Katulad ng ibang mga nanay na nawalan ng anak, masakit din para kay Bernadette Sembrano nang mawala ang kaniyang anak na si Molly. Ibinahagi niya ang karanasang ito sa isang Facebook video post.
Mababasa sa artikulong ito:
- Karanasan ni Bernadette Sembrano sa pagkawala ng kaniyang anak
- Mga natutunan at na-realize ni Bernadette Sembrano
Hindi lubos akalain na ang matapang at palaban na ABS-CBN News Anchor na si Bernadette Sembrano ay naging emosyunal sa pagbabahagi ng kaniyang kwento patungkol sa kaniyang anak na babae na si Molly.
Larawan mula sa Instagram ni Bernadette Sembrano
Ayon kay Bernadette December 8, 2019 nang makunan siya. “It took a while before I decided to post this – I ask myself, ‘How much should One reveal?” Sa kaniya pang pagkukuwento,
“Why am I talking about Molly? Well, we had Molly later part of 2018. I think it was December 8 that we got confirmation that Molly was successfully implanted sa atin noong December 8 of 2018. But we’ve lost her before my birthday of 2019.”
Subalit ang masayang pangyayari na ito’y napalitan ng lungkot matapost lamang ang 9 weeks at bago pa umano magdiwang si Bernadette ng kaniyang kaarawan noong nakaraang taon. Sa kwento pa ni Bernadette,
“Our daughter was officially “implanted”. We lost her 9 weeks after. We do have a daughter and she inspired me to live a life of knowing and remembering. To all those who shared their stories, their pains with me and the world through our reports, thank you. I listened and you changed me. Salamat po.”
Masayang-masaya umano si Bernadette nang malaman nila ng kaniyang mister ang balita na siya’y buntis, subalit matapos lamang umano ang 9 weeks na pagbubuntis nakunan si Bernadette Sembrano sa kaniyang anak na si Mary Olivia o Molly.
Matapos umano ang pangyayaring ito na-inspire umano si Bernadette na “to live a life o knowing and remembering”. Nagpasalamat din ang news anchor sa mga nagbahagi ng kanilang kwento sa kaniya.
“When we lost Molly, that’s when I learned to honor Molly’s life by living a full life and saying yes to a lot of things.
Nang mawala ang kaniyang anak sinabi niya sa kaniyang sarili na magye-yes siya sa mga bagong opurtunidad na darating sa kaniyang buhay. Ang dahilan umano nito’y,
“Why? Ang pinanggalingan nito, I remember when I was pregnant with her, I had a journal. Palibhasa, late na ako na-pregnant, I thought to myself I should write her like mga habilins in case I don’t see her grow up,”
BASAHIN:
11 Things You Should Know About Grief After Miscarriage Or Baby Loss
Paano kakausapin ang iyong asawa pagkatapos makaranas ng stillbirth o miscarriage?
Dagdag pa ng news anchor,
“Ang point lang dito, we are celebrating “bubog.” Marami tayong bubog. Bawat isa sa atin, may bubog. May sugat na malalim. Masakit na ating dinadala na hindi kailanman mawawala. Pero ang point dito, paano mo yayakapin ‘yung bubog na meron sa puso natin,”
Larawan mula sa screeshot sa Facebook post ni Bernadette Sembrano
Marami umano sa ating may mga sakit na pinagdadaanan o pinagdadaanan subalit kahit marami tayong mga masasakit na karanasan na kailanman ay hindi natin malilimutan ang mahalaga’y matututo tayong gawing inspirasyon ito upang magpatuloy sa ating buhay. Gaano man kasakit ayon kay Bernadette matututo tayong yakapin ang mga bubog na meron sa ating mga puso.
Hindi madali para sa isang babae o ina ang makunan at mawalan ng anak sa loob ng kaniyang sinapupunan. Kailanman hindi natin na mauunawaan ang mga pinagdadaanan ng isang nawalan ng isang supling hindi pa niya man nahahawakan o nayayapos sa kaniyang mga bisig. Mahalaga na maunawaan at intindihin ang mga inang nawalan ng kanilang mumunting supling. Kaya naman mas mahalaga na maunawaan natin ang miscarriage at stillbirth.
Coping with miscarriage
Ang miscarriage ay maaaring mangyari sa 15% ng mga babaeng nagbubuntis. Ang nakakalungkot umano rito wala umanong masyadong paraan upang maiwasan nito. Tandaan na ang pinakamahalaga mong malaman ay hindi mo kasalanan ito. Wala kang kasalanan dito.
Kailangan bigyang-pansin ang iyong nararamdaman
Mahirap man at masakit man ang iyong nararamdaman, kailangan mong bigyang pansin ito. Sa pagtanggap na ika’y malungkot at nasasaktan sa nangyari sa iyong anak at sa iyo. Hindi magiging madali ito para sa ‘yo dahil masakit at mahirap tanggapin ang mawalan ng anak.
Tanggapin ang pagkawala ng iyong anak
Isa siguro sa pinakamahirap ay ang tanggapin na tuluyan na ngang nawala ang iyong anak. Gaano man ang iyong pag-aalaga sa kaniya sa loob ng iyong sinapupunan. Ang mahalaga matanggap mo ito at maunawaan mo na hindi mo ito kasalanan, sadyang may ilang pagkakataon lamang at pangyayari ang hindi mo inaasahan.
Huwag mahiyang maglabas ng nararamdam sa iba
Hindi madali ang ganitong pangyayari kahit kanino mang babae, o mag-asawa. Huwag matakot o mahiya na maglabas ng iyong nararamdaman sa iyong mga kaibigan. Mahalaga ang magkaroon ng isang matibay na support system sa panahong ito.
Masakit man ang mawalan ng anak kahit hindi mo po siya nahahawakan ang mahalaga ang naging bahagi siya ng buhay mo. Maaari ring i-download ang aming app, mayroong feature sa aming theAsianparent Philippines community app upang makatulong sa inyong pag-rekober sa miscarriage. I-click dito.
Hindi mo man siya mahawakan ay alam mong naririyan lamang siya na gumagabay sa ‘yo. Masakit man magpatuloy ka pa rin. Muli ayon kay Bernadette Sembrano matuto tayong yakapin ang ating mga bubog.
Source: