Jennylyn Mercado at Dennis Trillo ibinahagi ang kanilang journey sa pagbubuntis ng baby.
Mababasa sa artikulong ito:
- Jennylyn Mercado at Dennis Trillo journey on having a baby.
- Dennis Trillo at Jennylyn Mercado on trying surrogacy.
Jennylyn Mercado at Dennis Trillo journey on having a baby
Image from Jennylyn Mercado’s Facebook account
Nitong October 29 ay ibinahagi ng celebrities at real-life couple na sina Jennylyn Mercado at Dennis Trillo na sila ay engaged na. Kasabay ng engagement announcement nila ay ipinaalam rin ng dalawa na sila ay magkakaanak na.
Ito ay kasunod ng biglaang pagkakaroon ng medical emergency ni Jennylyn habang nagte-taping ng isang programa sa GMA. Ito rin umano ang mga panahon na nakaramdam si Jennylyn ng sintomas ng pagbubuntis.
Marami ang natuwa sa ibinahaging milestone na ito ni Jennylyn at Dennis sa kanilang pagsasama. Lalo na’t anim na taon naring strong at happy ang relationship nila.
Sa pinakabagong vlog entry ni Jennylyn ay ibinahagi nila ni Dennis ang orihinal na plano nila pagdating sa pagkakaroon ng anak.
Dennis at Jennylyn nagbalak magka-anak sa pamamagitan ng surrogacy
Kuwento ng dalawa, taong 2018 ng mag-desisyon silang magpa-freeze ng eggs ni Jen. Pero ang dalawang beses nilang subok sa procedure na ito ay hindi nagtagumpay.
“Noong 2018 ang plano lang namin ni Dennis ay magpa-freeze lang ng eggs, ng speciment. Noong mga time na ‘yon hindi pa ako handa talaga mag-carry ng baby.”
Ito ang pagbabahagi ni Jennylyn sa kaniyang vlog.
Sa payo ng kanilang mga kaibigan ay sinubukan nila Dennis at Jennylyn ang surrogacy na legal ng gawin sa ibang bansa.
Sa pagsisimula ng pandemic ay nagpunta sila sa USA para doon magpatingin at doon nga gawin ang unang hakbang ng surrogacy. Nauna doon si Dennis para mag-deposit ng kaniyang sperm.
Nang makauwi si Dennis sa bansa, ay sunod namang napunta si Jennylyn sa USA ng magsimula na ang second lockdown sa Pinas.
Doon niya sinimulan ang mga hakbang para maihanda ang kaniyang katawan na maging healthy para sa pag-reretrieve ng kaniyang eggs na kailangan sa surrogacy.
“Pagdating ko doon sa Vegas doon namin ginawa ‘yong cycle. Doon ako nag-start ng medication, blood test, interview. Araw-araw nag-u-ultrasound ako para macheck kung may nabuo na ba.”
Ito ang pagkukuwento ni Jennylyn sa ginawang procedure sa kaniya.
BASAHIN:
LOOK: Jennylyn Mercado at Dennis Trillo, engaged na—at magkaka-baby na rin!
Want baby to start blabbing? Here are some speech exercises to do at home
Magkano ang surrogacy? Joel Cruz, ganito ang nagastos sa kaniyang 8 na anak
Jennylyn kailangang mag-inject ng gamot 3x a day bilang parte ng surrogacy procedure
Image screenshot from YouTube video
Maliban sa ginawang test ay nag-i-inject din umano ng gamot sa kaniyang tiyan si Jennylyn araw-araw ng tatlong beses. Ito umano ay napakasakit.
Mabuti na nga lang umano ay bumalik si Dennis sa US. Ito ay naging malaking tulong sa kaniya para masigurong magkakaroon siya ng healthy eggs for surrogacy.
Sa katunayan ay pinag-aralan ni Dennis kung paano ang tamang pag-i-inject ng gamot sa tiyan ni Jennylyn na hindi niya kayang gawin ng mag-isa kinatagalan.
“Araw-araw siya 3x a day. Bugbog na bugbog ‘yong tiyan ko. Parang ayoko ng gumawa kasi sakit na sakit na ako. Kailangan ibang tao kasi hindi ko na siya kayang itusok sa sarili ko,” sabi ni Jennylyn.
“Nag-decide ako na sumunod na lang kay Jen. Dapat talaga siya lang gagawa noong buong proseso na ‘yon pero naisip ko na mahihirapan siya at kailangan niya ‘yong suporta ko.”
Ito naman ang sinabi ni Dennis bilang pagsuporta sa fiancé na ngayong si Jennylyn.
May schedule na raw ang surrogacy implant pero ‘di natuloy dahil nabuntis si Jennylyn
Image screenshot from YouTube video
Sa awa ng Diyos matapos ang halos isang buwan na paghahanda ay nagkaroon ng raw ng healthy eggs si Jennylyn. Maayos itong na-retrieve sa kaniya.
Kaya naman ang sunod nilang naging hakbang ay ang maghanap ng surrogate mother na magdadala sana ng anak nila ni Dennis. Mayroon silang nakita na nakausap na rin daw nila Jennylyn at Dennis.
Ito raw ay isang couple na kung saan ang profession talaga ng babae ay maging isang surrogate mother. Magaganap nga umano sana ang surrogacy implant last week nitong Oktubre.
“Nakilala namin sila sobrang bait na couple. Ayun talaga profession ng babae.
“Gumawa na ng schedule para sa contract signing pati sa implant. Dapat yung naka-schedule ng October. Dapat yun last week ng October mangyayari.”
Pero sa hindi inaasahan ay nabuntis si Jennylyn na hindi lang magandang balita para sa kanila ni Dennis kung hindi para narin sa kanilang buong pamilya.
Sa ngayon ay 9 weeks pregnant na si Jennylyn. Ito ang unang baby nila ni Dennis. Bagamat sila ay parehong may anak na sa mga nauna nilang ka-relasyon.