Dani Barretto baby Millie, binabash na sa social media sa kabila ng mura pa niyang edad. Bilang ina, Dani may mensahe sa mga bashers ng baby Millie niya.
Dani Barretto bashers in social media
Hindi man tulad ng kapatid niyang sa Julia na pinasok ang mundo ng pag-aartista, hindi parin nakaligtas sa mga kritiko ang panganay na anak ni Marjorie Barretto na si Dani. Ilan nga sa laging napupuna ay ang layo umano ng itsura ni Dani sa kaniyang kapatid na si Julia. Katunayan, nitong nakaraang taon ay ito ang naging banat ng mga ilang bashers kay Dani ng mag-react ito sa isyung kinasangkutan ng kapatid. Ito ang hiwalayan isyu ng aktor na si Gerald Anderson at aktres na noon ay girlfriend niya na si Bea Alonzo. Ang itinuturo ngang ugat ng hiwalayan ay ang kapatid ni Dani na si Julia.
Bilang isang protective na Ate ay hindi napigilan ni Dani na ipagtanggol at suportahan ang kaniyang kapatid. Ngunit ito naman ay ginawang oportunidad ng kaniyang mga kritiko na i-bash siya. Ganoon rin ang biglaan niyang pagpapakasal sa kasintahan niya noon na si Xavi Panlilio. May ilang netizen ang nakapagsabi na ito ay nangyari lang dahil sa buntis siya.
“Eh kasi naman Dani girl, bakit ka ba kasi sumasali sa away ng magaganda eh napaka panget mo at pinakasalan ka lang naman kasi na buntis ka. Next time kasi quiet ka nalang. Yan tuloy nababash ka.”
Dani Barretto reaction to her bashers
Ilan lamang umano ito sa mga pangbabash na nababasa ni Dani tungkol sa kaniya sa social media. Ayon pa nga sa kaniya ay na-memorize niya na ang mga ito ngunit pinipinili niyang maging cool at huwag nalang pansinin ang mga bashers niya.
View this post on Instagram
A post shared by Dani Barretto-Panlilio (@danibarretto) on
Dani Barretto Baby Millie bashers
Ngunit, tila hindi ata kontento ang mga kritiko ni Dani sa pambabash lang sa kaniya. Dahil pati umano anak niyang si Millie ay nababash narin na hindi niya na kaya pang palampasin.
Sa isang Twitter post ay nagbigay si Dani ng mensahe sa mga bashers ng kaniyang anak. Ayon kay Dani, ay sobrang effort pa daw ang mga ito at nakuha pang gawan ng fake account ang kaniyang Baby Millie na wala pang kamuwang-muwang sa mundo.
“Grabe ‘yung effort ng mga tao diyan gumawa ng fake account para i-bash ‘yung 9-month-old kong anak! GRABE KAYO. HOW THE HELL DO YOU SLEEP AT NIGHT? GANON BA KAYO KALUNGKOT SA BUHAY NA PATI ‘YUNG BATA NA WALA PANG KAMALAY-MALAY SA MUNDO I-BABASH NIYO?”
Dagdag pa ni Dani, dapat ay tigilan narin daw ng mga ito na ikinukumpara ang kaniyang Baby Millie sa ibang baby. At hayaan daw itong lumaki sa sarili niyang pace.
“And please stop comparing my daughter to other babies. Whether it’s a compliment or an insult, it’s just not f**king right. Hindi kami magician, magulang kami. LET OUR KIDS GROW AT THEIR OWN PACE. How did social media get toxic?”
Ito ang mga pahayag ni Dani sa kaniyang Twitter account. Hindi man idinetalye ni Dani kung ano klaseng pambabash ang natatanggap ng kaniyang anak isa sa mga napupuna ng mga netizen ay ang pagkakahawig nila ng itsura ni Baby Millie noong siya ay baby pa. Pero dagdag na banat ng kaniyang mga bashers ay sana huwag niya itong maging kamukha kapag lumaki na.
Paano maproprotektahan ang iyong anak mula sa cyberbullying?
Kung ikaw ang nasa sitwasyon ni Dani, paano mo i-hahandle ang mga bashers at kritiko ng iyong anak sa social media?
Limitahan ang exposure ng iyong anak sa social media.
Payo ng mga eksperto hangga’t maari ay dapat nililimatahan o hindi muna ini-expose ang mga bata sa social media. Ito ay para narin sa proteksyon at kaligtasan nila. Ngunit sadya ngang mahirap pigilang ipakita sa mundo at maging proud ang isang magulang sa ka-cutan ng kaniyang anak. Sa ganitong pagkakataon ay mas mabuting limitahan lang ito sa mga kaibigan, kapamilya at kakilala na may mabuting hangarin sa iyong anak.
Hangga’t maari ay huwag itong pansinin maliban nalang kung may banta na sa kaligtasan ng iyong anak.
Bagamat mahirap ay mainam umanong huwag nalang pansinin ang mga pambabash sa iyong anak sa social media. Maliban nalang kung ito ay nagbabanta na ng kaligtasan ng iyong anak o labis ng nakakaapekto sa pag-iisip niya. Kung pupuwede ay maaring kausapin ng maayos ang basher o nambubully sa anak. O kaya naman ay mabuting idaan ito sa legal na paraan sa ilalim ng batas laban sa cyberbullying.
Laging isaisip na normal lang na maikumpara sa iba ang iyong anak bagamat siya ay kakaiba o natatangi para sa iyong mga mata.
Ang pagkukumpara sa iyong anak at sa ibang bata ay normal lang na reaksyon ng mga tao sa iyong paligid. Ngunit bilang magulang ay dapat mong isaisip na ang bawat bata ay naiiba. Kung may mga bagay na hindi pa nagagawa ng iyong anak ay huwag mag-alala. Pero para makasigurado ay mas mabuting itanong o i-open ito sa iyong doktor upang ikaw ay malinawagan at makasigurado.
Tulad ng nauna ng nabanggit, kung maari ay huwag nalang pansinin ang mga nambabash sa iyong anak. Manatiling kalmado at maging mabuting halimbawa sa iyong anak na siguradong pasasalamatan mo kapag siya ay lumaki ng isang mabuting bata na may respeto sa ibang tao.
Source:
ABS-CBN Push, The Clay Center
Basahin:
Dani Barretto: ‘I’m very protective of my siblings’
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
Shopping
Rewards
