Jennica Garcia and Alwyn Uytingco naging tuluyan na talaga ang paghihiwalay. Aktres ito ang nilinaw sa isang panayam.
Mababasa dito ang sumusunod:
- Jennica Garcia and Alwyn Uytingco relationship.
- Paghihiwalay ni Jennica Garcia at Alwyn Uytingco.
Jennica Garcia and Alwyn Uytingco relationship
Tuluyang ng tinuldukan ng aktres na si Jennica Garcia ang relasyon nila ng mister na si Alwyn Uytingco. Ayon sa pinaka-latest na interview kay Jennica, hindi na sila nagkabalikan ni Alwyn tulad ng inaakala ng marami.
“’Yon na po talaga ‘yon. Wala na po talaga akong ibang maisasagot kung hindi, hindi na po talaga kami mag-asawa.”
Ito ang deretsong pahayag ni Jennica tungkol sa estado ng relasyon nila ni Alwyn.
Pagpapatuloy niya, halos dalawang taon narin silang hiwalay ni Alwyn. At ngayon nagsasalita siya tungkol dito upang ito ay matuldukan na at hindi na mapag-usapan pa.
“And feeling ko, maraming nagugulat, pero matagal na po. Magdadalawang taon na po. Hindi siya bago. Oo. Nagkataon lang na hindi po kasi ako nagsasalita about it.
Pero ‘yon nga, para hindi na rin siya mapag-usapan ulit kasi gusto ko na rin talaga na moving forward, huwag na lang siyang pag-usapan pa.
Kasi hindi na rin naman iisa ang buhay naming dalawa ngayon, since we’re no longer romantically linked to each other.”
Ito ang sabi pa ni Jennica.
Dagdag pa ng aktres, pinili niyang limitahan ang mga pahayag tungkol sa kanila ni Alwyn bilang respeto sa pamilya nito. Dahil ayon sa aktres kahit hiwalay na sila, ang pamilya ni Alwyn at itinuturing niya paring pamilya niya.
“’Yon lang din talaga. I don’t think darating ‘yong araw na magiging bukas ako sa isang open interview para pag-usapan kung bakit ito natapos, kung ano ang nangyari. Out of my respect na rin kay Alwyn and his family, more importantly siyempre, ‘yong parents niya.”
“Ayaw ko kasing dumating sa punto na hindi ako makakatingin kina Mama Liza, ‘yong mommy ni Alwyn. Ayaw kong dumating ‘yong araw na hindi ako makakatingin sa mata niya dahil may nasabi ako na hindi maganda patungkol sa anak niya.”
“Dahil natapos man ‘yong marriage namin, hindi naman sila kasama doon. Kumbaga, in my mind, they will always be family. It’s just that, hindi na kami mag-asawa ni Alwyn.”
Ito ang sabi pa ng aktres tungkol sa estado ng relasyon nila ni Alwyn sa isang panayam sa kaniya ni DJ Jai Ho.
Paghihiwalay ni Jennica Garcia at Alwyn Uytingco
Larawan mula sa Facebook page ni Alwyn Uytingco
February 2014 ng maikasal sina Alwyn at Jennica sa pamamagitan ng isang secret wedding. Pebrero rin ng nakaraang taon ng magsimula ang ugong na naghiwalay na sila.
Ito ay matapos burahin ni Jennica ang mga picture nila ni Alwyn na magkasama sa kaniyang Instagram account. Sinundan ito ng pagtatanong ng aktres kung paano mapapalitan ang pangalan niya sa Instagram na kung saan gusto niyang alisin ang apelyidong Uytingco.
Hanggang sa ibinenta na online ng aktres ang mga lumang gamit nilang mag-asawa at lumipat sila sa bagong bahay ng kaniyang mga anak.
Subalit nanatiling tahimik ang aktres sa estado ng relasyon nilang mag-asawa. Ang kompirmasyon na sila ay hiwalay na ay ginawa ni Jennica noong Mayo sa pamamagitan ng isang virtual interview.
Oktubre noong 2021, base sa social media post ng dalawa ay nag-uusap sila sa posibleng pag-aayos ng kanilang pamilya. Magkasama rin nilang sinalubong ang pasko ng parehong taon kasama ang mga anak na sina Mori at Alessi.
Makikita rin sa mga social media post ni Alwyn na sinusuyo niya talaga ang asawa na si Jennica. Katunayan ay ibinahagi pa niyang na-celebrate na ang 12 years nila bilang mag-asawa. Si Alwyn may sweet na mensahe pa noon kay Jennica kasabay ng pagdiriwang ng Valentines Day noong nakaraang taon.
Larawan mula sa Facebook page ni Alwyn Uytingco
“Kaya mas excited ako na ipagdiwang anibersaryo at balentimes namin ni Jen. Lalo na sa taon na ‘to.”
“Alam naman natin lahat, isang MILAGRO ang ma-celebrate namin ang 12th anniversary namin. Muntik na nga magtapos sa 11th year. (Opo, dahil po sa’kin. Ako po ang may sala. Sorry na po.) Kaya napakahalaga sa akin / sa amin na maipagdiwang ang anniv namin. Kasi isa siyang malaking blessing talaga.”
“Nanay, salamat. At kahit ganito ako, maraming kakulangan sa’yo, maraming pagkakamali at napaka imperfect na tao, nakikita mo pa rin ako. Salamat sa 12 years natin pagsasama. Salamat sa pagmamahal.”
“I see you, Jennica. Mahal kita.”
Ito ang bahagi ng mensahe ni Alwyn noon para kay Jennica.
Marami ang nag-akalang mula noon ay tuloy-tuloy na ang naging pag-aayos ni Alwyn at Jennica.
Si Jennica hindi naman idinetalye kung annulled na ang kasal nila ni Alwyn. Pero pagdating sa pagiging magulang sa mga anak na sina Mori at Alessi ay nagkakasundo naman sila.