21 na hirap na nararanasan ng mga babae sa habang buntis

21 na hirap na nararanasan ng mga babae sa habang buntis

Alamin ang mga kadalasang nararanasan ng mga buntis na hirap man sa loob ng 9 na buwan, worth naman paglabas ng cute na cute na baby.

Maraming mga iba't ibang nararanasan ang mga nagdadalang tao na kadalasan nating naririnig. Alamin natin kung ano ang mga naibahagi ng mga Mommies sa theAsianparent Community. Ito ang 21 na hirap na nararanasan ng buntis. Alin dito ang naranasan mo na?

Morning Sickness

21 na hirap na nararanasan ng mga babae sa habang buntis

Ang morning sickness ay kadalasang nararanasan ng buntis sa first trimester. Dulot ito ng pagtaas ng bilang ng hormones sa katawan. Maraming mga duktor ang nakikita ito bilang magandang senyales ng mabuting pagdevelop ng placenta.

Pagsusuka

21 na hirap na nararanasan ng mga babae sa habang buntis

Ang pagsusuka na karaniwang kaakibat ng pagkahilo ay maiuugnay sa morning sickness. Ganunpaman, ang sobrang pagsusuka ay tinatawag na hyperemesis gravidarum at kinakailangan ng paggamot sa ospital.

Paglilihi

21 na hirap na nararanasan ng mga babae sa habang buntis

Marami na ang mga kwento ng paglilihi habang nagbubuntis. May ilan pa na hinahanap ang kakaibang halo ng mga pagkain o maging mga pagkain na hindi nila karaniwang kinakain. Ang teorya ng ilang duktor ay ito ang paghingi ng katawan sa mga nutrisyon na kulang dito.

Sakit sa paggalaw ng baby

21 na hirap na nararanasan ng mga babae sa habang buntis

Maraming mga ina ang nakakaranas ng sakit sa tuwing sumisipa o gumagalaw ang kanilang baby. Hindi kailangang mag-alala dahil dito dahil sadya lamang sumisikip ang sinapupunan para sa mga lumalaking baby.

Heartburn

21 na hirap na nararanasan ng mga babae sa habang buntis

Ang heartburns ay karaniwang nararanasan sa ikatlong trimester ng pagbubuntis. Ito ay nadudulot ng bigat at pressure sa intestines mula sa lumalaking baby.

Backache

Karaniwan lamang ang makaranas ng pananakit ng likod lalo na sa mga unang bahagi ng pagbubuntis. Ito ay dulot ng paghahanda ng katawan para sa labour. Ang mga ligaments ng katawan ay lumalambot at nagsstretch.

Leg cramps

21 na hirap na nararanasan ng mga babae sa habang buntis

Maraming dahilan kung bakit maaaring makaranas ng pulikat ang mga nagbubuntis. Kasama na dito ang dagdag na bigat na kailangang dalhin dahil sa lumalaking baby. Maaaring dulot din ito ng pag-ipit ng baby sa mga nerves at blood vessels na papunta sa mga hita.

Constipation

Ang constipation sa mga buntis ay dahil sa iba't ibang dahilan. Ang simpleng pag-aalala sa kalagayan ay maaaring magdulot nito. Dagdag pa dito ang diet na mababa sa fiber at kakulangan ng exercise dahil sa hirap sa paggalaw. Maituturo din ang mga hormones na nagpaparelax sa muscles ng intestines.

Sobrang init ng katawan

21 na hirap na nararanasan ng mga babae sa habang buntis

Karaniwan sa mga nagbubuntis ang nakakaramdam ng sobrang init ng katawan. Kahit pa bagong ligo ay madaling pinagpapawisan dahil sa pagtaas ng dami ng dugo. Ang mga blood vessels ng kanilang katawan ay nagda-dilate at dinadala ang dugo nang masmalapit sa balat.

Diabetes

21 na hirap na nararanasan ng mga babae sa habang buntis

Habang buntis, ang placenta ay naglalabas ng hormones na maaaring magpataas ng sugar sa katawan ng ina. Kapag hindi kayanin ng pancreas ang sapat na insulin para dito, maaari itong magdulot ng tinatawag na gestational diabetes.

Pananakit ng ngipin

21 na hirap na nararanasan ng mga babae sa habang buntis

Maraming mga ina ang nakakaranas ng pananakit ng ngipin habang nagbubuntis. Ito ay dulot ng gingivitis na nagpapamaga ng gilagid at maaari pang maging dahilan ng pagdugo. Ito ay karaniwang dulot ng pagbabago sa hormones.

Anxiety

21 na hirap na nararanasan ng mga babae sa habang buntis

Ang mga pagbabago sa hormones ay maaaring maka-apekto sa mga chemicals sa utak ng nagdadalang tao. Dagdag pa ang malaking pagbabago na dulot ng pagkakaroon ng anak, ito ay nagiging sanhi ng anxiety sa mga buntis.

Hirap sa pagtulog

 

21 na hirap na nararanasan ng mga babae sa habang buntis

Maraming mga ina ang nahihirapan matulog lalo na sa ikatlong trimester ng pagbubuntis. Ito ay dulot ng maraming dahilan tulad ng kawalan ng ginhawa sa laki ng baby o pagbabago sa hormones. Maaari rin itong maidulot ng anxiety na kasama sa pagbubuntis.

Mabilis hingalin

21 na hirap na nararanasan ng mga babae sa habang buntis

Ang pagiging mabilis hingalin ay karaniwan sa mga unang bahagi pa lamang ng pagbubuntis. Ito ay dahil sa hormone na progesterone na nagdudulot ng mabilis na paghinga sa mga buntis. Ito ay tinatawag ng mga duktor na dyspnea.

Madalas na pag-ihi

21 na hirap na nararanasan ng mga babae sa habang buntis

Sa unang trimester pa lamang, marami nang mga ina ang nakakapansin na dumadalas ang kanilang pag-ihi. Ito ay dulot ng hormones na nagpapalakas sa urine production at nagpapalaki sa uterus. Naiipit nito ang bladder na nagiging dahilan ng madalas na pag-ihi.

Pagsakit ng ulo

21 na hirap na nararanasan ng mga babae sa habang buntis

Maraming mga ina ang nakakaranas ng pananakit ng ulo sa unang trimester pa lamang. Ito ay dulot ng biglang pagtaas ng hormones sa katawan ng nagbubuntis. Dagdag pa dito ang pagtaas ng dami ng dugo na dumadaloy sa katawan.

Mood swings

21 na hirap na nararanasan ng mga babae sa habang buntis

Marami ang nagbabago sa katawan habang nagbubuntis. Nagdudulot ang mga pagbabago na ito ng fatigue at pagbabago sa metabolism. Dagdag pa ang pagiging hormonal, marami ang nakakaranas ng mood swings sa una at ikatlong trimester.

Mapili sa pagkain

21 na hirap na nararanasan ng mga babae sa habang buntis

Maraming mga ina ang nagbabago ang panlasa kapag nagbubuntis. Marami sa mga ito ay nasusuka na sa amoy pa lamang ng pagkain na dati ay kanilang gusto. Nagiging mahirap ito dahil karamihan ay hindi makuhang sabihin kung ano ang nais nilang kainin.

Pangingitim ng balat

21 na hirap na nararanasan ng mga babae sa habang buntis

Maraming bahagi ng katawan ang nangingitim kapag nagbubuntis. Kasama dito ang nakakaranas ng paggasgas tulad ng kilikili at hita o singit. Ganunpaman, ang mga nipples, peklat, freckels, at ari ay nagkakaroon din ng pag-itim. Ito ay kinikilala bilang melasma na dulot ng pagbabago sa hormones.

Laging gutom

21 na hirap na nararanasan ng mga babae sa habang buntis

Karaniwan sa mga buntis ang makaramdam na tila lagi silang gutom. Sa unang trimester, malaking paghihirap sa mga buntis ang pagiging laging gutom at pagiging mapili sa pagkain o pagsusuka. Ito ang pinoproblema ng mga buntis na kain nga sila nang kain, nasusuka naman din agad.

UTI

21 na hirap na nararanasan ng mga babae sa habang buntis

Ang pagkakaroon ng urinary tract infection o UTI ay karaniwang nararanasan ng mga buntis. Ito ay dahil sa naiipon na bacteria sa urinary tract na dulot ng pag-ipit ng fetus sa bladder. Hindi nailalabas ang ihi at ang bacteria na taglay nito ay nagdudulot ng impeksiyon sa katawan.

 

Nakakatakot man na magbuntis dahil sa dami ng paghihirap na karaniwang kaakibat nito, hindi parin mapagkakaila ng mga ina na lahat ng ito ay worth it pagdating ng kanilang baby.

 

Source: theAsianparent Community

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner