pagdadalang-tao para sa kanilang ikatlong anak.
Marami ang natuwa at bumati para sa mag-asawa. Hindi maitatanggi ang mainit na pagtanggap ng mga tao para sa kanilang 3rd baby, lalo’t higit ang suporta mula sa kanilang pamilya at followers.
Anne clutz pegnant sa kaniyang 3rd baby. | Larawan mula sa Instagram account ni Anne Clutz
Samantala, noong nakaraan lang ay ibinahagi ni Anne Clutz sa isa niyang vlog mula sa kaniyang Youtube Channel na walang makita ang doktor noong sumailalim siya sa ultrasound.
May ilang hindi pangkaraniwang bagay na nararamdaman ang sikat na vlogger na si Anne Clutz sa kaniyang katawan nitong nakakaraan.
Ayon sa kaniya,
“Wala akong ka-energy, energy at saka hindi ako nakakatulog ng maayos”
Dagdag pa niya,
“Nagigising ako sa sakit ng puson ko”
Ang mga bagay na ito ay hindi pangkaraniwang nararamdaman niya sa araw-araw. Bilang buntis, yung mga ganitong klaseng bagay ang nagbibigay kaba at pangamba sakaniya.
Ito rin ang nagtulak sa kaniya upang tuluyan nang magpakonsulta sa kaniyang pinagkakatiwalaang doktor. Pagbabahagi niya,
“Para ma-ease yung aking nararamdaman kasi nga hindi ko to naramdaman kay Jeya or kay Joo.. Wala, wala akong naramdaman na ganito”
Para sa maraming ina, mahalaga ang agarang pagkonsulta sa doktor oras na may kakaibang maramdaman sa kanilang pangangatawan habang nagbubuntis.
Larawan mula sa Instagram account ni Anne Clutz
May mga pagkakataon na ang salita mula sa eksperto ang nakakatulong upang gumaan ang pakiramdam ng isang tao at mabawasan ang labis na pag-iisip. Tandaan na ang sobrang pag-iisip ay maaaring magdala ng hindi magandang epekto sa iyong sarili maging sa iyong pagbubuntis.
Dahil hindi mapalagay si Anne Clutz kaya bago pa man ang kaniyang pagbisita sa doktor ay nasambit niya ang mga salitang ito:
“Lord, kayo na pong bahala.. kinakabahan talaga ako.”
Samantala, sumailalim naman si Anne Clutz sa Transvaginal Ultrasound at Urinalysis upang masigurado na nasa maayos na kalagayan ang kaniyang baby.
Ang Transvaginal Ultrasound ay ginagawa upang makita ang kondisyon ng matris, obaryo, mga tube, cervix at pelvic ng isang babae.
Sa kabilang banda, ang Urinalysis naman ay ginagawa upang i-test ang ihi ng isang tao at makita kung mayroon ba itong posibleng impeksyon.
Sa sitwasyon ni Anne Clutz, wala naman siyang Urinary Tract Infection o kilala sa tawag na UTI.
“Negative naman ‘yong urinalysis ko. Negative din ‘yong ultrasound ko.”
Ito ang mga katagang lumabas sa kaniyang bibig nang ibalita niya sa asawa kung ano ang resulta ng check up. Wala pa umanong makita ang doktor sa kaniyang ultrasound.
Ayon sa paliwanag ng doktor, ito ay dahil masyado pang maaga para may makita sa ultrasound. Dagdag pa rito, nang tanungin ni Anne, hindi pa raw masasabi ng doktor kung may posibilidad ba na dumaan siya sa ectopic pregnancy.
Ito’y ang sitwasyon kung saan ang egg ay wala sa loob kundi nasa labas ng bahay-bata. Sa kasalukuyan, normal naman ang naging resulta ng bawat test na kaniyang ginawa, kaya bahagyang gumaan ang kaniyang nararamdaman.
Larawan mula sa Instagram account ni Anne Clutz
Payo niya,
“Kaya best thing to do talaga ay ‘wag nang mag-google ng kung anu-ano,” giit ni Anne Clutz.
Mahalaga at palaging tandaan na mas mainam pa rin ang pagkonsulta sa doktor upang makuha ang wasto o tamang sagot ukol sa kondisyon ng ating katawan.
Ito rin ang payo ng vlogger sa kaniyang mga followers upang maiwasan din ang labis na pag-iisip. Malumanay naman niyang kinausap ang baby habang nakatingin sa sarili niyang tiyan at sinabing,
“Baby.. kahit hindi ka pa nagpakita okay lang, sige.. Take your time.”
BASAHIN:
6 mararamdamang sintomas ng buntis sa unang buwan ng kaniyang pagdadalang-tao
Buntis ba ako? Masakit na boobs maaaring senyales ng pagbubuntis
21 na hirap na nararanasan ng mga babae sa habang buntis
Sintomas ng pagbubuntis sa unang anim na linggo
Sa unang bahagi ng pagbubuntis ng isang babae ay madaling makita at maramdaman ang mga maliit na pagbabago sa kaniyang sarili at nararamdaman.
Narito ang mga bagay na maaari mong maranasan kung ikaw ay nasa unang bahagi na iyong pagbubuntis.
- Maaari kang makaranas ng sintomas na parang PMS o Premenstrual Syndrome, gaya ng pagkapagod, pananakit ng suso, at pananakit ng ulo.
- Maaari ka ring makaranas ng morning sickness.
- Madalas na pag-ihi dahil sa pagbabagong nagaganap sa iyong matris.
- Pagiging maramdamin at iritable
- Paglaki at pag-itim ng areolas sa pagitan ng nipple.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
