Hindi raw sasapat ang face shield bilang protection against COVID-19, iyan ang lumabas sa isang bagong pag-aaral ng mga eksperto.

Bakit hindi sasapat ang face shield?

Hindi raw kasi nagbibigay ng agarang protection mula sa COVID-19 ang face shield kung gagamitin ang face shield kasama ang isang alternative cloth face masks.

Ang pagsusuot ng face shield bilang protection against COVID-19 at pagsusuot ng face mask ang pinakamabisang paraan para hindi madapuan ng sakit na ito.

Mas mainam pa rin ang surgical face mask o medical face mask bilang proteksyon sa COVID-19 habang may suot na face shield na gawa sa plastic.

Marami kasing ang nag-aakala na kahit walang suot-suot na face mask pero nakasuot ng face shield ay mailalayo sila sa COVID-19.

Ang tulong ng face shields

Ayon kay Dr. Michael B. Emdond mula sa University of Iowa Carver College of Medicine, malaki raw talaga ang effectiveness ng pagsusuot ng face shield upang hindi ma-contract ang COVID-19 virus.

Sinabi niya, “The primary mechanism of transmission of COVID appears to be via droplets.”

“Face shields are excellent at preventing droplets from coming into contact with the nose, mouth, and eyes, which are the body sites that the virus enters to establish infection,” dagdag pa niya.

Pero kahit na nakakapagbigay ito ng barrier protections maaari pa ring ma-inhale ng tao ang virus sa mga open are sa palibot ng plastic visor.

Gaano ba ka-effective ang plastic face shields?

Sa bagong pag-aaral ng Physics of Fluids, by AIP publishing natuklasan nila na hinarang ng face shield sa isang forward motion ang COVID-19. Maaaring kapag may umubo o nag-sneeze at kumalat ang droplets na may COVID-19 ay maiba-block niya ito. Pero ang iba pang droplets ay nag-spread pa rin sa ibang bahagi na hindi sakop ng face shield.

Pinunto rin ni Dr. Joy Henningsen isang clinical assistant professor sa University of Alabama at Birmingham School of Medicine, na may isang pag-aaral ng pagkalat ng COVID-19 sa Switerland. Tinukoy sa pag-aaral nito na ang mga taong nakasuot ng face mask ay hindi nagpositibo sa virus. Samantalang ang mga taong nakasuot lamang ng face shield ay nagpositibo sa COVID-19.

Kaya naman sinasabi ng mga eksperto na hindi talaga sapat ang face shield lang bilang proteksyon sa COVID-19. Kailangan pa rin ang pagsusuot ng medical face masks. Hindi rin kasi talaga nagkakaroon ng proteksyon sa mga cloth face masks.

“There’s no such thing as too many weapons against the novel coronavirus,” dagdag pa ni Henningsen. “The more protection, the better.”

Sabi pa ni Henningsen, “Face coverings, regular hand washing, physical distancing, and staying home as much as possible are very good tools. Add a face shield to all of those requisite practices and you go from ‘good’ to ‘great.”

Paano gamitin ng tama ang face shield?

1. Isuot ang face shield kasama ang face mask.

   • Mas mainam kung ito’y medical fask mask, katulad ng surgical face mask o KN95 face mask. Hindi kasi ligtas at maaari pa ring masagap ang virus kung cloth face mask ang gagamitin.

2. Siguraduhing kaysa sa iyo ang face shield

   • Saktong-sakto dapat ang sukat sa inyo ng face shield para lubos kayong maprotektahan nito. Hindi maluwag o masikip. Para rin kumportable kayo.

3. I-disinfect ang inyong mga face shield

   • Kailangan na lagi ninyong dinidisinfect ang inyong mga face shield matapos ninyo itong gamitin. Marami ang virus na maaaring nanatili sa inyong face shield. Mas maganda na sigurado tayo na hindi ito makakapasok sa ating mga bahay.
   • Nirerekomenda na i-disinfect ito ng chlorine-based solution. Kapag alcohol kasi maaaring ma-damage ang plastic.
   • Banlawan din ito ng tubig at patuyuin gamit ang paper towel para matanggal ang moisture.

Paggamit ng face shield sa pampublikong mga lugar

Nire-require na ng Philippine government ang pagsusuot ng face shield bilang dobleng proteksyon laban sa COVID-19 para mabawasan ang pagkakalat nito.

Kaya naman siguraduhing na may suot-suot na face shield kung pupunta sa mga public establishments katulad ng mall at groceries. Mandatory na rin ang pagsusuot ng face shield kapag ikaw ay sasakay ng public transport. Gayundin sa mga workplace, required na rin ang pagsusuot ng mga face shield.

Mahirap para sa ilan ang pagsusuot ng face shield at face mask. Pero mas mainam na ang mas maraming proteksyon kaysa magkaroon ng COVID-19. Kaunting pagtitiis lamang ito upang hindi mahawaan ng sakit. Maging doble ingat tayo para hindi mahawaan ng sakit.  Ugaliing uminom ng vitamins at kumain ng mga masusustansyang pagkain.

SOURCE:

Why Plastic Face Shields Aren’t a Safe Alternative to Cloth Masks

BASAHIN: 

STUDY: Bagong ebidensiya na airborne ang COVID-19, nakita sa isang Chinese bus

STUDY: Mga gumagamit ng vape, mas mataas ang chance na magkaroon ng COVID-19