First 100 tagalog words na dapat matutunan ni baby

Para sa mga unang tagalog na salita na dapat matutunan ng iyong anak ay narito ang mga libro na maari mong basahin sa kaniya. Pati na ang mga salitang Ingles na dapat niyang unang matutunan.

Narito ang first 100 words for baby na dapat niyang matutunan. At mga tagalog baby books na makakatulong para matutunan niya ang mga salitang Tagalog.

Paano natututong magsalita si baby?

Ayon sa mga pag-aaral, ang mga baby o sanggol ay natututong magsalita sa pamamagitan ng pakikinig o paggaya sa kanilang mga naririnig. Sa una, sila ay nakikipag-usap sa pamamagitan ng mga tunog. Tulad ng pag-iyak na palatandaan na sila ay nagugutom, nasasaktan o may hindi magandang nararamdaman. At ang pagtawa na palatandaan naman na sila ay masaya at natutuwa. Sa pagdaan ng buwan nagsisimula na silang makapagsabi ng paisa-isang salita. Ito ang mga salitang madalas nilang naririnig tulad ng Mama, Papa o Dada.

Image from Freepik

Paliwanag ng mga eksperto, ang mga sanggol ay nagsisimulang matuto tungkol sa linggwahe o languages bago pa man sila maipanganak. Ito ay sa pamamagitan ng mga naririnig nilang rhythm at melody mula sa boses ng kanilang ina habang sila ay nasa loob pa ng sinapupunan. Mas na-dedevelop lang nila ito kapag sila ay naipanganak na at natututo ng unti-unting manggaya.

Paraan kung paano mabilis na matuturuang magsalita si baby

Para nga daw mas mapibilis ang pagkatuto nila sa mga salita ay makakatulong ang pakikipag-usap sa mga sanggol gamit ang mataas na tunog o pitch at mabagal na pagsasalita. Gamit ang style of speech na ito ay mas mabilis nilang nagagaya ang mga salitang iyong sinasabi. Ayon sa mga researchers, ito ay tinatawag na infant directed speech.

Dahil ang mga mataas na tunog o pitch ay pumupukaw sa kanilang atensyon. Habang ang mabagal na pagsasalita naman ay binibigyan sila ng pagkakataon na marinig ang pagkakaiba ng bawat salita tulad ng “mama” sa “papa”. Mas nagiging epektibo nga raw ang pagtuturo sa kanila ng mga salita kung ito ay sasabihin ng exaggerated, pinasimple at paulit-ulit.

Kaya naman dagdag na payo ng mga eksperto makipag-usap sa iyong sanggol ng mas madalas. Gawin ito sa pamamagitan ng pag-nanarrate na inyong ginagawa. Tulad ng, “Halika na, paliliguan ka na ni Mama para ma-preskuhan ka.” Sa ganitong paraan ay mas mapapabilis ang pagkatuto niya sa mga salita. At mas mahahasa ang language at vocabulary skills niya.

Maliban sa pagnanarrate, makakatulong rin ang madalas na pagkanta at pagbabasa ng libro sa sanggol. Ito ay upang mas dumami pa ang mga salita na matutunan niya.

First 100 words for baby – English

Ayon nga sa highfrequency.org, isang online word at game resource, narito ang first 100 words for baby sa salitang Ingles na maaring maituro sa kaniya. Kung agad nga daw na matutunan ito ng isang bata ay mas mabilis na matutunan nito ang iba pang mga salita.

Ang mga salitang ito ay ang sumusunod na binabasa mula sa unang salita na “the” pababa:


the	that	not	look	put
and	with	then	don’t	could
a	all	were	come	house
to	we	go	will	old
said	can	little	into	too
in	are	as	back	by
he	up	no	from	day
I	had	mum	children	made
of	my	one	him	time
it	her	them	Mr	I’m
was	what	do	get	it
you	there	me	just	help
they	out	down	now	Mrs
on	this	dad	came	called
she	have	big	oh	here
is	went	when	about	off
for	be	It’s	got	asked
at	like	see	their	saw
his	some	looked	people	make
but	so	very	your	an

Para naman sa first 100 Tagalog words na dapat matutunan ni baby ay narito ang mga tagalog baby books na maaring basahin sa kaniya. Taglay nito ang mga salitang Tagalog na magpapayaman ng Filipino vocabulary ni baby.