Ellen Adarna son Elias nagdiwang ng kaniyang 6th birthday.
Mababasa dito ang sumusunod:
- Ellen Adarna son Elias 6th birthday.
- Pamilya ni Ellen at Derek.
Ellen Adarna son Elias 6th birthday
Celebrity mom na si Ellen Adarna ipinagdiwang ang 6th birthday ng only son niyang si Elias. Ang kanilang naging selebrasyon simple pero present ang mahahalagang miyembro ng kanilang pamilya.
Makikita sa recent post ni Ellen na simple man ang naging birthday celebration ni Elias ay naging masaya ito. Si Ellen nangingibabaw ang boses sa pagkanta ng “Happy birthday” sa anak. Maririnig rin ang boses ng mister nitong si Derek Ramsay na nakikikanta sa background.
Ang cake ni Elias ay may disenyo ng Roblox. Isa sa mga laro na kinahihiligan ng mga bata ngayon.
“Happy Birthday my not so littol boy… forever my baby you’ll be 💕❤️ #6.”
Ito ang caption ng post ni Ellen tungkol sa birthday ng kaniyang anak na si Elias.
Pamilya ni Ellen at Derek
Larawan mula sa Instagram account ni Ellen Adarna
Sa isa pang post kamakailan lang ay ibinahagi rin ni Ellen ang naging moving up ceremony ng anak niyang si Elias. Silang dalawa ng mister na si Derek ay present sa milestones na ito ni Elias.
Samantala, maliban dito ay may lumalabas rin na haka-hakang buntis na si Ellen sa anak nila ni Derek. Pero si Ellen, nanatiling tahimik sa isyu na ito.
Matatandaang Disyembre ng nakaraang taon ng ibahagi ni Derek sa isang panayam na nakunan si Ellen ng magbakasyon sila noon sa Spain. Malungkot man sa naging miscarriage ng misis, ay hindi daw sila nawawalan ng pag-asa na magkaanak. Lalo pa’t sa ngayon ay pareho na nilang gusto na magkaprodukto ang kanilang pagmamahalan.
“Nung nasa Spain kami, nalaman namin na preggy si Ellen, and then unfortunately we lost the baby pero at least alam namin na hindi kami baog. First attempt pa lang naman, well, successful, unsuccessful, so ‘yon na muna i-focus namin na we can get a full pregnancy right away.”
Ito ang sabi noon ni Derek sa panayam.
Larawan mula sa Instagram account ni Ellen Adarna