Daddies na naglalakad araw-araw papasok ng trabaho, binigyan ng libreng bike

Dalawang huwarang daddies na tinitiis maglakad ng apat hanggang anim na oras para lang makapasok sa trabaho ang binigyan ng libreng bike! | Lead Image from Unang Hirit

Ilang huwarang daddies na tinitiis maglakad para lang makapasok sa trabaho ang binigyan ng libreng bike!

Daddies na naglalakad araw-araw papasok ng trabaho, binigyan ng libreng bike

Ang simpleng regalo sa mga tatay ay malaking bagay na para sa kanila. Simpleng ‘Thank you’ man ‘yan o hindi pagkalimot sa katagang ‘Ingat ka!’ kapag papasok sila sa kanilang trabaho.

Lalo pang sinubok ang kanilang katatagan ngayong krisis ng COVID-19. Kasalukuyan pa rin kasing nasa ilalim ng General Community Quarantine ang Metro Manila at kanselado pa rin ang mga pampublikong transportasyon. Sa magandang balita, balik trabaho na ang ilang manggagawa. Ngunit hirap pa rin sila sa araw-araw na pag commute dahil walang masakyan.

Dahil kailangang kumayod kahit sa nasa gitna ng krisis, ang ilang tatay ay napilitang pumasok para may pang gastos araw-araw. Ito ay sa kabila ng problema sa masasakyan. Ang ilan ay napilitang maglakad papasok ng trabaho kahit na abutin pa sila ng ilang oras sa daan.

Sa tulong ng morning show na “Unang Hirit”, ang dalawang magiting nating daddies na sina Christian Kenneth Salazar, halos anim na oras na nagtatyagang maglakad papasok ng trabaho. At si Tatay Johnny Guinacaran na hindi iniintindi ang apat na oras na paglalakad makapasok lang sa kaniyang trabaho.

Daddies na naglalakad araw-araw papasok ng trabaho, binigyan ng libreng bike | Image from Unang Hirit

Sa Facebook post ng Unang Hirit, magiliw nitong ibinahagi ang pamimigay nila ng bike sa ating dalawang tatay! Ang post ay may caption na,

“Anim na oras ng paglalakad ang tinitiis ni Christian Kenneth Salazar para makarating sa kanyang trabaho. Si Tatay Johnny Guinacaran naman, apat na oras ang ginugugol sa paglalakad kahit na inatake ng stroke dati! Bilang saludo at pasasalamat sa kanilang pagpupursigi, binigyan ng bisikleta ang dalawang ama! Ito ang maagang regalo ng #UnangHirit para sa paparating na Father’s Day. Bilang tulong din sa kanilang kaligtasan, nagbigay ng safety gear ang programa sa pamamagitan ng #UHLigtasPadyakProject. Saludo kami sa inyo, Sir Christian at Tatay Johnny!”

Bilang pasasalamat at regalo ng Unang Hirit, binigyan ang mga ito ng libreng bikes na siguradong magagamit nila papasok sa trabaho!

Daddies na naglalakad araw-araw papasok ng trabaho, binigyan ng libreng bike | Image from Unang Hirit

Bukod sa brand new bike, binigyan rin sila ng safety gear na mula sa “Ligtas-Padyak” project. Ito ay kung saan nakapagbigay na sila ng mahigit 100 na set ng helmet, vest at blinking lights.

Paano nahahawa sa COVID-19?

Paano nga ba nahahawa sa COVID-19 ang mga tao? Ayon sa World Health Organization (WHO), ang COVID-19 ay isang virus na sobrang delikado dahil mabilis itong kumalat. Maaari itong maipasa sa hayop pero sobrang bihira lamang.

Ang mga common symptoms ng COVID-19 ay ang:

Lagnat
Dry cough
Pagkaramdam ng pagod
Hirap sa paghinga

May iba naman na nakakaranas ng:

Sore throat
Diarrhea
Runny nose
Nausea

Daddies na naglalakad araw-araw papasok ng trabaho, binigyan ng libreng bike | Image from Freepik

Naipapasa ang COVID-19 kapag ang isang taong carrier ng virus ay umubo o bumahing. Ang mga malilit na water droplets na galing dito ay mapapasa sa hindi infected na tao. Dito magsisimula ang pagkakaroon ng exposure.

Ang mga taong mataas ang risk factor sa COVID-19 ay ang mga mayroong chronic lung disease. Ang iba pang kaso nito ay:

Buntis
65 years old pataas
Mga taong may travel history
Mga taong nag-aalaga ng COVID-19 patients
May mga medical condition katulad ng liver disease, asthma, renal failure, heart disease, high blood, diabetes

COVID-19 Health protocols

Ayon sa CDC, ang mga taong delikado sa COVID-19 ay kailangan ng matinding pag-iingat sa panahon ngayon. Narito rin ang mga bagay na dapat tandaan at gawin:

Palaging pagsusuot ng mask
Iwasan ang mga matataong lugar
Iwasan ang mag-travel
Panatilihin ang social distancing
Palagiang paghuhugas ng kamay
Iwasan ang paghawak sa mukha
Maging malinis

Source:

GMA News

Inirekumendang kwento