Ang tanong ng karamihan, ang kojic soap ba ay pwede ba sa buntis? Dapat bang itigil ito kung gumagamit pa ngayon si mommy habang pregnant?
Mababasa sa artikulong ito:
- Ano ang kojic soap
- Benepisyo ng kojic soap
- Pwede ba sa buntis ang kojic soap?
Sa tulong ni Dr. Ramon Reyles, kasalukuyang Chairperson ng departamento ng OB-GY sa Makati Medical Center, bibigyang kasagutan natin ang katanungan na ito tungkol sa mga dapat kainin o iwasan na pagkain ng mga buntis.
Ano ang kojic soap?
Ang pregnancy ay isang journey ng isang babae kung saan tila roller coaster ang mararanasan. Nandyan ang pagkakaroon ng mood swings, pag crave sa mga pagkain o kaya naman pagbabago ng katawan. Syempre, karamihan sa mga mommy ay nakasanayan na rin pag gamit ng iba’t-ibang beauty products katulad ng pampaputi kahit bago pa ito mabuntis.
Pwede ba sa buntis ang kojic soap? | Image from Unsplash
Isa sa kilalang pampaputi ng mga kababaihan ang kojic soap. Ito ay isang whitening soap at madali itong makikilala dahil kadalasan ito ay color orange.
Likas na sa atin ang gumamit ng whitening products katulad ng kojic soap. Ngunit kung pag-uusapan ang paggamit nito ng mga buntis na babae, ibang usapan na ito.
Sa katungang ito, simple lang ang sagot ni Doc Reyles, “Ang sagot hindi safe.” panimula nito.
“Yung mga darkening ng skin sa ilalim ng pusod pababa ng pubic bone yun ay mga temporary tinatawag na linea nigra. Yung sa kili-kili, leeg yun naman ay tinatawag na choalasma, temporary din yan.Kapag natapos na yung pagbubuntis mo babalik na yung dating kulay. Kaya hindi na kailangang pakialam yun kasi hormone-induced yun e.”
Kaya naman masasabing hindi safe ang mga whitening agent sa pregnancy.
BASAHIN:
#AskDok: 7 beauty treatments at products na bawal sa buntis
#AskDok: Totoo po ba na nagbabawas ng dugo kapag buntis kaya may spotting?
Totoo bang kapag nag-ngingipin ang bata ay magkakaroon ito ng diarrhea?
Ang kojic soap ay mayroong kojic acid kung saan gawa ito sa iba’t-ibang uri ng fungi. Bukod sa pampaputi, ito rin ay ginagamit upang magamot ang sun damage at age spots.
Kadalasang ginagamit ang kojic acid sa mga beauty products bilang pampaputi katulad ng powders, lotion, sabon, cleanser, serum at cream.
Benepisyo ng kojic acid
Ang kojic acid ay mayroong kakayahan upang maalis ang peklat ng tao sa balat. Hindi nito tuluyang mapapawala ang peklat pero magagawa nitong mapa-lighten ang peklat sa balat.
Ito rin ay may anti-aging effect. Bukod sa pampaputi, ito ay makakatulong upang mawala ang mga dark spots na nagdudulot ng tila pagka dry ng balat.
Maaari ring makatulong ang kojic acid sa mga fungal infection katulad ng athletes foot.
Kojic soap pwede ba sa buntis | Image from Unsplash
Marami ang gumagamit ng kojic soap dahil mabisa ito para sa pag enhance ng mukha at balat. Ngunit ang sabong pampaputi na ito ay hindi para sa lahat. May iba kasi na nagkakaroon ng allergy at kakaibang reaction sa naturang sabon. Pero pwede ba sa buntis ang paggamit ng kojic soap?
Pwede ba sa buntis ang pampaputi na kojic soap?
Ang paggamit ng kojic soap sa buntis ay nakadepende sa payo ng doctor.
Ang bawat pregnant mom ay iba-iba. Hindi lahat ay maaaring gamitin dahil lamang pwede o gumagana ito sa isa. Kaya naman kung gagamit ng kojic soap na pampaputi sa buntis, mas magandang kumonsulta muna sa iyong doctor para malaman kung pwede ba sa’yo ito.
Ang paggamit ng kojic soap ay epektibo para sa karamihan pero hindi maiiwasang magkaroon ng side effects dito lalo na sa maselang pagbubuntis. Ang mga pregnant mom na mayroong sensitive skin ay hindi pinapayuhan na gumamit ng pampaputi na ito. Dahil maaari lang itong makapagdulot o makapag-trigger ng allergy, rashes at dryness sa buntis.
Kung tatanungin ang mga eksperto, mas magandang iwasan muna ang paggamit ng mga whitening products sa pagbubuntis. Ito ay dahil nakakapagpataas din ito ng sun exposure na hindi kaya ng nanay.
Pwede ba sa buntis ang kojic soap? | Image from Unsplash
Iwasan rin ang paggamit ng ibang pampaputi lalo na ang may astringent dahil ito ay mataas at mayroong delikadong kemikal.
May pag-aaral na ang kojic acid ay maaaring pagmulan ng pagkakaroon ng tumor kapag ang kojic acid na nasa producto ay mataas sa concentration.
Samantala, ayon naman sa mga eksperto, safe pa rin ang paggamit ng kojic acid sa mga beauty products. At ang raw kojic acid naman ay maaaring bilhin pero hindi pinapayo na gamitin direkta sa balat.
Kung may pangamba at nais makasiguro, ‘wag mag dalawang isip na komonsulta saa iyong doctor bago gumamit ng pampaputi sa buntis.
Source:
Healthline
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
