Bimby Aquino Yap na-diagnose na may pneumonia. Kris Aquino malungkot sapagkat hindi niya malapitan at maalagaan ang anak dahil sa malubha at sensitibo niya ring kalagayan.
Mababasa dito ang sumusunod:
Bimby Aquino Yap na-diagnose na may pneumonia
Malungkot na ibinahagi ni Kris Aquino na na-diagnose na may pneumonia ang anak niyang si Bimby Aquino Yap. Mula sa sintomas na ipinapakita nito ay kinumpirma ng kanilang family doctor ang sakit na taglay ng kaniyang anak. Ayon pa kay Kris, ay pangatlong beses ng nagkaroon ng pneumonia si Bimby at ang huli ay noong 2020 sa gitna ng COVID-19 pandemic. Dagdag pa ni Kris, tulad niya ay marami ring skin allergies si Bimby at may sakit na asthma magmula pa noong siya ay siyam na taong gulang.
View this post on Instagram
Sa ngayon, maliban sa pag-aalala para sa kalagayan ng anak, labis daw na nalulungkot si Kris na hindi man lang niya malapitan si Bimby. Hindi niya man lang daw maalagaan ang anak sa sakit na nagpapahirap dito sa ngayon. Ito ay dahil mismo sa malubhang sakit na kaniya ring nilalabanan na dahilan para maging labis na maging sensitibo ang kaniyang kalusugan. Thankful nga daw si Kris na hindi iniwanan ng panganay niyang si Josh ang bunso niyang kapatid at hindi ito nahahawa ng sakit.
Larawan mula sa Instagram account ni Kris Aquino
“It was the worst feeling in the world. As most parents would agree, when your family doctor says you aren’t allowed to go near your son. And help take care of him because you’re undergoing immunosuppressant therapy using chemotherapy medication.”
“Thank God bimb’s kuya josh stubbornly refused to leave the connecting room where bimb had to stay. He was bimb’s constant companion & even though my nurses kept telling kuya to stop hugging bimb tuloy pa rin sya. Thank God matibay kuya’s resistance, hindi sya nahawa ng kahit ubo o sipon.”
Ito ang pahayag ni Kris sa kaniyang Instagram account.
Larawan mula sa Instagram account ni Kris Aquino
Sa parehong IG post ay nagbigay rin ng update si Kris tungkol sa kaniyang kalusugan. Ayon sa kaniya, maganda ang improvemeng ng kalusugan niya sa treatment na ginagawa niya ngayon. At hinihiling niya na sana matuloy-tuloy pa ito dahil para kay Kris kailangan niyang lumaban at magpagaling para sa mga anak na sina Josh at Bimby.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
