Ellen Adarna aminadong malaki ang ginawang pagbabago sa kaniya ng pagiging ina. Ito ang ipinunto niya sa ilang netizens na may comment sa mga Instagram post ng sexy actress.
Mababasa sa artikulong ito:
- Sagot ni Ellen Adarna sa mga netizen na may komento sa pananamit at buhay niya.
- Mga pagbabago sa buhay ni Ellen Adarna ng maging isang ina.
Sagot ni Ellen Adarna sa mga netizen na may komento sa pananamit at buhay niya
Agaw-pansin nitong mga nakaraang araw ang mga Instagram post ng sexy actress na si Ellen Adarna. Dahil sa mga post niya ay makikitang very happy sila ng mister na si Derek Ramsay kasama ang anak niyang si Elias.
Silang tatlo kasama ang mga malalapit na kaibigan magkakasamang ipinagdiwang ang anniversary ni Derek at Ellen sa isang resort sa Dasol, Pangasinan.
View this post on Instagram
Marami sa mga fans at followers ni Ellen ang nakikitang napakasaya ngayon ng aktres. Kitang-kita umano kung gaano nila kamahal ni Derek ang isa’t isa. Kaya naman ang komento ng nakararami sa mga post ni Ellen at Derek sa Instagram, ay malaking “sana all” na lang.
Maliban sa mga naiinggit sa masayang lovelife ni Ellen sa ngayon. Marami rin ang humahanga sa sexy at fit na katawan ng aktres kahit ito ay may anak na.
“Love, btw, pila waistline nimo dai if you don’t mind? You’re my ult fitspo.”
“Sana ganito din ako after manganak huhu.”
“Elena how to be you grabe ka sexy oy.”
Ito ang ilan sa komento ng netizens na humahanga sa kaseksihan ni Ellen Adarna. Pero hindi lahat ay ito ang napansin sa mga sexy beach post ni Ellen. May isang netizen ang nagtanong kung iisa lang umano ang bikini ni Ellen. Dahil mukhang nag-iisang pares lang lagi ang ginagamit nito.
“Ms. Ellen, do you have another bikini?u always wearing the same O same O.”
Ito ang tanong at komento ng netizen sa isang post ni Ellen.
Image from Instagram
Mga pagbabago sa buhay ni Ellen Adarna ng maging isang ina
Hindi naman pinalampas ito ni Ellen at sinagot ang tanong ng naturang netizen. Sagot ni Ellen mayroon siyang 9 na iba’t ibang kulay ng nasabing swimsuit style.
Pinili niya itong laging gamitin dahil very active ang anak niyang si Elias. Kailangan niya ng maayos na damit para maalagaan ito at maingatang hindi aksidenteng bumalandra ang kaniyang suso dahil sa habit ng kaniyang anak.
“My son has this habit of grabbing boobies out of nowhere so I make sure and secure them that they don’t just pop out easily esp when im around my super physically active family.”
Ito ang sabi ng aktres.
Dagdag pa niya, gustuhin man niyang maging hubadera at magsuot ng iba’t ibang bikini ngayon ay hindi na puwede. Sapagkat hindi tulad noon ay sag o medyo lawlaw na ang suso niya dulot ng breastfeeding. Si Ellen na proud padede mom sa anak na si Elias, nag-sorry nalang din sa netizen na na-bother sa mga bikini na isinusuot niya.
“As much as I’d want to be a hubadera and wear all kinds of bikini top unfortunately, not all bikini top cuts and style look good on me anymore because of my sagging breasts due to breastfeeding. So, sorry if my paulit ulit is bothering you but I have to dress practically and accordingly.”
Ito ang sabi pa ni Ellen sa nasabing netizen.
Image from Instagram
BASAHIN:
Ellen Adarna sa tanong kung may prenup agreement sila ni Derek, hindi sila lugi sa isa’t isa
Ellen Adarna on husband Derek Ramsay: “There’s no perfect person—it’s just the one that I choose”
John Lloyd Cruz sa kasal ni Ellen at Derek: “Finally, she found the one”
Maliban sa pagbabago sa kaniyang pananamit, may isa pang nagbago kay Ellen ng siya ay maging isang ina. Napansin ito ng isang netizen na sinabing kumpara noon ay magaganda na raw ang makikitang ipino-post ni Ellen ngayon. Hindi tulad dati na puro inuman, party at paglalasing ang makikita sa mga social media accounts niya.
“Ang gaganda ng nakikitang post ni Ellena ‘di gaya dati puro na inuman at lasing.”
Ito ang sabi ng netizen.
Sinagot rin ito ni Ellen. Ang sagot niya, ang pagbabagong ito ay dulot na rin ng pagdating ng kaniyang anak na si Elias sa buhay niya. Ngayon umano dahil nanay na siya ay hindi na siya puwedeng maging pakawala tulad noon.
“I have son now dai, ‘di na pwedeng pakawala.. Before I had all the right to live my life to the fullest. Life is good.”
Ito ang sabi pa ni Ellen Adarna.
Maraming netizen ang napa-like sa sagot na ito ni Ellen. Siya ay mas minahal ng mga ito dahil sa values niyang makapamilya daw talaga. At syempre ang pusong ina niya na handang baguhin ang nakasanayan para maibigay ang makabubuti sa anak niya.
Kudos to you Ellen!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
TAP Picks
Shopping
Rewards
