Anong normal na paggalaw ni baby sa tiyan at kailan dapat mag-alala?

Anong normal na paggalaw ni baby sa tiyan at kailan dapat mag-alala?

Sa paglaki ni baby sa tummy, malalaman mo na ang kanyang iba't-ibang movement patterns. Ngunit ano nga ba ang normal na pag galaw ni baby sa tiyan?

Isang kakaibang pakiramdam kapag naramdaman mo for the very first time ang sipa ni baby sa tummy. Ang galaw at sipa nito ay isang paraan para malaman kung healthy si baby sa tyan. Kahit na iba-iba ang pagbubuntis ng kababaihan, meron pa ring pagkakaparehas kung paano mapapag-aralan ang movements nila. Ano nga ba ang normal na pag galaw ni baby sa tiyan?

Ano ang pakiramdam nito?

Ang fetal movements o sipa ni baby ay kadalasang hindi masakit. Mas kilala ito bilang ‘quickening’ sa unang mga linggo. Naiihalintulad rin ang pakiramdam na parang may butterfly sa loob ng tyan ng isang ina.

Kadalasan, ang sipa ni baby ay nakakakiliti o parang dulot lang ng gas bubbles o kaya naman pagkagutom. Kaya naman ‘wag kakabahan kapag naging aggressive ang sipa ni baby dahil habang lumalaki ito, mas lalo rin siyang nagiging malakas. Mararanasan mo ang mild pain o discomfort dahil sa malalakas na sipa ni baby.

Kailan ko mararamdaman ang sipa ni baby?

Ang movement ng isang baby ay kadalasang nararamdaman as early as 14 weeks ng pagbubuntis. Mararamdaman naman ng mga first time mother ang sipa ni baby sa kanilang 18 o 24 weeks na pagbubuntis.

normal-na-pag-galaw-ni-baby-sa-tiyan

Normal na pag galaw ni baby sa tiyan | Image from Unsplash

Iba-iba ang factors na tatandaan kasama ang first kick ni baby. Narito ang ilan sa kanila:

  • Experience. Kadalasang nararamdaman ng mga second-time mothers ang sipa ni baby ng mas maaga kumpara sa mga first time mom dahil mas alam na nila kung ito ba ay sipa ni baby. Ang mga first-time mothers naman ay hindi agad nararamdaman ang movement ni baby dahil kadalasang akala nila ito lang ay gas bubbles lamang. Ngunit hindi nila alam na sipa na pala ito ni baby.
  • Placenta position. Kadalasang nalalaman ang posisyon ng iyong placenta sa 20-week scan mo. Kung ang isang babae ay may anterior placenta, medyo may kahirapan na maramdaman ang galaw ni baby. Ang anterior placenta ay kapag ang placenta mo ay nasa gitna ng iyong baby at tyan. Nakadugtong ito sa front wall ng iyong uterus at kung bakit may exta cushion si baby dahilan kung bakit hirap maramdaman ng isang ina ang sipa ni baby.
  • Size. Isang dahilan rin ang weight ng ina sa movement ni baby. Ang mga buntis na ina na may higher body mass index ay matagal bago maramdaman ang sipa ni baby dahil makapal ang kanilang abdominal wall.

Normal na pag galaw ni baby sa tiyan

Sa paglipas ng araw, ang activity ni baby ay mas lalong lumalakas. Sa first trimester mo, maliit pa si baby kaya naman hindi pa mararamdaman ang kanyang mga paggalaw. Pagsapit naman ng second trimester, dito na magsisimulang maramdaman mo ang movements ni baby sa tyan. Kadalasang malakas ang sipa ni baby sa gabi dahil dito sila active.

Narito ang ilang common experiences sa iyong pagbubuntis:

  • First trimester (Weeks 1 – 12): Mahina o hindi mo pa mararamdaman ang galaw ni baby dito. Ang scan lang ang makakaramdam kung active ba si baby pero sa oras na ito, hindi mo pa mararamdaman si baby dahil maliit pa lamang siya.
  • Second trimester ( Weeks 13 – 26): Sa pagkakataong ito, mapapansin mo na ang malaking tummy mo. Pero medyo lumaki na kahit papaano si baby kumpara sa first trimester. Mararamdaman mo na ang mga nakakakiliti o maliliit na sipa ni baby as early as 14 weeks. Makakaramdam kana din ng discomfort dahil mas lumalakas na ang muscle ni baby at nagiging enegeretic na rin ito.
  • Third trimester (weeks 27 – 40): Sa paglaki ni baby, mas mararamdaman na niya ang masikip na space sa loob ng iyong tummy. Mas malakas at energetic na rin ito kumpara sa mga nakaraang trimester. Kaya naman normal lang ang pagkakaroon ng discomfort o pain dahil sa mga sipa ni baby. Meron ring iba na marararamdaman mo ang kanilang pag dighay! ‘Wag kabahan kapag nararamdaman mo ang mga ganito. Ito ay dahil isang sign ito na lumalaking healthy si baby.
normal-na-pag-galaw-ni-baby-sa-tiyan

Normal na pag galaw ni baby sa tiyan | Image from Freepik

Gaano kadalas dapat sumipa si baby?

Ang normal at healthy activity ni baby ay ang pagsipa ng more than 10 movements sa loob ng 2 hours. Ngunit tatandaan lang na may mga sleep cycle si baby na tumatagal ng 20-40 minutes.

Ang movement ni baby ay tumataas sa 32 weeks ng iyong pgbubuntis at dapat consistent rin ang activity pattern nila. Samantalang ang iba naman ay nagbabago kapag malapit na ang due date nila

Ano ang hindi normal na pag galaw ni baby sa tiyan?

Ang magbaba o paghina ng regular movement ni baby ay isang sign na hindi okay ang iyong anak sa tummy. Marami ang various factors na maaaring naging dahilan kung bakit ito nangyari; sleep cycles, generic issue katulad ng obesity na nakakaapekto sa sipa ni baby.

Mayroon naman ibang mase seryosong issue sa biglang paghina o pagbago ng activity pattern ni baby. Katulad ng kakulangan sa amniotic fluid o kaya naman drug/medication katulad ng pain relief o iba pang sedatives na nakakaapekto sa galaw at circulation ni baby. Pwede rin ang alcohol o paninigarilyo na malaking dahilan sa pagbabago ng movements ni baby.

Ayon sa Australian Family Physician, hindi masyadong nararamdaman ng mga mommy ang galaw ni baby kapag nakaupo o nakatayo. Kaya ang payo ng mga doctor sa mga pregnant mom na humiga sa kanilang left side at dito pakiramdaman ang paggalaw ni baby.

Kung nararamdaman mo ang pagbaba o paghina ng galaw ni baby, mas maganda kung pumunta sa doctor upang masuri agad si baby. Dito titignan ang heart rate niya at kung ano ang naging problema sa paghina nito.

normal-na-pag-galaw-ni-baby-sa-tiyan

Normal na pag galaw ni baby sa tiyan | Image from Unsplash

Bantayan ang sipa ni baby at madalas na bilangin ito

Ang pagbibilang o pag-unawa sa movements ni baby ay isang mahalagang katangian ng isang ina. Ito ay dahil malalaman agad nila kung sakaling may pagbabago o paghina sa movement o pattern ni baby.

Ang pag monitor sa galaw o pattern ni baby ay dapat tandaan lalo na sa 3rd trimester ng pagbubuntis. Ang mga nanay na na-t-track ang ang galaw ni baby ay agad nalalaman kung may utero distresses bang nangyari at naiiwasan ang risk ng stillbirth. Isang madaling way para rito ay pakiramdaman ang 10 kicks ni baby at kung gaano ito katagal bago makumpleto.

Sa loob ng dalawang oras dapat ay maka 10 kicks si baby. Pero ‘wag agad mag panic kung sakaling hindi naka-sampung sipa si baby dahil maaaring ito ay tulog. Pwede kang kumain ng snack, uminon ng juics o maglakad bago humiga at pakiramdaman si baby.

Maaari mo ring i-track ang sipa ni baby gamit ang kick counter or chart. May ibang clinic na nagbibigay ng ganito. Sa pag monitor ng sipa ni baby ay dito mo mas maiintindihan ang kanyang pattern lalo na kung kailan mas active si baby, kung kailan siya natutulog o kaya naman gaano katagal bago niya makumpleto ang 10 movements. Lahat ng twist, sipa o pagikot ni baby ay considered ng movement.

Kung ang iyong baby ay hindi nakagalaw ng 10 times sa loob ng 2 oras, ‘wag matakot na tawagan ang iyong doctor.

 

Translated by: Mach Marciano

Translated with permission from theAsianparent Singapore

BASAHIN:

Safe at tamang paghiga ng buntis upang makaiwas sa stillbirth

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Mach Marciano

Article Stories
app info
get app banner