Narito ang mga larawan sa kasal ni Hale vocalist Champ Lui Pio at kaniyang non-showbiz wife.
Mababasa sa artikulong ito:
- Kasal ni Hale vocalist Champ Lui Pio sa kaniyang non-showbiz wife.
- Love story ni Champ Lui Pio at kaniyang wife na si Claire Nery.
Champ Lui Pio and wife Claire Nery wedding
Image from Champ Lui Pio’s Instagram account
Ikinasal na ang frontman at vocalist ng sikat na bandang Hale na si Champ Lui Pio sa kaniyang non-showbiz partner na nagngangalang Claire Nery. Ang kanilang kasal ay ginanap nitong January 22, Lunes sa St. James The Great Parish sa Alabang, Muntinlupa City.
Dinaluhan ang kanilang kasal ng malalapit lang nilang mga kaibigan at kamag-anak. Isa sa mga present at abay sa kanilang kasal ay ang aktor at mixed martial arts champion na si Ali Khatibi. Si Ali ay malapit na kaibigan ni Champ at Claire. Siya ay ang dating asawa ng aktres na si Cristine Reyes.
Image from Champ Lui Pio’s Instagram account
Samantala, sa kanilang Instagram accounts ay nagbahagi ng larawan sa kanilang kasal ang ngayong mag-asawa na sina Champ at Claire.
Sa IG account ni Champ ay ipinakita niya ang ilang naging tagpo sa kanilang kasal na may caption na “Mr & Mrs Lui Pio”.
Doon ay makikita ang mga kuha nila sa loob at labas ng simbahan bilang napakasayang bagong kasal.
Sa part 2 ng mga larawang ibinahagi ni Champ sa kaniyang Instagram ay makikitang kasama na nila ng misis na ngayong si Claire ang mag-tatatlong taong anak nilang si Caden.
Pati na ang mga larawan kasama ang kanilang kamag-anak at pamilya. Doon ay makikita na dumalo rin sa kasal ni Champ ang kapatid na TV host at sportscaster niyang si Chino Lui Pio.
Nagpaabot naman ng kanilang pagbati ang ilang celebrities sa kasal ni Champ at kaniyang asawa. Tulad na lang ng aktres na si Yasmien Kurdi at DJ na si Sam YG.
BASAHIN:
Yasmien Kurdi at pamilya, nagpositibo sa COVID: “Tatlo tayong positive. Oh my, together forever.”
Dingdong Dantes sa pag-manage ng pera nila ni Marian: “Ibigay lahat sa asawa!”
Ruffa Gutierrez’s funny comment sa sexy photo ng anak na si Lorin: “Nag-shorts ka pa!”
Champ and Claire prenup videos and photos
Bago pa man ang kanilang naging kasal ay naging usap-usapan rin sa social media ang mga prenup photos ni Champ at Claire. Dahil maliban sa very sweet at dreamy ang mga ito, marami ang natuwa na ikinasal na si Champ na longtime crush ng maraming Pilipina.
Ilang araw bago ang kanilang kasal ay inalala rin ni Champ ang araw na kung saan nag-propose siya ng kasal sa misis niya na ngayong si Claire. Ito ay nangyari apat na taon na ang nakakaraan.
Image from Champ Lui Pio’s Instagram account
“4 years ago I proposed to the love of my life. So much crazy has happened to the world since then. From Siargao to Manila to La Union it doesn’t matter where we are as long as we’re together. Just a few more days. #LuiPios”
Ito ang caption ng post ni Champ tungkol sa pag-alala sa kaniyang naging wedding proposal sa asawa.
Taong 2018 ng simulang mag-share ni Champ ng mga larawan kasama ang kaniyang non-showbiz girlfriend pa noong si Claire.
Si Claire naman ay nagbahagi rin ng mga larawan at prenup videos nila ni Champ sa kaniyang Instagram account. Sa isa sa kaniyang mga post ay ito ang caption niya..
clairednery
if it’s not you, it’s not anyone 🎶♡
Champ as partner and a father
Puring-puri rin ni Claire bilang isang ama si Champ sa anak nilang si Caden. Ito nga raw ang greatest example ng love, presence at loyalty para kay Caden. At napakaswerte daw nila na ito ang naging ama at asawa nila.
Image from Champ Lui Pio’s Instagram account
Taong 2019 ng ibahagi ni Champ na siya ay magiging isa ng ama. Ito ay sa pamamagitan ng pagsheshare nila ng misis na ngayong si Claire ng mga larawan sa ginawa nilang maternity shoot sa Siargao. Sa caption ng post ni Champ ay masaya niyang inanunsyo noon na isang “Haleboy” ang magiging anak nila.
Si Champ ay ang vocalist ng kilalang Filipino band na Hale. Ilan sa pinasikat nilang kanta ay ang “The Day You Said Goodnight”, “Kung Wala Ka” at “Blue Sky”.