Balita ngayon ang tatlong bata na pinatay ng sariling ina sa Camarines Norte. Ayon sa imbestigasyon, ang ina ay hinihinalang mayroong postpartum depression.
Ano nga ba ang sintomas ng postpartum depression?
Tatlong bata pinatay ng sariling ina sa Camarines Norte
Ayon sa ulat ng Pasada Rinconada Camarines Sur, natagpuang walang nang buhay ang tatlong bata sa bayan ng Basud, Camarines Norte. Ito ay matapos pagtatagain umano ng kanilang sariling ina sa loob ng kanilang bahay.
Ayon sa pulisya, natagpuan ng tatay ang duguang katawan ng kaniyang mga anak sa loob mismo ng kanilang bahay bandang 10 ng umaga.
Napagalaman na ang 28 years old na ina ng mga bata ay kasalukuyang may postpartum depression. Pagkatapos pagtatagain ang 5 years old, 1 year old at 4 months old na anak ay sinaksak rin umano nito ang kanyang sarili. Naisugod pa sa ospital ang tatlong bata pero agad rin silang binawian ng buhay.
Samantala, ang ina ng mga ito ay kasalukuyang nasa ospital at pansamantalang ginagamot.
Ano ang postpartum depression?
Ang postpartum depression ay nararanasan ng mga nanay na pagkatapos nilang manganak. Ito ay halo-halong matinding emosyon katulad ng anxiety, mood swings, labis na pagiging emosyonal o kaya naman hirap sa pagtulog. Sa madalas na pagkakataon, ito ay mahirap pigilan.
Nagsisimula ang baby blues tatlong araw pagkatapos manganak ng isang babae at umaabot ng ilang linggo.
Saka lang nagiging postpartum depression ito kapag tumagal ang nararanasang kondisyon ng isang nanay na halos tumatagal ng taon. Nararanasan ang postpartum depression bago, habang at pagkatapos manganak ng isang babae.
Ayon sa isang pag-aaral na pinublish sa British Journal of Psychiatry sa National Institute for Health Research, nasa 25% ng mga kaso ng postpartum depression ay nagsisimula sa pagbubuntis.
Talong bata pinatay ng sariling ina sa Camarines Norte | Image from Unsplash
Sintomas ng baby blues
Nararanasan ito ng ibang nanay pagkatapos nilang manganak. Kadalasan tumatagal ito ng 2 linggo. Narito ang sintomas:
- Hirap sa pagtulog
- Pagiging malungkutin
- Pag-iyak
- Sobra-sobrang emosyon
- Iritable
- Hirap sa pagkain
- Pagkawala ng concentration
- Anxiety
- Mood Swings
Sintomas ng postpartum depression
Napagalaman rin na mataas ang rating ng depression sa 8 months ng pregnancy. Mahirap malaman kung ang nararanasan mo ba ay matatawag mo nang depression. Ngunit kapag nakita mo na ang mga sintomas ng postpartum depression, kailangan mo nang magpatingin sa iyong doctor.
Kadalasang napagkakamalang baby blues ang postpartum depression. Pero malalaman mong postpartum depression ito dahil mas malala at mas matagal na mararanasan ito. Mararanasan ito bago, habang o pagkatapos manganak. Kadalasan itong tumatagal ng taon.
Talong bata pinatay ng sariling ina sa Camarines Norte | Image from Unsplash
Narito ang sintomas ng postpartum depression na dapat mong bigyang pansin:
- Malalang mood swings
- Sobra-sobrang pag-iyak
- Hirap makihalubilo sa baby
- Pagiging malungkutin o miserable sa araw-araw
- Sobra sobrang magalit
- Umiiyak palagi kahit sa maliit na bagay
- Iritable at galit sa halos lahat ng bagay
- Pagkawala ng interes sa mga bagay na dati ay nag eenjoy ka
- Hirap sa pagtulog o sobra sobra ang pagtulog
- Overeating o pagkawala ng appetite
- Sobrang pagkapagod
- Lack of concentration
- Nawawala ang connection sa baby at nakakapag isip ng malulungkot na mga bagay
- Pagkawala ng connection sa asawa at pamilya
- Thoughts of self harm
- Suicidal thoughts
Source:
Pasada Rinconada Camarines Sur
BASAHIN:
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
