Heart Evangelista at Chiz Escudero may payo sa mga mag-asawa pagdating sa pag-aaway o pagtatalo. Heart ikinuwento rin ang love story nila ni Chiz.
Mababasa sa artikulong ito:
- Paano nag-aaway si Heart Evangelista at Chiz Escudero.
- Love story ni Heart Evangelista at Chiz Escudero.
Nag-aaway pa rin ba si Heart Evangelista at Chiz Escudero?
Ito ang isa sa mga tanong ng fans ni Heart na sinagot naman ng aktres at mister na si Chiz Escudero sa pamamagitan ng isang TikTok video.
Sagot ni Chiz ay “of course, we do para kapag nagbati may gigil.” Dahil ayon kay Chiz, ang pag-aaway ay parte ng bawat pagsasama. Ito ay paraan ng bawat magkarelasyon para maipakita ang pagmamahal nila sa isa’t isa.
“Kapag hindi na kayo nag-aaway ibig sabihin wala ng pagmamahal. Kung hindi mo na inaaway, wala ka ng pakialam.”
Ito ang sabi pa ni Chiz.
“I guess it’s really more of if a person is toxic, though, then you get to say goodbye. But if you guys are discussing, it’s actually part of getting to know each other. So, you basically fight kasi mahal ninyo ang isa’t isa.”
Ito naman ang sabi ni Heart.
Isang beses na naisipan ni Heart na makipaghiwalay na kay Chiz
Image from Instagram
Kung nag-aaway man sila, pagbabahagi pa ni Heart at Chiz ay hindi naging option ang pakikipag-break sa isa’t isa. Sa isa pang hiwalay na TikTok video ay ikinuwento naman ni Heart ang instance na kung saan naisipan niyang makipaghiwalay na kay Chiz. na
Hindi naman nangyari, ito ay noong malaman na ng mga magulang niya ang relasyon nila at nagsimula na ang gulo sa mga pagitan nila.
“Sabi ko sa kaniya, cool down na muna tayo kasi I am a curse to everyone that I am with,” kuwento ni Heart.
Pero hindi umano ito nangyari dahil hindi pumayag si Chiz. Pinaglaban siya nito na first time umano may gumawa sa kaniya, ayon kay Heart.
“Surprisingly, he did something that I couldn’t imagine, especially its election time. People were telling him, break up na it’s not good for you. He fought for me. It was the first time anyone did that for me.”
Ito ang kuwento pa ni Heart. Dagdag pa niya, pinaramdam sa kaniya ni Chiz kung gaano siya kahalaga at kung gaano kaayaw nito na mawala siya.
“He wanted me to be in his life no matter what kahit mahirap ok lang. Mawala na ang lahat wag lang ako.”
Ito ang kinikilig na kuwento pa ni Heart.
BASAHIN:
Heart Evangelista, kayang patawarin ang cheating “but I won’t give them a happy ending”
Heart Evangelista’s advice on marriage life: “If you go to the toilet, close the door.”
Love story ni Heart Evangelista at Chiz Escudero
Photo from Heart Evangelista’s Instagram account.
Sa parehong TikTok video ay ikinuwento ni Heart kung paano nagsimula ang love story nila ni Chiz. Kuwento niya ay una niya itong nakita sa isang beauty pageant sa La Union kung saan siya ay host ng event.
Mula noon ay naging crush niya na si Chiz at hindi na ito nawala sa isip niya. Hanggang naikuwento niya ito sa very close friend niya at ang dating senador na si Miriam Defensor-Santiago.
Ito umano ang naging daan para maayos silang magkakilala ni Chiz. Pero noong una, ramdam niya ay parang hindi siya type nito.
“Hindi ko siya nakalimutan. I was introduced to him. In the beginning, parang hindi niya ako bet. He was just being very nonchalant and pa-chill.”
Nasundan ang mga pagkikita at pag-uusap nila ni Chiz na akala noon ni Heart ay mauuwi lang sa pagkakaibigan.
“We spoke and spoke, we really got to know each other. And I thought that he was just going to be a friend.”
Pero may kakaibang bagay kay Chiz na nagustuhan ni Heart at naging dahilan para mahalin niya ito.
“There’s something about him. I just thought that he has this sort of gravitas. He’s like so dignified, so calm. He was like an encyclopedia. He was nice, smart and romantic eventually.”
Ganito kung paano isalarawan ni Heart si Chiz. Ito ang mga dahilan kung bakit niya ito minahal. Pati na kung paano siya nito pinaglaban na sinuklian niya rin sa pamamagitan ng pakikipaglaban rin sa ngayon ay mister niya ng si Chiz.
“I met a lot of wonderful people, but I just met somebody greater than all of them and I felt that I think this time around I should fight for him.”
Ito ang kuwento pa ni Heart tungkol sa love story nila ni Chiz Escudero.