Elisse Joson at McCoy de Leon nag-celebrate ng kanilang 2nd year anniversary bilang magkasintahan.
Mababasa dito ang mga sumusunod:
- Elisse Joson and McCoy de Leon anniversary
- Relasyon nina McCoy at Elisse
- Mensahe ni Elisse kay McCoy
Elisse Joson and McCoy de Leon anniversary
Patuloy na nagpapakilig ang celebrity couple na sina Elisse Joson at McCoy de Leon sa social media. Sa kanila ngang Instagram accounts ay pareho nilang ibinahagi sa kanilang mga followers ang naging pagdiriwang at pagbati nila sa isa’t isa sa kanilang 2nd year anniversary.
Si McCoy may sweet na mensahe kay Elisse kung saan nabanggit niya ang tungkol sa paghihiwalay at muling pagbabalikan nila. Ganoon rin sa pagpapatuloy ng kanilang relasyon at sa pagbuo nga nila ngayon ng kanilang pamilya.
“Nung sinubukan natin ulit noon, alam natin na hindi magiging madali. Alam natin na marami tayong pagdadaanan ulit pero ito tayo ngayon magkasama pa rin. Tuloy tuloy pa rin ang pag diskubre natin sa isa't isa at sa mundo. Kinakaya maabot ang pangarap ng magkasama.”
Ito ang sabi pa ni McCoy.
Relasyon nina McCoy de Leon at Elisse Joson
Matatandaang taong 2016 nang magsimula ang pagtitinginan ng dalawa ng sila ay maging housemates sa PBB Lucky Season 7. Doon sila ay nagkaroon ng relasyon na sinubok noong taong 2018 kung kailan napabalitang sila ay naghiwalay na ng sumunod na taon.
Pero taong 2020 ay nagkabalikan ang dalawa. Ito ay sinundan ng pangingibang bansa ni Elisse na kung kailan nagsimula naman ang usap-usapan na buntis siya. Hanggang sa Oktubre noong nakaraang taon sa programa pa ring PBB ng ABS-CBN, inanunsyo ni McCoy at Elisse na sila ay may anak na nagngangalang Felize.
Ngayon, bagamat hindi pa man kasal ay nagsasama na si McCoy at Elisse para sa kapakanan ng anak nilang si Felize. Sa pagbati pa rin ni McCoy kay Elisse sa kanilang anniversary, ay sinabi nito na gagawin niya ang lahat mapasaya lang si Elisse sa abot ng kaniyang makakaya.
“Hindi man malaprinsesang buhay ang naibibigay ko sayo, gagawa't gagawa ako ng paraan sa abot ng aking makakaya maibigay ko ang kasiyahan mo dahil mahal kita.”
“Happy Anniversary sa atin Elisse ko palagi kitang nasa dasal ko promise. I love you.”
Ito ang sabi pa ni McCoy.
Sa post na ito ni McCoy ay nag-comment si Elisse. Doon ay binati niya ang kasintahan at pinasalamatan ito sa ipinapakita nitong pagmamahal at pasensya sa kaniya.
“Happy Anniversary Mahal ko. Thank you for your love and patience and everything in between. I love you,” sabi ni Elisse kay McCoy.
BASAHIN:
Elisse Joson at McCoy de Leon sinorpresa, inubos paninda ng mga vendors
Elisse Joson may heartfelt message kay McCoy de Leon: “You were the one who carried us all.”
McCoy de Leon: “Hanggang ngayon, I’m still trying to win to the highest level ‘yong heart ni Elisse”
Mensahe ni Elisse kay McCoy
View this post on Instagram
Sa parehong Instagram account ay ibinahagi rin ni Elisse ang naging anniversary celebration nila ni McCoy. Ang kanilang celebration, ginawa daw nila ng mas maaga para makasiguradong ito ay maipagdiriwang nila. Sila ay nag-date overnight sa isang hotel at camping site sa Batangas. Sinolo nila ang isa’t-isa at nag-spend ng quality time ng silang dalawa lang.
Sa huling bahagi ng anniversary vlog nina Elisse at McCoy ay nagpasilip sila ng isang game na ginawa nila sa kanilang anniversary date. Gamit ang mga letra mula A to Z ay nagbigay sila ng mga salitang nagpapaalala sa kanila sa isa’t-isa.
Si Elisse sa letrang A ay asawa ang naisip na salita. Ito ang paliwanag niya kay McCoy kung bakit.
“Asawa kasi magiging asawa kita someday.”
Ito ang natatawang sabi ni Elisse kay McCoy.
Si McCoy naman sa letrang B ay ito ang sinabing salita na nagpapaalala daw sa kaniya kay Elisse.
“B for Bantay, kasi lagi mo kong binabantayan.”
Ito ang natatawang sabi pa ni McCoy.
Sa mga nauna ng vlogs nina McCoy at Elisse ay naibahagi ng dalawa ang ugali nila pagdating sa isa’t-isa. Si McCoy bilang bugnutin at mainitin ang ulo ayon kay Elisse. Habang si McCoy naman sinabing si Elisse ang mas madalas na nagseselos sa kanilang dalawa.
Base parin naman sa anniversary vlog ni Elisse at McCoy, ang kanilang naging date ang isa sa mga best trips nilang magkasama. Ito ang naging closing message ng anniversary vlog nila.