Varicose veins ng buntis: Sanhi at paano ito maiiwasan

Varicose veins ng buntis: Sanhi at paano ito maiiwasan

'Wag mag-atubiling kausapin ang iyong maternity care provider kung mayroon kang varicose veins o almuranas. | Lead image from iStock

Ating alamin kung ano ang varicose veins ng buntis at kung bakit ito nangyayari sa ugat sa binti. Mayroon ding impormasyon tungkol sa almoranas na karaniwang ring nararanasan ng buntis.

Mababasa sa artikulong ito ang:
  • Ano ang varicose veins at almuranas sa buntis?
  • Bakit nagiging malala ang varicose veins kapag buntis ang babae?
  • Tips para mapigilang lumala ang varicose veins habang buntis
  • Tips para mapigilang magkaroon ng almuras

Ano ang varicose veins ng buntis?

Ang varicose veins at almoranas ay maaaring tumubo sa iba’t-ibang parte ng katawan ngunit sila ay pinagmumulan ng parehong dahilan. Ang pamamaga at paglaki ng ugat sa hita ay tinatawag na varicose veins. Habang hemorrhoids naman kung ito ay tumubo sa rectum.

ano ang varicose veins

Ano ang varicose veins? | Image from iStock

May ibang buntis na babae naman na nararanasang magkaroon ng varicose veins sa kanilang vulva. Talaga namang masakit ang magkaroon nito. Mas nararamdaman ito sa gabi na gawa ng matagal na pagtayo sa buong araw.

Karaniwang lumalabas ang almoranas at varicose veins pagsapit ng second at third trimester ng pagbubuntis. Ngunit may ibang babae naman na naranasan ang ganitong kondisyon ng mas maaga pa bago sila magbuntis.

Ano ang dahilan ng varicose veins sa buntis?

Ang ugat natin ay iisang daluyan lamang dumadaan.

Sa kondisyong ito, hindi malayang dumadaloy ang dugo na siyang dahilan kung bakit naiipon ito sa iisang lugar. Hindi magtatagal ito ay lalaki at magmukukhang namamaga. Ang itsura nila ay kadalasang kulay asul na matambok at makikita sa likod ng binti.

Habang ang hemorrhoids naman ay matatagpuan sa puwit ngunit hindi madaling makita. May ibang babae naman na nakararanas na ng almoranas bago sila mabuntis ngunit ito ay hindi naman malala. 25 hanggang 35 porsyento ang bilang ng kababaihang nakararanas nito. Habang 8 hanggang 20 porsyento ng mga buntis na babae ang nagkakaroon ng varicose veins.

BASAHIN:

Pasma sa ugat: Sanhi, sintomas at komplikasyon na dapat bantayan

Ugat sa binti: Sanhi, sintomas at paraan para mawala ito

Mga home remedies at surgical procedures para malunasan ang almoranas

Bakit nagiging malala ang varicose veins kapag buntis ang babae?

Marami ang pisikal na pagbabago sa mga babae kapag sila ay buntis. Katulad na lamang ng pagtaas ng dami ng dugo, pagbabago ng timbang, hormonal changes at pagtaas na rin ng lebel ng progesterone. Isa pa sa masasabing dahilan ng varicose veins ay dahil sa pagbigat ng nakaupong baby sa iyong uterus.

Habang ang ibang babae naman ay nakukuha ang varicose veins dahil sa kanilang genes.

Ano ang treatment sa varicose veins at almoranas sa pagbubuntis?

Ang treatment nito ay makakatulong sa mga babae para mabawasan ang sintomas at pananakit. Ngunit may iba naman na kinakailangang sumailalim sa operasyon para maayos ang baradong ugat kung sila ay may problema pa rin pagkatapos manganak.

Isang treatment para sa varicose veins ay ang pag-inject ng sclerosing agent. Ngunit hindi ito para sa lahat dahil kaya lamang nitong solusyonan ang mga maliliit na ugat at hindi ang mga malalaki.

Sa usaping almoranas naman, ito ay maaaring gamitan ng espesyal na uri ng rubber band o kaya naman sumailalim din sa operasyon. Para sa halos lahat, may mga paraan naman para mabawasan ang kondisyon na ito pagkatapos mong manganak.

ano ang varicose veins

Ano ang varicose veins? | Image from iStock

Almoranas o Hemorrhoids

  • Makakatulong ang mga cream para mabawasan ang pangangati o pananakit ng almoranas. Ito ay naglalaman ng anti-inflammatory at analgesic compounds na siyang dahilan kung bakit lumiliit ang sukat ng almoranas. Ang suppository naman ay makakatulong din ngunit may ibang babae na hirap sa pagpasok nito sa kanilang rectum.
  • Malaki ang maitutulong ng dietary supplements sa’yo para maging malambot ang dumi.
  • Ang pagligo ay magdadala ng ginahawa. Kaya naman maghanda ng ice pack ay ilagay ito sa may bandang almoranas. Ang paglalagay ng cold compress sa may anal are ay makakatulong sa’yo.
  • Talakayin ang iyong maternity care provider tungkol sa analgesics na ligtas at maaaring inumin habang buntis.

Varicose veins

  • Sanayin ang sarili na kapag uupo ay dapat nakataas ang mga paa.
  • Makakatulong ang iba’t-ibang pool exercise habang buntis. Maraming buntis ang sinasanay ang kanilang sarili sa ganitong ehersisyo. Maganda itong gawain dahil hindi na kailangang tumayo at gamitin ng madalas ang muscle sa binti.

5 tips para mapigilang lumala ang varicose veins habang buntis

Dapat malaman ng karamihan na hindi maiiwasang magkaroon ng varicose veins. Ngunit may ilang bagay naman na makakatulong sa’yo:

  1. I-monitor ang timbang na nadadagdag sa pagbubuntis. Isa sa risk factor ng kondisyong ito ay ang labis na timbang o pagiging overweight/obese. Gamitin ang iyong pre-pregnancy Body Mass Index (BMI) bilang gabay sa malusog na pagbubuntis.
  2. Iwasang umupo o tumayo sa isang posisyon ng matagal. Gumalaw-galaw, gamitin ang mga kalamnan sa iyong hita para makatulong sa magandang dalot ng dugo sa puso.
  3. Iwasang magsuot ng masisikip na damit lalo na sa iyong hita, tiyan o baywang. May ibang babae naman ang gumagamit ng compression stocking bilang suporta.
  4. Kapag nakaupo, panatilihing nakataas ang iyong hita at paa. Gumamit ng maliit na upuan naiyong magagamit habang nanonood ng TV at nakataas ang paa.
  5. ‘Wag mag cross legs o upuan ang mga paa.
ano ang varicose veins

Ano ang varicose veins? | Image from iStock

5 tips para mapigilang magkaroon ng almoranas habang buntis

  1. Iwang maging constipated. Kumain ng mga pagkaing mayaman sa fibre na mga sariwang prutas at gulay. ‘Wag ding kakalimutang uminom ng maraming tubig.
  2. Iwasang umupo sa inidoro o pigilan ito habang dumudumi.
  3. I-monitor ang “white” foods na mataas sa carbohydrate katulad ng white bread o flour.
  4. ‘Wag pigilan ang dumi kapag kailangang magbanyo. Nagkakaroon lang ng matinding pressure sa iyong rectum at maaaring magdulot ng constipation.
  5. Iwasang magbuhat ng mabibigat na bagay. Napapataas lang nito ang iyong risk factor sa pagkakaroon ng almuranas dahil sa pressure sa iyong abdomen.

Tandaan

‘Wag mag-atubiling kausapin ang iyong maternity care provider kung mayroon kang varicose veins o almuranas.

Jane Barry has qualifications in general, paediatric, immunisation, midwifery and child health nursing. She holds a Bachelor Degree in Applied Science (Nursing) and has almost 30 years specialist experience in child health nursing. She is a member of a number of professionally affiliated organisations including AHPRA, The Australasian Medical Writer’s Association, Health Writer Hub and Australian College of Children and Young People’s Nurses.

 

This article was first published in KidSpot and republished on theAsianparent with permission.

Translated with permission from theAsianparent Singapore

Translated in Filipino by Mach Marciano

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Mach Marciano

Article Stories
app info
get app banner