Iya 3rd baby gender, hindi pa rin kumpirmado pero due na sila anytime! Ano nga ba ang prediction nilang mag-asawa? Is it time for a baby girl?
Iya 3rd baby gender
Sa isang interview, tinanong ang mag-asawa kung may hint na ba sila kung lalaki o babae ang kanilang magiging baby. Sagot naman ni Iya, tingin niya raw ay lalaki ito at wish niya rin na lalaki ang kanilang maging baby.
“I’m prepared for a boy. I mean, I already have everything I need for a boy.”
Bakit naman kaya wish ni Iya na maging lalaki ulit ang kanilang third baby? Ayon sa kanya, takot siya dahil sa panahon ngayon. Dahil para sa kanya, mas mahirap mag-raise ng babaeng anak dahil sa mga influences na nakapaligid sa kanila.
Photo from Drew Arellano’s Instagram
Bukod sa takot na maging babae ang kanilang anak, hindi naman umano raw siya natakot sa banta ng COVID ngayong siya ay nagbubuntis. Hindi rin naman daw high risk ang kanyang pregnancy.
Arellano family during lockdown
Kuwento pa ni Drew, ito na raw ang pinakamatagal na nagkasama sila ni Iya. Dahil noong normal pa, lagi siyang umaalis para sa kanyang weekly travel show taping. Pero nakatulong naman daw ito dahil nakapag-bond sila ng kanyang mga anak.
Lalo na raw pag nanganak na si Iya dahil kakailanganin nitong mag-focus sa kanilang baby. Si Drew na raw ang magiging in charge kay Primo and Leon.
Photo from Drew Arellano’s Instagram
Iya and Drew Arellano baby number 3
Sa isang Instagram post, ipinahayag ng mag-asawa na sa kabila ng mga bad news ngayong taon, mayroon silang announcement na hopefully ay magdala ng good vibes! Nataon pa nga na anniversary ng dalawa. Kaya naman talagang double celebration ang nangyari.
Isa ang Arellano Family sa mga pinaka-tinututukang families sa showbiz. Maaari pa ngang matawag na internet sensation ang kanilang babies. Si Primo na kanilang first-born ay 3 years old na. At si baby Leon ay 1 year old naman. Marami ang naaaliw sa kanilang home videos. Dahil bukod sa cute na cute ang mga ito, matatawag din na cool parents si Iya at Drew.
Kitang-kita naman yan sa kanilang mga vlogs sa YouTube. Ito ay nagsimula lang 4 months ago. At sa kasalukuyan ay nag-popost sila dito ng mga travel videos at toy reviews ni Primo. Giliw na giliw naman ang mga netizens dahil talaga nga namang charming ang mga batang ito.
Surprise video announcement
Dito nga rin inanunsyo ng dalawa ang bagong addition sa kanilang lumalaking pamilya. Sa kanilang late Christmas vlog, pinakita ni Iya ang kanyang mga anak na excited magbukas ng mga regalo. Habang sa huling parte naman ng video, inabutan niya si Drew ng isang maliit na envelope. Nang buksan ito ni Drew, nakita niya ang naka-ipit na ultrasound at sulat. Hindi pa nga makapaniwala ito at akala ay nagjo-joke lang ang asawa.
Itinago pala ni Iya kahit sa kanyang pamilya ang naturang pagbubuntis dahil gusto niya talagang surpresahin ang asawa sa araw ng pasko. Naiyak din mismo ang kanyang ina nang malaman ang balita.
Paano naman nila nababalanse ang work at parent life?
Photo from Drew Arellano’s Instagram
Ayon kay Drew, si Iya ay isang natural pagdating sa pagiging parent. Hindi niya itatanggi na marami siyang kinailangang aralin at hanggang ngayon ay marami pa siyang kailangang matutunan. Pero isa sa mga pinaka-importanteng parenting advice na talagang nakatulong daw sa kanya ay mula sa nanay niyang si Bernie. Ito ay ang mga maliliit na bagay na itinuturo raw sa kanya noong siya ay bata pa. Maiisip mo raw na in the end, may kabuluhan ang mga ito. At may rason kung bakit ito ay sinasabi sa atin. Para sa kanya, gusto niyang maging well-rounded ang kanyang mga anak kaya naman kahit sa maliliit na bagay ay tine-train nila ito.
Source:
Magic 89.9
Basahin:
Iya Villania, nag-umpisa ng potty training kay Leon at 4 months!
