Jessy Mendiola ibinahagi ang kaniyang pregnancy journey sa ipinagbubuntis na panganay nila ni Luis Manzano.
Mababasa dito ang mga sumusunod:
- Pregnancy journey ni Jessy Mendiola.
- Reaksyon ni Edu Manzano at Vilma Santos ng malamang buntis na si Jessy sa magiging apo nila sa anak na si Luis.
- Pagbabago sa buhay ni Jessy ngayon na siya ay magiging mommy na.
Pregnancy journey ni Jessy Mendiola
Nitong nakaraang Linggo ay may magandang balitang ibinahagi ang mag-asawang sina Jessy Mendiola at Luis Manzano. Si Jessy ay limang buwan nang buntis sa kanilang panganay ni Luis at marami ang natuwa para sa mag-asawa.
Sa pinakabagong vlog ni Jessy ay ibinahagi niya ang kaniyang naging pregnancy journey. Kuwento ni Jessy nalaman niyang siya ay buntis nitong Hunyo at ilang buwan na pala siyang nagdadalang-tao. Hindi niya na daw nakuhang mag-pregnancy test dahil sa maraming beses narin silang umasa at nabigo ni Luis.
“We’ve been trying for months. Every time na ‘di kami papalarin, malulungkot kami. Dumating sa point na hindi na ko nagte-test, hindi na ko umaasa. Tapos ‘pag magkakaroon na ko, umiiyak ako.”
Ito ang pagkukuwento ni Jessy.
Dagdag pa ni Jessy, masyado daw sila na-pressure ni Luis na magkaroon ng anak. Pag-amin pa niya dahil sa frustration na nararamdaman ay dumating daw sa point na parang hindi niya nai-enjoy ang paglo-lovemaking kay Luis.
Kaya naman daw napag-usapan na lang nila Luis noon na i-enjoy nalang muna nila ang buhay ng dalawa lang sila. Bagamat hindi daw nawala ang pag-asa nila lalo na sa bawat bakasyon nila ay sana makabuo na.
Kaya nga noong dumating na ang point na naramdaman ni Jessy na may kakaiba na sa kaniyang tiyan ay hindi siya makapaniwala ng malamang siya ay buntis na. Kuwento pa niya dalawang ulit pa siyang nag-pregnancy test dahil sa una ay malabo ang pangalawang linya at hindi pa siya sigurado.
“Mas malinaw na ‘yong pangalawa, Tinawag ko na siya doon na kami nagsigawan, nag-iyakan.”
Ito ang pag-alala ni Jessy sa naging reaksyon nila ni Luis ng malamang buntis siya. Ito ay nakunan rin ni Jessy ng video at ibinahagi niya sa kaniyang vlog.
Reaksyon ni Edu Manzano at Vilma Santos ng malamang buntis na si Jessy
Una daw pinaalam ni Jessy at Luis ang magandang balita sa ina ni Luis na si Vilma Santos. Ito daw ay sinabay nila noong Mother’s Day. Doon ay binati ni Luis ang ina ng Mother’s Day sabay sabi dito na batiin rin si Jessy ng Happy Mother’s Day.
Ang ‘Star For All Seasons’, noong una ay naguguluhan kung bakit. At nang ma-realize niya na kung ano ang sinasabi ni Luis ay makikita ang gulat nito at saya sa magandang balitang narinig.
Ang ama naman ni Luis na si Edu Manzano ay naluha daw ng malamang magkakaapo na siya. Bagamat tingin ni Luis at Jessy ay bahagyang alam na nito at nakapaghanda pa nga daw ang TV host-actor ng flowers para kay Jessy.
“Nung pinakita namin ‘yong ultrasound, pumunta siya sa kwarto niya na naiiyak tapos nagdala siya ng bouquet. Kasi sinabi namin sa kaniya na meron kaming sasabihin sayo, siguro naramdaman niya na. So nag-ready siya ng flowers not sure kung anong meron.”
Ito ang pagkukuwento ni Jessy sa kung paano ang naging reaksyon ni Edu Manzano ng malamang siya ay magiging lolo na.
Kahit nga daw ang mister ni Vilma Santos ay excited rin sa pagbubuntis ni Jessy. Nang sabihin niya daw minsan na gusto niyang kumain ng crab ay nagpabili ito ng marami para lang sa kaniya.
Pagbabago sa buhay ni Jessy ngayon na siya ay magiging mommy na
Larawan mula sa Instagram account ni Jessy Mendiola
Sa ngayon ay nagsisimula ng mag-adjust si Jessy. Tinigilan niya daw ang mga heavy exercises niya at hindi na kumakain ng mga raw foods na paborito niya. Dahil pagbabahagi pa niya ay na-food poison siya noong 6th week ng kaniyang pagbubuntis.
Sinugod daw siya sa ospital at natakot sila na baka makasama ito sa pagbubuntis niya. Pero sa awa ng Diyos daw ay hindi at nalagpasan ito ni Jessy.
Ngayon daw ay hindi parin makapaniwala si Jessy at sobrang excited sa bagong chapter na ito ng buhay niya.
“Hindi ako makapaniwala na magiging nanay na ako. Medyo mahirap din ‘yong transition but at the same time ang dami kong natutunan. Ang dami kong nadi-discover. Excited ako na mayroon na naman akong bagong chapter o journey sa buhay ko na tatahakin with Hawhaw.”
Dagdag pa ni Jessy na super lucky and blessed siya. Dahil sa punto na ito ng buhay niya na matagal niyang pinangarap ay si Luis ang kaniyang kasama.
“I feel really blessed and lucky na ikaw yung kasama ko sa journey na ‘to. Kasi ang tagal na naming inantay to and I can’t believe lang its finally happening.”
Ito ang masayang sabi pa ni Jessy.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
Press Releases
Shopping
Rewards
