Baby Felize de Leon nagdiwang ng kaniyang first birthday. McCoy at Elisse may sweet na mensahe para sa kanilang anak.
Mababasa dito ang mga sumusunod:
- Baby Felize de Leon 1st birthday celebration.
- Mensahe nina McCoy de Leon at Elisse Joson para sa anak.
Baby Felize de Leon 1st birthday celebration
Image from Elisse de Leon’s Instagram account
Ipinagdiriwang nina McCoy de Leon at Elisse Joson ang first birthday ng anak nilang si Baby Felize. Kahapon sa kaniyang Instagram account ibinahagi ni McCoy ang kanilang celebration kung saan makikita sa isang video na kinakantahan nila ni Elisse ng happy birthday song si Felize.
Maliban sa sweet happy birthday song at cute birthday dedication cake ay may mensahe rin si McCoy sa anak na makikita sa caption ng kaniyang IG post. Ito ay pinamagatan ni McCoy na “Simpleng mensahe para sa aking anak”.
Birthday message ni McCoy para sa anak na si Felize
View this post on Instagram
Base sa post ni McCoy ay may inihanda silang family getaway ni Elisse para sa birthday ni Felize. Pero maliban sa bakasyong ito ay pinaghandaan daw ni McCoy ang anak ng munting salo-salo para mismo sa araw at oras ng kaniyang birthday.
Ito daw ay bilang selebrasyon niya sa pagdating ng anak sa buhay niya na nagbigay sa kaniya ng kakaibang saya.
“Alam ko mayroon tayong selebrasyon at bakasyon sa malayong lugar para mapasaya ka namin anak. Pero gusto ko lang rin malaman mo na ngayon eksaktong oras ng kaarawan mo. Naghanda ako ng munting salo salo para mapasaya ka namin sa simpleng paraan, walang ayos, walang kahit ano.”
Pagpapatuloy pa ni McCoy, sobrang saya at nagpapasalamat siya sa tuwing nakikitang nakangiti ang anak. Ang makita nga lang daw ang ngiti ng anak ay parang nagpaparamdam sa kaniya na araw-araw ay birthday nito. At kung may regalo nga daw itong ibibigay sa anak sa ngayon, ito ay ang pagmamahal niya habang-buhay.
“Basta ngayon anak kumpleto tayo kasama ka namin ng mommy mo, maniwala ka man sa hindi masayang masaya na ako, sobra na kung makita ka naming nakangiti (na dalawa pa ring maliliit na ipin).”
“Salamat sa mga ngiti mo tuwing naipapakita mong masaya ka sa amin, parang kami ang laging ang may kaarawan. Hindi ko alam kung paano ko matutumbasan yun anak. Ang tanging regalo ko sa ngayon anak ay pagmamahal na panghabangbuhay… pangako yan.”
Hiling pa ni McCoy na sana ay mabasa ng anak ang mensahe niya sa paglaki nito. Dahil ito ang patunay ng pagmamahal niya kay baby Felize, ganoon rin sa ina nito at partner niyang si Elisse.
“Sana pag tanda mo mabasa mo to at nakangiti ka. Ito ang patunay na sa unang taon mo dito sa mundo, lahat lahat gagawin ko para mapasaya ka lang anak. Mahal na mahal kita anak ko at ng mommy… sobra. Happy FIRST (hay ang bilis ng panahon) Birthday Felize!”
BASAHIN:
McCoy de Leon: “Hanggang ngayon, I’m still trying to win to the highest level ‘yong heart ni Elisse”
Elisse Joson kung bakit hindi pa sila nagpapakasal ni McCoy de Leon: “Priorities first, ipon first”
Mccoy de Leon tinanggihan ang trabaho sa Korea para kay Baby Felize: “Importante ‘yong memories with her”
Birthday message ni Elisse para sa anak na si Felize
Image from Elisse de Leon’s Instagram account
Samantala, si Elisse naman ay nagkuwento tungkol sa naging birthday salubong nila ni McCoy sa birthday ni Felize.
“You tried to stay up late last night cause somehow you knew that it’ll be your special day. Pero around 9 cranky baby ka na kaya we took out your cake and sang happy birthday.”
“Si daddy nag-blow ng candle mo right before you tried to touch the fire and si mommy naman ang nagwish for you. You still played with your cake and syempre tikim tikim ka din—and that made you smile.”
Ito ang pagkukuwento ni Elisse sa parehong video na ibinahagi ni McCoy.
Sa dulo ng kaniyang mensahe ay sinabi ni Elisse kung paano ang maliliit na events at bagay na ginagawa ng anak na si Felize ay nakakapagpataba pa ng puso niya. Sinabi niya rin kung gaano niya kamahal ang anak kasunod ang pagbati ng happy birthday sa ngayong one year old ng si baby Felize.
“All of these little moments plus a hundred more in the last 12 months, make up so much of my heart.”
“Mommy loves you so much, Felize. We love you!!! Happy birthday my one year old.”
Sa ngayon, ayon pa rin sa Instagram post nina McCoy at Elisse, sila ay kasalukuyang nasa Bohol para doon i-celebrate ang first birthday ni Felize.
Image from Elisse de Leon’s Instagram account
Matatandaang Oktubre nang nakaraang taon ng isapubliko nila McCoy at Elisse na sila ay may anak. Ito ay kanilang ginawa sa Pinoy Big Brother house na kung saan kinuha nilang ninong si Big Brother ng anak nilang pinangalanan nilang Felize McKenzie.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
