Hindi napigilang sagutin ni Carla Abellana ang paratang ng isang netizen sa kaniya matapos niyang i-like ang Instagram post ni Aiai delas Alas tungkol sa cheating. Iniugnay ng netizen ang aksyon na ito ng aktres sa issue tungkol sa asawa ni Carla na si Tom Rodriguez.
Mababasa sa article na ito:
- Carla Abellana sa issue kay Tom Rodriguez: “Sobra na po ang pagkadurog ng puso at pagkatao ko”
- Gantihan si Tom, hindi sumagi sa isip ni Carla
Carla Abellana sa issue kay Tom Rodriguez: “Sobra na po ang pagkadurog ng puso at pagkatao ko”
Nagsalita na si Carla Abellana matapos ang matagal na pananahimik buhat nang maging usap-usapan ang hiwalayan nila ni Tom Rodriguez.
Isang netizen na nakikisimpatya kay Tom Rodriguez ang nagkomento tungkol sa pagla-like ni Carla Abellana sa mga social media post na maiuugnay sa umano’y cheating issue ng asawa.
Sa YouTube video ni Carla Abellana, may isang netizen na nagkomento tungkol umano sa pagbura ng aktres sa kanyang komento. Saad nito, “And my comment was removed hahaha. Bakit? Takot ka mabasa na hypocrite ka? Huwag kang magbait-baitan kasi hindi ka mabait.”
Agad namang pinaliwanag ni Carla Abellana na ayaw niya lang ng negativity. Segunda ng isa pang netizen, kung ayaw umano ni Carla Abellana ng negativity ay hindi na dapat ito nagla-like ng mga negative comments tungkol kay Tom Rodriguez. Matatandaang kamakailan ay ni-like ng aktres ang Instagram post ni Aiai Delas Alas tungkol sa cheating.
“Don’t cheat. If you’re unhappy just leave.”
Iginiit pa ng netizen na sana ay mag-usap na lang sina Carla Abellana at Tom Rodriguez at ayusin ang gusot ng mga ito. Dagdag pa nito, bigyan sana ni Carla ng pagkakataon na magpaliwanag si Tom Rodriguez at huwag itong deadmahin.
Larawan mula sa Instagram ni Carla Abellana
Dito na nagbitaw ng pahayag ang aktres at ipinaliwanag sa mga ito ang sitwasyon.
“Ang taong lubos na nasaktan, hirap pong pigilang hindi ilabas ang galit sa anumang paraan. I was disrespected, I was betrayed, I was lied to, I was used, I was shamed, I was made to look so stupid.”
Dagdag pa ni Carla Abellana, kung iyon lang daw sana ang ginawa sa kanya ay maaaring makabangon pa siya kaagad mula sa sakit. Pero aniya, ginawan pa raw siya at ang kaniyang pamilya ng mas marami pang kasamaan at kataksilan sa mga sumunod na araw.
“Sobra sa sobra na po ang sakit at pagdurog sa puso at pagkatao ko.”
Ipinaliwanag din nito na maliit na bahagi lang ng totoong kwento ang mga nababasa at nakikita ng mga tao sa social media tungkol sa gusot nilang mag-asawa.
BASAHIN:
Carla Abellana humingi ng respeto mula sa mga netizens: “No to anything toxic.”
Zeinab Harake sa kaniyang pag-move-on: “Lalaban para sa anak at hinding-hindi na magiging marupok”
Gantihan si Tom, hindi sumagi sa isip ni Carla
Larawan mula sa Instagram ni Carla Abellana
Nakasaad din sa mahabang paliwanag ni Carla Abellana sa mga netizen na nagpipilit na makipagbati siya kay Tom Rodriguez, na hinikayat niya ang asawa na magpagamot.
Saad ni Carla Abellana, wala siyang ibang binigay kay Tom Rodriguez kundi tunay na pagmamahal, respeto, pag-aalaga, pag-aaruga, pag-unawa, pagtitiis at pagpapatawad. Paliwanag pa nito, pitong taon na aniya siyang bawal magalit, magtampo o masaktan dahil ‘makakatikim’ daw siya.
Paulit-ulit din daw na nagpapasensya si Carla at ipinaliliwanag kay Tom na hindi siya kalaban at mabuti ang kalooban at intension niya. Pitong taon daw na naipon sa loob niya ang lahat ng sakit na dinadala. Dahil kahit gustuhin niyang ilabas ay lubhang nakakatakot para sa aktres.
Sinubukan din naman daw kumbinsihin ni Carla si Tom na “magpatingin, magpagamot, at magpagaling” pero wala pa rin daw nangyari.
“Tinanggap ko pa rin po siya nang walang pagdududa kahit wala pong nagbago. Hinarap ko po siya sa altar. Buong puso po akong determinadong alagaan ang pagsasama at pagmamahal namin.”
Screenshot mula sa Instagram post ni Carla Abellana
Ngunit sinabi rin nito na sa dami ng ibinigay niya kay Tom Rodriguez ay wala nang natira para sa kaniya. Sa lala daw umano ng sakit, pambabastos, panloloko at iba pang negatibong ginawa ni Tom Rodriguez ay ni hindi niya naisip na gantihan ito dahil hindi siya ganoong klase ng tao.
Sa huli ay muling nilinaw nito na maliit na bahagi lang ng kwento ang alam ng mga netizen dahil hindi alam ng mga ito ang tunay na nararanasan ni Carla Abellana kapag walang camera. Lalo na kapag sarado na raw ang pinto ng kanilang bahay at wala nang ibang nakakakita.
Pagwawakas ng aktres, hindi siya masamang tao tulad ng sinasabi ng mga netizen. Ito ay dahil pinalaki siya ng kaniyang ina at lola na marunong rumespeto. At maging mabuting tao na may takot sa Diyos.
Samantala, wala pa naman sagot ang kampo ni Tom Rodriguez hinggil sa mga alegasyon ni Carla Abellana.