Narito ang mga detalye sa ginanap na Vino Guingona & Empress Schuck wedding nito lamang March 6, 2021.
Mababasa sa artikulong ito:
- Mga detalye sa ginanap na Vino Guingona & Empress Schuck wedding
- Love story nila Vino Guingona & Empress Schuck
- Mensahe ni Vino at Empress sa isa’t isa
Vino Guingona & Empress Schuck wedding
Nitong March 6, 2021 ay ikinasal na ang aktres na si Empress Schuck sa long-time boyfriend niyang si Vino Guingona. Si Vino ay isang model na apo ng dating Vice President na si Teofisto Guingona Jr. At pamangkin naman ng dating senador na si Teofisto Guingona III. Sila rin ay may isang anak na. Ang limang taong gulang na si Athalia.
Ang kanilang kasal ay isang garden wedding na ginanap sa Hillcreek Gardens Tagaytay. Ito ay all white wedding na dinesenyo at ginawang mas memorable ng in-demand event stylist at florist na si Gideon Hermosa.
Mas lalong namang lumutang ang ganda ni Empress sa suot niyang napaka-eleganteng wedding dress na ginawa ng designer na si Aoui Regala. Habang very good-looking hunk naman si Vino sa suot niyang blue suit.
Siyempre, present sa kanilang kasal ang kanilang anak na si Athalia na naka-bridal gown rin tulad ng mommy niya. Taong 2014 ng unang mapabalita ang relasyon nina Empress at Vino. Noon ngang 2015 ay sinundan agad ito ng pagkasilang ng anak nilang si Athalia.
Image from Nice Print Photography
Nang mag-5th birthday si Athalia nitong September 2020 ay opisyal ng hiningi ni Vino ang kamay ni Empress upang kaniyang maging misis. Ito ay isang surprise proposal na ayon kay Empress ay hindi man lang niya napaghandaan.
View this post on Instagram
Nitong February 2021 ay ginulat naman si Empress ng isang surprise bridal shower na isinabay sa kaniyang 28th birthday.
Vino Guingona & Empress Schuck love story
Tulad ng maraming kasal, naging emotional at full of love ang wedding nina Vino at Empress. Ito'y mas naging makahulugan pa nga dahil sa mga mensaheng iniwan ng ngayon ay mag-asawa na sina Mr. and Mrs. Guingona.
Sa kanilang pagpapalitan ng mensahe ay ibinahagi ng dalawa kung paano nagsimula ang kanilang love story. Kuwento ni Vino, una niyang nakita si Empress sa 18th birthday party nito. Doon pa lamang ay natulala na umano siya sa ganda ni Empress. Naisip niya na walang tiyansa na ang tulad niyang isang probinsyano ay mapapansin ni Empress at higit sa lahat ay mapapangasawa niya.
“Eleven years ago, I was a stranger who gatecrashed on your 18th birthday. And I remember standing behind the huge crowd staring at you while you were entertaining your guests. Your party was star-studded, filled with celebrities. As I looked at you, my world seemed to stop and I remember thinking how beautiful you are.”
“At that very moment reality struck. I thought to myself I’m just a nobody from the province who used to swim in the lot pond of Martha drive. There’s no way I could end up with a celebrity.”
Ito ang pagkukuwento ni Vino.
Image from Nice Print Photography
Vino Guingona and Empress Schuck relationship
Pagpapatuloy niya matapos ang kanilang unang pagkikita, sila muli ay nagkita makalipas ang 4 na taon. Ito ay mas naging pormal na at nagkaroon na sila ng chance mag-usap at mas makilala ang isa’t isa.
“Four years after he gave us another chance to meet this time more appropriately. I officially met you at a restaurant in Makati. After the dinner, our friend offered me to drop you home. Because I wanted to impress you, I said yes," kuwento pa ni Vino.
Mula noon ay niligawan niya na si Empress na naging daan upang maging magkasintahan sila noong 2014. Nang sumunod na taon ay naging mga magulang na sila sa kanilang anak na si Athalia. Ayon kay Vino, bagama't napaaga silang humarap sa napalaking responsibilidad na ito ay mas lalo niya umanong nakilala at minahal si Empress. Ang kanilang pagsasama umano ay mas pinatibay pa ng kanilang faith o paniniwala.
“Our love story didn’t begin perfectly and we face the big responsibility early in our lives due to our own miscalculated actions. I thank God that through these challenges we both grew and we got to know each other better. And we learn from each other and more importantly, we both found Christ and deepened our relationship with him.”
BASAHIN:
STUDY: 5 benepisyo ng pagpapakasal sa kalusugan
Marriage license at iba pang mga dapat mong ihanda bago magpakasal
TAP MAM: Dimples Romana and her inspiring story about hard work and patience
Vino’s promise to Empress
Sa kanilang naging kasal ay pinangako nga ni Vino na mas mamahalin niya pa si Empress. Hinding-hindi niya ito iiwan sa saya at hirap man ng buhay.
“I vow to spend the rest of my life with you through good times and in bad times. I vow to put God first in the center of our relationship, be patient, respect you and care for you as long as we both shall live,”
Ang mga salitang ito ni Vino ay sinagot naman ni Empress ng pasasalamat at pagmamahal.
Ayon kay Empress, nang dumating si Athalia sa buhay nila ni Vino ay doon niya na-realized kung gaano siya kasuwerte na makasama ito. Isa umano itong magandang regalo na bigay sa kaniya ng Diyos.
“Since Athalia came, I’ve been telling myself that you are God’s gift to me. I didn’t know what I wanted that time and you just came, rescuing me from the pain of the past.”
Dagdag pa niya ng makilala niya si Vino ay nakita niya na ang contentment na hinahanap niya. Pati na ang taong maiintindihan ang lahat ng mga pinagdaanan niya at makakasama niya para harapin ang mga ito.
Empress to Vino: “Ikaw pala 'yung finish line, ikaw 'yung happy ending.”
Image from Nice Print Photography
“Finally, I found my place. My contentment. My peace," "
Through you, God showed me that I can be taken care of, that I can be loved, I can be heard and understood for all the struggles and sacrifices I went through in life.”
“Ikaw pala 'yung finish line, ikaw 'yung happy ending. Ikaw pala 'yung reward na simula noon made sense. Of course, mayroon pa ring hardships pero this time may kasama na ako.”
Sa kaniyang mensahe ay nabanggit rin ni Empress ang naging kasunduan nila ng asawa na maging “pure” at iwasan ang temptasyon hanggang sila ay maikasal. Ito nga ay kanilang nagawa na pinasalamatan ni Empress. Pati na ang mga efforts na ginawa ni Vino para sa kaniya at sa anak nilang si Athalia.
“Hon thank you for all the big efforts you’ve done for me and Athalia. I’m so proud of the man that you have become, especially the day we agreed to stay away from the temptation of lust and keep our purity until our wedding day.”
Kasunod nito ay ipinangako ni Empress na sasamahan niya si Vino magpakailanpaman.
“By God’s grace I promise to share my life with you, in all faith and gentleness, in joy and sorrow, in abundance and lack, in wellbeing and poor health, till death do us part.”
Ito ang mga mensahe ni Empress sa kaniyang mister na si Vino Guingona.
Ang naging kasal nila Vino at Empress idinukumentaryo naman ng Nice Print Photography.
Source:
ABS-CBN News, GMA Entertainment
Photo:
Nice Print Photography
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
