Masayang ibinahagi ni Mommy Chariz ang kaniyang pagdo-donate ng sariling breast milk sa ibang sanggol na nangangailangan nito.
Chariz Solomon, nag-donate ng kaniyang sobra-sobrang breastmilk
Isa ang comedienne-actress mom na si Chariz Solomon sa nadagdag sa ating listahan ng mga celeb mom na nanganak ngayong 2020. Noong October 1 lamang, ipinakita nito ang kaniyang successful delivery sa kaniyang 3rd baby!
Sa Instagram post nito, makikita na nakahiga siya sa hospital bed habang karga-karga ang kaniyang little angel. May caption din itong “DiaFIERCE” na tumutukoy sa kaniyang suot na diaper. Nagbigay naman ng pagbati sa successful delivery ng aktres ang ibang kasamahan nito sa trabaho at ngayon ay celebrity moms na rin na sina LJ Reyes, Dianne Medina, Rufa Mae Quinto, Camille Prats at Pauleen Luna.
Bukod sa kaniyang successful delivery at paglaki ng mabilis ng kaniyang 3rd baby, ipinagpala rin si Mommy Chariz sa pagkakaroon ng maraming gatas!
May isa itong Instagram post kung saan makikita ang kaniyang damit na nabasa dahil sa gatas. “DIY tie-dye.” ito ang caption ng naturang post.
“My first Andreas breastmilk stash from my letdowns. Pinaghirapan namin ‘yan ng anak ko!!!”
-Chariz Solomon (@chariz_solomon)
Ngunit dahil sa madaming production ng breast milk ng aktres, napagpasyahan nitong i-donate na lamang para sa ibang sanggol na nangangailangan ng gatas.
May isang nagtanong sa comments kung ano ang sikreto ng kaniyang sobra-sobrang gatas. Ngunit ayon sa aktres, wala siyang maiiibigay sa kaniya dahil kusa na lang itong lumalabas ng madami. Pabiro pang sinabi ng aktres na hindi niya alam kung saan niya hinuhugot ng katawan niya ang gatas na ito. “Waley talagang malalang oversupply case lang talaga. Hindi ko na alam saan hinuhugot ng katawan ko ‘yang gatas na ‘yan.”
Marami ang namangha sa donation ng aktres. Tinawag pa nga itong “Mama Cow” ng kasamahan niya sa showbiz at ngayo’y celeb mom din na si LJ Reyes.
“2nd batch of liquid gold donations. Ang sarap sa pakiramdam. Thank you Lord!”
Dahil sa tuloy-tuloy na paglabas ng gatas, kinakailangan din ng mabilisang turnover nito. Ibinahagi nga niya na namomroblema pa siya dahil maliit ang kaniyang BM freezer.
Paano dumami ang gatas ng ina?
Ang pagkakaroon ng gatas ng babae ay nangyayari mula sa 3 months of pregnancy nila. Dito unti-unting nabubuo ang glandular tissue na kinakailangan s produksyon ng gatas. Pagdating ng iyong 2nd trimester, handa na ang katawan mo na maglabas ng gatas.
Sa paglabas ng sanggol sa iyong tiyan, kusa nang nagkakaroon ng gatas dahil sa prolactin. Habang ang oxytocin naman ay ang dahilan kung bakit lumalabas ang gatas sa suso ng ina.
Image from Unsplash
Narito ang tips para dumami ang gatas ni mommy:
- Uminom lagi ng healthy fluids, maging hydrated.
- Magpahinga.
- Matulog ng tama.
- Siguraduhin na tama ang latching ng iyong baby.
- Siguraduhin na tama ang position ng pagpapadede kay baby.
- Bigyan lagi ng breast milk ang iyong anak. Nirerekomenda na bigyan sila ng gatas every 2-3 hours sa kaninang unang mga buwan.
- Iwasang bigyan ng formula milk ang iyong anak kung hindi ito nirerekomenda ng doktor.
- Maglaan ng oras s isang araw para sa pumping session. Ito ay maaring makapagpataas ng produksiyon ng gatas.
Ano ang dahilan ng mababang produksiyon nga gatas?
Isa sa pangunahing dahilan ng pagbaba ng produksiyon ng gatas ng isang ina ay kapag nagbigay ito ng milk formula sa kaniyang sanggol. Kasama na rito ang hindi consistent na pagpapasuso sa bata o kaya naman hindi nasusunod ang oras ng breastfeeding.
Sa ibang kaso, ang pagkakaroon ng pacifier ni baby ay dahilan ng pagbaba ng pagkakaroon ng gatas ni mommy. Ito ay dahil ang oras sana ng latching ay napupunta sa pagsipsip ng pacifier ni baby.
Source:
Sutter Health
BASAHIN:
Coleen Garcia, ito ang ginamit para mawala agad ang rashes ni Baby Amari
Relactation: Guide para magkaroon ng gatas ulit kahit huminto na magpa-breastfeed
Safe bang uminom ng antibiotic at iba pang gamot ang breastfeeding mom?
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
