10 health benefits ng bawang ayon sa mga pag-aaral

10 health benefits ng bawang ayon sa mga pag-aaral

Mga benepisyo ng bawang sa katawan na napatunayan na ng siyensya.

Benepisyo ng bawang sa ating katawan at kalusugan na pinatunayan ng siyensa at mga pananaliksik.

Mga benepisyo ng bawang sa ating katawan

Ang benepisyo ng bawang sa ating katawan at kalusugan ay napakarami kung bibilangin. Magmula pa nga noong unang panahon ay isa na ito sa laging ginagamit bilang panglunas sa mga sakit.

Ito ang madalas na ireseta noon ng Father of Western Medicine na si Hippocrates sa kaniyang mga pasyente.

Mula sa pinaniniwalaang magagandang dulot nito sa katawan mula pa noong panahon, ay may ilan sa mga ito ang napatunayan ng mga bagong pag-aaral na epektibo at makakatulong para sa maayos na kalusugan. Ang ito ay ang mga sumusunod:

benepisyo ng bawang

Image from Freepik

1. Ang bawang ay nagtataglay ng compounds na may medicinal properties.

Isang halaman na mula sa pamilya ng sibuyas ang bawang. Nagtataglay ito ng kakaibang lasa at may dalang maraming benepisyo sa katawan. Ito ay dahil umano sa mga sulfur compounds na taglay nito tulad na allicin, diallyl disulfide at s-allyl cysteine.

Ang mga compounds na ito ang pumapasok sa ating katawan sa tuwing tayo ay kumakain ng bawang na nagdudulot naman ng biological effects sa ating kabuuang kalusugan.

2. Ang bawang ay masustansiya at may taglay na mababang bilang ng calories.

Ang nangungunang benepisyo ng  bawang na naibibigay sa ating katawan ay ang mga nutrients na taglay nito.

Sa katotohanan ay taglay nito ang lahat ng vitamins at minerals na kailangan ng isang tao. Sa isang ounce o 28 g na bawang nga ay makukuha mo na ang sumusunod:

  • Manganese: 23% ng RDA (Recommended Dietary Allowance)
  • Vitamin B6:17% ng RDA
  • Vitamin C: 15% ng RDA
  • Selenium: 6% ng RDA
  • Fiber: 0.6 grams
  • Calcium, copper, potassium, phosphorus, iron at vitamin B1
  • 42 calories, 1.8 grams ng protein at 9 grams ng carbs.
3. Ang bawang ay mabisang panlaban sa sakit gaya ng sa sipon at trangkaso.

Ang mga garlic supplements ay kilalang nagpapalakas ng ating immune system.

Isang pag-aaral nga ang nagsabing ang daily garlic supplement ay nakakapagbaba ng tiyansa ng pagkakaroon ng sipon ng hanggang 63%.

Para sa mga nakakaranas naman ng sintomas ng sipon ay mas pinapaikli nito ng 70% ang bilang ng araw na maaring magpahirap ang sakit sa isang tao.

Isang pag-aaral rin ang nagsabing ang 2.56grams ng bawang kada araw ay hindi lang nakakabawas ng bilang ng araw ng pagkakasakit dahil sa sipon. Nakakatulong rin ito para mas mapaikli ang bilang ng araw ng pagpapahirap ng  flu o trangkaso ng hanggang 61%.

4. Ang mga active compunds na taglay ng bawang ay kayang magpababa ng blood pressure.

May mag pag-aaral ding nagpatunay na ang isa pang benepisyo ng bawang sa katawan ay ang pagtulong nito sa pagbaba ng mataas na blood pressure.

Sa isang pag-aaral natuklasang ang 600-1,500mg ng bawang ay kasing effective ng gamot na Atelonol sa pagpapababa ng blood pressure sa loob ng 24-week period.

Bilang supplement naman ay kailangang kumain ng four cloves ng garlic kada araw para ma-achieve ang desired effects sa katawan.

5. Pinapababa ng bawang ang chloresterol level sa katawan na nagpapababa rin ng tiyansa ng pagkakaroon ng heart disease.

Para sa may mataas na bilang ng bad cholesterol sa katawan, ang garlic supplements umano ay kayang pababain ito ng hanggang 10-15%. Bilang epekto ay naiiwas nito ang katawan na magkaroon ng mga sakit na dulot ng bad cholesterol tulad ng heart disease.

6. Ang taglay ng antioxidants ng bawang ay kayang tulungan ang isang taong umiwas sa Alzheimer’s disease at Dementia.

Ang mga garlic supplements ay tumutulong na pataasin ang antioxidant enzymes ng katawan na mabisang panlaban sa cell damage at aging. Pinababa rin nito ang oxidative stress ng mga taong may high blood pressure.

At ang pinagsamang epektong ito sa katawan ay nagpapaba naman ng tiyansa ng pagkakaroon ng common brain diseases gaya ng Alzheimer’s disease at dementia.

7. Ang bawang ay makakatulong para magkaroon ng mas mahabang buhay.

Sa mga nabanggit na benepisyo ng bawang sa katawan ay masasabing makakatulong ito para mas mapahaba ang buhay ng isang tao.

Mapapatunayan ito ng katotohanang kaya nitong labanan ang mga infectious disease na dahilan ng pagkamatay lalo na sa mga matatanda at may mga mahinang immune system.

8. Ang mga garlic supplements ay nagpapaganda rin ng athletic performance.

Noong unang panahon ay ginagamit na ang bawang bilang pampawala ng fatigue at pampa-enhance ng work capacity ng mga manggagawa.

Ibinibigay rin ito sa mga Olympic athlete’s noon sa Greece.

May mga pag-aaral naman ang nagsabing nakakatulong ito sa exercise performance.

Samantalang natuklasan din ng isang pag-aaral na ang mga taong may heart disease na gumagamit ng garlic oil sa loob ng anim na linggo ay nagkaroon 12% reduction sa mataas na heart rate at nagkaroon ng better exercise capacity.

9. Ang pagkain ng bawang ay nakakatulong na ma-detoxify ang mga heavy metals sa katawan.

Ang sulfur compounds na taglay ng bawang ay pinoprotektahan ang katawan laman sa organ damage na dulot ng heavy metal toxicity.

Sa isang four-week study, lumabas na ang bawang ay pinapababa ang lead levels sa dugo ng hanggang 19%. Binabawasan rin nito ang clinical signs ng toxicity sa katawan gaya ng sakit ng ulo at high blood pressure.

10. Ang bawang ay nakakatulong para mag-improve ang bone health ng mga kababaihan.

Isa namang kahanga-hangang benepisyo ng bawang para sa mga kababaihan ay ang pag-iimprove nito ng bone health para makaiwas sa bone loss at iba pang bone related disease.

Ito ay dahil umano sa epektong nagagawa ng bawang sa pagpapataas ng estrogen levels ng isang babae.

Sa isang pag-aaral sa mga menopausal women ay natuklasan ngang ang daily dose ng garlic extract o 2 grams ng hilaw na bawang ay kayang pababain ang marker ng estrogen deficiency sa mga babae.

Napag-alaman din na tulad ng sibuyas ay mayroon itong beneficial effects sa osteoarthritis.

 

Maliban sa health benefits, isa pang benepisyo ng bawang na naibibigay sa atin ay ang availability at easiness nito na maisama sa ating diet. Maari itong ihalo sa ulam, soup at iba’t-ibang recipes.

Tandaan lang din na may bad effects din ang bawang sa katawan gaya ng pagkakaroon ng bad breath. Kung may bleeding disorder naman o nagtetake ng blood-thinning medications, ay makipag-usap muna sa iyong doktor bago dagdagan ang iyong garlic intake.

 

Source: Healthline
Photo: Freepik

Basahin: 10 health benefits na makukuha mula sa saging

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner