Janella Salvador baby na si Jude ang tanging priority umano sa ngayon ng singer-actress. Pag-amin ni Janella, nai-stress siya sa tuwing hindi kasama si Jude at naging mabilis mairita dahil sa pagod dulot ng pagiging isang ina.
Mababasa sa artikulong ito:
- Mga pagbabago sa buhay ni Janella Salvador simula ng siya ay maging ina.
- Si Janella Salvador at Marcus Paterson bilang mga magulang.
Mga pagbabago sa buhay ni Janella Salvador ng maging isang ina
Sa isang vlog kasama ang kaibigan niyang si Erich Gonzales ay nagbahagi si Janella Salvador ng mga pagbabago sa buhay niya ngayong siya ay ganap ng isang ina.
Ayon kay Janella, napakalaki nang pinagbago niya at ng buhay niya ng dumating si baby Jude. Kung ikukumpara nga umano noon, ngayon ay mas responsible na siya.
Tulad halimbawa ng pag-aayos at paglilinis sa bahay na noon ay kinatatamaran niyang gawin. Pero sa ngayon, ito ang lagi lang nasa isip niya.
“Before I got pregnant, when you go to my house lagi ko sinasabi don’t look kasi its still magulo. Kasi tamad talaga akong mag-ayos dati.
But now after having a baby gusto ko lahat organized. Like wala na akong ibang iniisip kung ‘di mag-organize, mag-ayos, maglinis.”
Ito ang pahayag ni Janella sa itinuturing niyang isa sa pinaka-malaking pagbabago sa buhay niya ng maging isang ina.
Pag-amin niya mas naging oozy at mas madali siyang mairita nang maging ina
Image from Janella Salvador’s Official Facebook account
Kaugnay nga nito ay mas naging oozy nga umano siya sa loob ng bahay isang bagay na naging isyu sa pagitan nila ng partner na si Marcus Paterson.
“Medyo oozy ako sa bagay-bagay. I want things in place where I last put them,” sabi pa ni Janella. Ito umano ang isa sa mga dahilan kung bakit naging mabilis siyang mairita kay Marcus kung minsan.
“Nagkoon ako ng stage na konting mali lang ni Marcus I get irritated easily. Hindi niya nakikita siguro pero ang daming tumatakbo sa isip ko every day.”
Ayon kay Janella, ang reaksyon niyang ito ay dulot ng pagod at labis na pag-iisip niya sa kung paano maalagaan ng maayos ang anak niyang si Jude. Pero napag-usapan na umano nila ito ni Marcus, kasabay ng pag-e-effort niya na mas pahabain pa ang pasensiya niya.
“I am trying to be more patient now every day. I guess motherhood, there are seasons lang like okay ka tapos mahihirapan ka.”
Image from Janella Salvador’s Official Facebook account
Janella Salvador si baby Jude ang priority sa ngayon
Sa ngayon, ang buhay ni Janella ay umiikot lang sa pag-aalaga sa anak na si Jude. Ito umano ang priority niya. Kaya lahat ng pag-aadjust ay ginagawa niya para maibigay ang pangangailangan at pag-aalaga na kailangan nito. Kuwenta pa ni Janella,
“Dati I used to wake-up like 1 pm, ngayon because of Jude nagigising siya minsan mga 6 am, 7 am so ganoong oras narin ako nagigising.”
Dagdag pa nga niya ay wala na siyang oras sa sarili niya.
“I do miss my me time. Luxury na ngayon iyong super tagal kong mag-shower like every day talaga.”
Kahit nga umano oras na makapag-solo sila ni Marcus ay hirap siyang maibigay.
“Kunyare mag-plan kami ng date, lalabas kami, as a mom, when you go out parang mas naii-stress ka pa imbes na ma-relax ka.”
Paliwanag ni Janella, ito ay dahil si baby Jude lang lagi ang nasa isip niya at na-giguilty siya sa tuwing iniiwan ito sa pangangalaga ng iba.
BASAHIN:
Janella Salvador, pinag-iisipang kasuhan ang nagsabi na sana magkasakit si Baby Jude
Janella Salvador: “After giving birth, I really lost confidence in myself”
Mainitin ang ulo at madaling magalit mula ng manganak? Maaaring senyales na ito ng postpartum rage
Janella may nais patunayan sa ibang tao at sa sarili niya
Image from Janella Salvador’s Official Facebook account
Ayon par in kay Janella, hindi naman ibig sabihin nito na tuluyan niya ng iiwan ang pag-aartista. Sa ngayon, ang gusto lang nila ni Marcus ay maibigay ang lahat ng kailangan ng kanilang anak para lumaki ito bilang isang batang may disiplina at higit sa lahat marunong rumespeto sa kapwa.
“Most of us have issues growing-up and that’s what I want to avoid or if I can’t avoid it, just minimize na sana paglaki ni Jude wala siyang family issues. Gusto namin mapalaki siya ng maayos.”
Pero sabi ni Janella, muli siyang magbabalik sa pag-aartista. Ito ay hindi lamang para gawin ang mga bagay na gusto niya kung hindi para na rin patunayan na ang pagiging isang ina ay hindi hadlang sa pag-abot ng mga pangarap niya.
“I am out to prove that nanganak lang naman ako e. I’m still Janella. I just gave birth but still can do what I can do.
Iyong mga nagagawa ko dati, nagagawa ko pa rin naman. I can still act, I can still sing. I just want to prove not just to others but also to myself na kayang-kaya. Motherhood doesn’t stop someone from achieving their dreams.”
Ito ang sabi pa ni Janella Salvador.
Source:
YouTube
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
