Natagpuan ng mga residente ng Agno, Pangasinan ang isang bagong silang na sanggol na mayroon pang dugo, at inabandona sa damuhan. Matapos mag-imbestiga, napag-alaman na minor de edad raw ang ina ng sanggol, at siya raw ay naging biktima ng panggagahasa kaya nabuntis at inabandona ang kaniyang anak.
Inabandonang sanggol, natagpuang nakadapa sa damuhan
Ayon sa mga nakahanap sa sanggol, nakita nila na punong-puno raw ito ng dugo at nakakabit pa ang kaniyang pusod. Bukod dito, nilalanggam na rin daw ang ilang bahagi ng kaniyang katawan. Dahil dito, dali-daling dinala ang sanggol sa ospital upang maalagaan at malaman kung mayroon ba itong problema.
Sa kabutihang palad, malakas raw ang resistensya ng bata, at bukod sa ilang mga gasgas at sugat na tinamo, malusog at wala raw itong problema.
Nalaman naman nila na isang 15-taong gulang ang ina ng sanggol. Ayon sa ina, siya raw ay naging biktima ng panggagahasa, at ito ang dahilan kung bakit niya inabandona ang sanggol.
Umuwi siya ng duguan sa kanilang tahanan
Kuwento naman ng lola ng sanggol, nagulat raw siya nang makitang umuwi ang kaniyang anak na mayroong dugo sa binti. Nakita rin daw ito ng kaniyang asawa, kaya't tinanong sa bata kung siya ang ina ng sanggol.
Inamin naman ito ng ina, at sinabi rin na naging biktima raw siya ng panggagahasa. Itinago raw niya ang pagbubuntis sa kaniyang pamilya at kamag-anak, at sinubukang abandunahin ang bata.
Ayon naman sa lola ng sanggol, nais raw niyang alagaan ang kaniyang apo. Gusto raw niya itong palakihin at paaralin, at tulungan ang kaniyang anak na alagaan ang bata.
Kasalukuyan naman nakikipag-ugnayan ang pamilya sa DSWD upang mabigyan ng counseling ang ina ng sanggol.
Hindi madali ang maagang pagbubuntis
Sa ating bansa, tumaas ng tumataas ang kaso ng mga inang maagang nabubuntis. Madalas ay minor de edad pa lamang sila, at halos walang alam tungkol sa pag-aalaga ng mga bata. Kaya't importanteng bigyan natin sila ng suporta at hindi panghuhusga, dahil mas importante ang mabigyan natin sila at ang kanialng mga anak ng magandang kinabukasan.
Heto ang ilang mga payo para sa maagang nagbuntis:
1. Sabihin mo sa iyong mga magulang o sa kahit sinong nakatatanda na iyong pinagkakatiwalaan.
Natatakot man ang bata na sabihin ito, ang mga nagdadalang tao ay kailangan pa rin ng suporta ng ibang tao para sa ikabubuti ng bata. Kaya naman kailangan nila itong sabihin sa kanilang magulang, o kaya naman ay sa isang nakatatanda na kanilang pinagkakatiwalaan.
Sa tulong ng nakatatandang kaya mong pagkatiwalaan, makakapag-desisyong mabuti ang mga batang nagdadalang tao. Mabibigyan pa sila ng suportang medikal.
Himukin mo ang dalagang nagdadalang tao na lumapit sa taong pinagkakatiwalaan nila ng taos-puso at walang takot. Pero, maging handa para sa hindi magandang reaksyon.
Pero dapat din nilang tandaan na kung anuman ang gusto niyang gawin, dapat ay hindi siya mapilitang gawin ang hindi niya gusto.
2. Pumunta sa isang doktor.
Ang isang buntis ay dapat matingnan ng isang doktor sa lalong madaling panahon, para mabigyan ng tamang prenatal care. Siya ay dapat bigyan ng mga bitaminang kailangan niya. Dapat rin siyang sumailalim sa isang pagsusuri upang makita nila kung meron siyang STD kung kinakailangan.
May karapatan ang tatay na maki-alam sa sitwasyong ng nagbubuntis.
3. Kausapin ang ama ng bata.
Karapatang malaman ng tatay ng bata na meron siyang anak. Mula doon ay dapat magdesisyon kung ano ang gagawin ng ama.
4. Humanap ng mga taong susuporta sa iyo.
Ang nagdadalang tao ay meron dapat susuporta sa kanya, katulad ng counselor, mga kaibigan, mga magulang, o doktor. Mainam na magkaroon ng mga taong matatakbuhan ng nagdadalang tao kung kailangan niya maglabas ng sama ng loob at matulungan siyang ma-solusyonan ang kaniyang mga problema.
Source: GMA Network
Basahin: Madrasta pinag-utos na gahasain at patayin ang kaniyang stepdaughter