Makahulugan ang pagsisimula ng September para sa real life couple na sina Billy Crawford at wife nitong si Coleen Garcia. Ito ay matapos isilang ng aktres ang kanilang first baby noon lamang September 10.
Bukod sa pagiging positibo ng dalawa sa pagsisimula ng kanilang pamilya, hindi pa rin mawawala ang mga taong hindi naniniwala sa kanila.
Billy Crawford, sinagot ang basher laban sa pagsasama nila ng wife na si Coleen
Matatandaan na noong May 1, taong kasalukuyan, inanunsyo ng actress-model na si Coleen Garcia ang kaniyang unang pagbubuntis sa kaniyang asawang si Billy Crawford. At noong nakaraang buwan nga lamang ay matagumpay na isinilang ng aktres si baby Amari thru water birth.
Makikita sa bawat Instagram post ng aktor kung gaano ito ka-proud bilang daddy. Walang kahirap-hirap nitong nabubuhat si baby Amari kapag natutulog o nakikipaglaro. “He’s been lifting his head like this since the day he was born! My little man.” sabi pa ng aktor sa isang Instagram post habang karga ang anak.
Maganda ang naging takbo ng kanilang unang mga araw. Kahit first time parents sila ni Coleen, tanggal ang pagod nila sa presensya pa lang ng kanilang anak.
Ngunit, nananatiling positibo si Billy Crawford matapos nitong makatanggap ng komento galing sa isang basher sa kaniyang Instagram post tungkol sa paghihiwalay nila ni Coleen kapag sinubok ng panahon.
“Katagalan pag sinubok kayo ng panahon maghihiwalay din kayo ng mama niyan.”
Kahit na negatibo ang komento nito sa litrato ni Billy at baby Amari, hiniling pa rin ng aktor ang kabutihan sa basher.
“First of all pag ang Panginoon ang nasa gitna ng relationship mo nothing can stop it. Second Etong panahon natin ng pandemia nag iisip ka pa ng dagdag negatibo sa mundo. May God guide you and keep you and your family safe from harm. Wag kang mag alala ipag dadasal namin ng asawa ko ang kabutihan mo.”
-Billy Crawford (@billycrawford)
Ayon sa aktor, kapag Panginoon ang sentro ng inyong relasyon, hinding-hindi ito magtatapos.
Bukod pa rito, maraming followers ni Billy ang nadismaya at hindi natuwa sa naturang komento ng basher. Marami ang nainis at sinasabing ‘wag gawing negatibo ang isang positibong pangyayari.
Noong nakaraang buwan, malungkot na inanunsyo ng aktor ang tuluyang pag-alis nito sa Kapamilya Network. Kasabay nito ang pagpasok ni Billy sa bago nitong network na TV5. Magkakaroon na rin siya ng noon time show na may pinamagatang “Lunch Out Loud” kasama ang kaniyang mga co-host na sina Alex Gonzaga, K Brosas at Wacky Kiray.
Dinepensahan ng aktor ang mga katagang ang naturang show niya raw ay rival sa dati nitong noontime show na “It’s Showtime”
Coleen Garcia pregnancy journey
Sa isang vlog nila sa kanilang YouTube channel na The Crawfords, ikinwento ni Coleen Garcia ang kaniyang kakaibang pregnancy journey kasama ang kaniyang asawang si Billy Crawford.
Ayon sa aktres, hindi naging madali ang kaniyang pagbubuntis dahil sa kaniyang Polycystic Ovarian Syndrome o mas kilala bilang PCOS. Dahil rito, madalas siyang umiinom ng pills para rito. Dahil sa madalas na pagpunta sa check-up niya, nawala rin agad ang kaniyang PCOS.
Bukod sa PCOS ni Coleen, pinayuhan din sila ng kanilang doktor na hindi pa oras para sila ay magkaanak. Ito ay dahil sa dating lifestyle ni Billy. Mahilig kasi itong uminom ng alak at manigarilyo dati ngunit halos 2 years na rin ng itigil niya ito.
Nang nagbuntis si Coleen ay labis silang nagulat ng malaman ito. Ito ay dahil hindi karaniwan na ma-delay ang period ng aktres dahil nga sa iniinom nitong pills para sa PCOS.
Unang naramdamang sintomas ng pagbubuntis ng aktres ay ang pagsusuka. Kaya naman nang mag-take ng pregnancy test si Coleen, dalawang line ang nakita niya rito ngunit ang isang line ay malabo. Kwento ng aktres na hindi agad niya ito sinabi sa asawa dahil baka delayed lang talaga siya ng period at maaaring bumalik din agad.
Ibinahagi rin ng aktres na hindi agad sila naka pag honeymoon dahil hindi nagkakatugma ang kanilang schedule ng asawa. Kung magbabakasyon man, saglit lang at puro work trips rin ito. Taong April 2018 nang magpakasal sina Coleen Garcia at Billy Crawford.
BASAHIN:
FIRST LOOK: Assunta De Rossi gives birth to first baby!
Coleen Garcia, ito ang ginamit para mawala agad ang rashes ni Baby Amari
LOOK: Andi Eigenmann, ibinahagi ang secret sa kaniyang pagiging fit habang buntis
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
