COVID cases sa Cebu City as of June 25, umabot na sa 4,216. Samantala, mga private hospitals na designated para sa COVID-19 patients, puno na rin.
COVID cases Cebu City June 25
Naitala ang record na 4,216 cases ng COVID-19 at 328 recoveries at 69 deaths sa Cebu City ngayong June 25. Ang mga private hospitals naman na designated para sa mga COVID patients, puno na rin. Dahil dito, maraming nurses na rin ang nais na umalis sa kanilang trabaho dahil sa taas ng risk nito para sa kanila.
Ibinalik naman ang buong Cebu City sa Enhanced Community Quarantine simula noong June 16 dahil nga sa surge ng cases sa lugar.
Image from Freepik
Ayon sa public relations officer ng Cebu Medical Society,
“Our problem is also the staffing, ‘yung nurses are afraid. I was talking to our CCO (chief clinical officer) nurse, they’re going to resign because they’re afraid. I think we have to…if you’re in a war, dapat mag-retreat muna tayo, re-arm, yung nurses are very low in morale.”
Ito umano ay dahil hindi sapat ang PPE o Personal Protective Equipment na ipinapamahagi sa kanila. Dagdag pa rito ang kakulangan sa kanilang hazard pay.
Dagdag pa niya,
“Give them the proper masks, I’m speaking for all the healthworkers here, ‘yung (the) proper PPE, maybe increase their salary so they can eat well and they are healthy. As far as hospitals, maybe an incentive for them to take in more COVID patients.”
Panawagan ng frontliners
Sa katunayan, ang mga frontliners dito sa Pilipinas ay hindi gaanong nabibigyan ng proteksyon at importansya. Kahit pa sila ang nasa front line at itinataya ang kanilang buhay para sa bayan, tila hindi sila nabibigyan ng kaukulang benefits.
Image from Freepik
Sa ilalim ng Bayanihan to Heal As One Act na inilahad noong March 24, ang gobyerno ay magbibigay ng 100,000 pesos na compensation para sa public at private health workers na na-infect ng COVID-19 at 1 million pesos naman para sa mga namatay ngayong pandemic habang nagseserbisyo.
Gayunpaman, hanggang ngayon ay wala pa rin ang fund na ipinangako. Sa isang privilege speech, binanggit ito ni Senator Go:
“Thirty-two na ang namatay na health workers, ilang daan na ang nagkasakit, ilang libong pamilya ang apektado. Pahihirapan niyo pa dahil sa matagal na proseso ng pagbibigay ng serbisyo.”
Binigyan naman ni President Duterte ng hanggang June 9 ang mga health authorities para maibigay ang compensation ng mga frontliners na namatay.
Cebu City COVID-19 timeline
Matatandaan na noong May 19, inanunsyo ni Mayor Edgardo Labella na halos 95% ng mga nagpositibo sa COVID sa Cebu ay asymptomatic o hindi nakaranas ng kahit anumang sintomas ng sakit.
Image from Freepik
Natukoy nila ang mga asymptomatic COVID-19 patients sa pamamagitan ng kanilang effective at extensive contact tracing. Na kung saan nagtulungan at nagkaisa ang mga DOH personnel, barangay health workers, policemen, at health department personnel ng lungsod.
“We finished contact tracing in 24 to 36 hours. In fact, more than 10,000 people [who were exposed to COVID-19 patients] have been tested with 35,000 RT-PCR (Reverse Transcription Polymerase Chain Reaction) test kits, while 8,000 others were tested with rapid-test kits.”
Ito ang pahayag pa ni Mayor Labella na sinabi ring kasalukuyang nagsasagawa ng mass testing sa kanilang lungsod. Ito ay upang matukoy ang iba pang maaring positbong kaso ng sakit.
Mass testing in Cebu City
Para nga makumbinsi ang mga Cebuano na sumailalim sa COVID testing ay naisipan ni Mayor Labella na gawin itong campaign.
“Of course, there are those who are scared to be tested, so our information drive is called Be a Hero. Because having yourself tested is not only for your benefit, but for the benefit of people whom you love and care about. You will be a hero to them.”
Maliban sa hakbang na ito ay inihiwalay o in-isolate na umano nila ang mga COVID-19 asymptomatic patients sa lungsod. Ito ay upang maiwasang makahawa pa ang mga ito ng iba. Ayon pa kay Mayor Labella, ang hakbang na ito ang isa sa mga dahilan kung bakit may mababang mortality rate ang Cebu City.
Sa ngayon, tulad ng Cebu City ay nagsasagawa rin ng mass testing sa mga lungsod ng Lapu-Lapu at Mandaue.
Source:
ABS CBN News
Basahin:
Palengke sa Pampanga ipinasara pagkatapos mamatay ang isang tindero sa COVID-19
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
