Iya Villania COVID positive. Host ibinahagi ang nakakalungkot na tagpo sa bahay nila kung saan siya ay naka-isolate.
Mababasa sa artikulong ito:
- Iya Villania COVID isolation experience.
- Mensahe ni Iya sa mga magulang na dumadaan sa parehong sitwasyon sa kaniya.
Iya Villania COVID isolation experience
Image from Instagram
Kagabi sa pamamagitan ng kaniyang Instagram ay ibinahagi ni Iya Villania ang isang nakakalungkot na balita. Siya ay nag-positibo sa sakit na COVID-19.
Ganoon din ang mister niyang si Drew Arellano. Ito ay matapos ang halos isang linggo ng i-anunsyo niya na siya ay apat na buwang buntis sa pang-apat nilang anak ni Drew.
Pero sa post ni Iya, hindi ang posibleng peligro na maaring idulot ng sakit sa kaniyang pagdadalang-tao ang kumuha ng atensyon ng kaniyang mga followers.
Kung hindi ang larawan na kung saan makikita ang kaniyang mga anak na sina Primo, Leon at Alana na nakatayo sa harap ng isang glass door. Ang bunso niyang si Alana umiiyak na at tila nais magpakarga.
View this post on Instagram
“The situation here in Casa Arellano, Drew and I are still hanging onto that little chance that maybe the kids are spared.”
Ito ang bungad ni Iya sa kaniyang Instagram post na kung saan pagbabahagi niya, ang kuhang larawan ay siyang nakakalungkot na tagpo ngayon sa bahay nila. Pero umaasa siya na ang mga anak niya ay hindi mahahawaan ng virus na ngayon ay tinataglay niya.
Pagpapatuloy pa ni Iya, ang post niyang ito ay alay sa mga magulang na tulad niya ay dumadaan sa napaka-hirap na bahagi ng kanilang buhay.
Una dahil sa peligro ng kumakalat na sakit at pangalawa dahil kailangan nilang tiisin na hindi muna mahawakan at mayakap ang mga anak nila.
“This post is for all mamas and papas that are going thru the same thing and have to endure not hugging and kissing their children, this was the hardest thing to accept upon learning I was + (and I’m not talking about my pregnancy test).”
Mensahe ni Iya sa mga inang dumadaan sa parehong sitwasyon sa kaniya
Image from Instagram
Sa larawan makikitang tila cool at happy naman ang mga two boys niyang sina Primo at Leon. Pero ang bunsong si Alana, naguguluhan sa mga nangyayari at gusto lang lumapit sa kaniyang ina. Ito umano ang mas nakapagdulot ng kurot sa puso ni Iya.
“Primo gets it, Leon is okay too because he follows his kuya’s lead, but Alana?? Boy, it broke my heart to see her cry for me and not being able to console her even for a bit.”
Kaya naman, dahil sa nararanasan ngayon, si Iya may payo sa mga ina na tulad niya ay nag-positive sa COVID-19 at kailangang mawalay pansamantala sa kanilang anak at pamilya.
“So mamas in this same situation, you are not alone! My tip? Try not to cry!!!! coz the tears will only cause nasal congestion and lengthen recovery! I know, I know… ang hirap! Man, I CRIED!!! But you have to get over it as soon as you can and get in that speed car towards recovery for your family. Kapit guys! There’s a whole bunch of us! We can do it!”
Ito ang mensahe ni Iya.
BASAHIN:
LOOK: Iya Villania buntis sa pang-apat na anak—isang BABY BOY!
Iya Villania warns parents: “Drew and I never thought this could happen from wiping your nose so much”
Positive at naka-isolate sa bahay? 5 benefits na maaaring makuha mula sa Philhealth
Reaksyon ng mga celebrities
Marami naman ang nalungkot sa nai-share na ito ni Iya. Karamihan ay mga kaibigan niyang celebrities na hiniling na sana ay maka-recover siya agad.
🙁 get well dear
Get well soonest Iya and Drew ❤️
Prayers for you mars and pars! And the kids!!! Get well soon!
Awwwww my heart. Hope you both feel better soon loveys!!!!!????
Habang ang ilang naman ay mas pinalakas pa ang loob niya at sinabing tulad nila ay malalampasan niya rin ito. Tulad nalang ni Pokwang na naka-isolate rin at namimiss na ang anak niyang si Malia.
Laban lang nak @iyavillania ako pang 4days na isolation at moss kona Malia sobraaa!!! in Jesus mighty name ok ang lahat at ligtas pray lang at laban ????????????????
Get well soon Iya and Drew!
Image from Instagram
Source:
Instagram
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
