Hindi naging hadlang ang brain tumor na iniinda ng isang babae para matupad ang pangarap niyang kasal sa kaniyang long-time partner. Bagamat ilang oras bago matapos ang kasal ay tuluyan itong namaalam.
Mababasa dito ang sumusunod:
- Babaeng may brain tumor na ikinasal sa kaniyang long-time partner bago tuluyang nasawi.
- Mga sintomas ng brain tumor.
Babaeng may brain tumor na ikinasal sa kaniyang long-time partner bago tuluyang nasawi
Sino ang hindi maantig sa naging kasal ng long-time partner na sina Jenny Calimlim at Jayson Lopez de Guzman. Sila ay ikinasal nitong September 6. Pero ang kasal hindi naganap sa isang simbahan kung hindi sa loob ng ospital sa Pangasinan kung saan naka-confine si Jenny. Si Jenny comatose at nakikipaglaban sa isang malalang sakit. Siya ay may brain tumor.
Sa kabila ng kaniyang kondisyon siya ay naikasal sa mister niyang si Jayson. At ilang oras matapos ang naging kasal si Jenny ay tuluyang namaalam. Si Jenny at Jayson ay may dalawang anak na babae. Isang limang taong gulang at isang anim na buwan na baby.
Ano ang brain tumor: Mga sintomas, pag-iwas, at paggamot
Larawan mula sa Shutterstock
Ang brain tumor ay isang abnormal na paglaki ng mga selula sa loob ng utak o mga nakapaligid na istruktura nito. Maaaring benign (hindi kanser) o malignant (kanser) ang mga tumor, at ang mga sintomas nito ay nag-iiba depende sa laki, lokasyon, at bilis ng paglaki. Mahalaga ang maagang pagkilala at paggamot upang mapabuti ang resulta, kaya’t ang pagkilala sa mga sintomas ay kritikal.
Karaniwang sintomas ng brain tumor
-
Matagalang pananakit ng ulo
Ang pananakit ng ulo na hindi nawawala at lumalala sa paglipas ng panahon ay madalas na unang palatandaan ng brain tumor. Mas masakit ito sa umaga at maaaring lumala kapag may pisikal na aktibidad.
-
Pangingisay
Ang biglaang pangingisay o seizures, lalo na kung hindi pa naranasan dati, ay maaaring senyales ng tumor. Maaari itong magdulot ng hindi kontroladong paggalaw, pagkalito, o pagkawala ng malay.
-
Pagbabago sa pag-uugali o pag-iisip
Ang mga pagbabago sa memorya, konsentrasyon, at personalidad ay maaaring palatandaan din, lalo na kung hindi ito maipaliwanag ng ibang kondisyon.
Puwede bang maiwasan ang brain tu
Larawan mula sa Shutterstock
mor?
Walang tiyak na paraan upang maiwasan ang brain tumor, ngunit may ilang hakbang upang mabawasan ang panganib. Kasama dito ang pag-iwas sa matinding exposure sa radiation, pagpapanatili ng malusog na pamumuhay, at genetic counseling para sa mga may mataas na panganib dahil sa pamilya. Bagamat bihira, maaaring mas mataas ang panganib ng mga may minanang kondisyon.
Paggamot sa brain tumor
Ang paggamot sa brain tumor ay depende sa uri, laki, lokasyon, at kalusugan ng pasyente. Kabilang sa mga karaniwang paggamot ang operasyon upang tanggalin ang tumor, radiation therapy upang sirain ang natitirang selula, at chemotherapy upang pigilan ang pagdami ng kanser. Mayroon ding targeted therapy at immunotherapy na tumutulong sa katawan na labanan ang tumor. Mahalaga rin ang rehabilitasyon upang ibalik ang mga nawalang kakayahan sa pagsasalita, paggalaw, at pag-iisip.
Kung may kaanak o kakilala na nakakaranas ng mga sintomas na nabanggit, mainam na dalhin agad siya sa doktor upang matingnan. Ito ay upang matulungan siyang maibsan ang mga sintomas at matukoy ang tunay niyang karamdaman.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
