Masayang ipinagdiwang ng mag-asawang sina John Prats at Isabel Oli ang ika-anim na taong kaarawan ng kanilang panganay na anak na si Lily Feather Prats.
Mga mababasa sa artikulong ito:
- Mensahe nina John Prats at Isabel Oli sa anak nilang si Feather
- Ano ang dapat malaman kung 6 years old na ang anak?
Mensahe nina John Prats at Isabel Oli sa anak nilang si Feather
Excited na ibinahagi ng mag-asawang sina John Prats at Isabel Oli ang kaganapan sa celebration nang ika-anim na taong kaarawan ng kanilang first baby girl at panganay na si Lily Feather Prats.
Sa Instagram account ng actor at comedian na si John Prats, proud daddy siyang ibinahagi ang past and present photo nila ng anak na si Feather.
Makikita na pinost niya ang larawan niyang karga-karga si Feather noong sanggol pa lamang at sinundan ito ng pagre-remake muli ng larawan kung saan karga naman na niya ang anak na malaki na.
Makikita sa dalawang larawan ang labis na saya ni John Prats sa pagbuhat sa kanyang anak. Nilagyan niya rin ito ng caption na nagpapakita ng kanyang pagmamahal kay Feather.
Larawan mula sa Instagram account ni John Prats
“Blessed birthday my 1st born! Papa and Mama love you sooo much! Stay mabait and sweet my love”
Bukod dito ay ipinakita rin ni John Prats ang ilang kaganapan sa kaarawan ng kanyang anak kung saan makikita ang set-up ng playground para sa mga dumalong bisita at kaibigan ni Feather.
Pinost din niya ang kanilang family picture kasama ang misis na si Isabel Oli at ang tatlo nilang anak na sina Lily Feather, Forest, at Daniel Freedom Prats na kapwa nasa bubble pool.
Larawan mula sa Instagram account ni John Prats
Sa Instagram account naman ng model at aktres na si Isabel Oli, ipinasilip niya rin ang 6th birthday party venue ng kanyang anak. Sa ipinost niyang video makikita ang makukulay na lobong nakaset-up at ang playground na talagang mai-enjoy ng bata.
Nakita rin dito na tinatakpan ni John Prats ang mata ng anak para sorpresahin at nang makita ang buong venue ay labis ang tuwa ni Lily Feather. Hindi naman kinalimutan ni Isabel na pasalamatan ang lahat ng tumulong upang maging matagumpay ang birthday party ng kanilang anak.
“I really appreciate the help of my party suppliers for making my daughter’s birthday a memorable one. God bless you guys!!!”
Sabay isa-isang minention ang bawat party suppliers para sa pagdiriwang ng kaarawan ni Feather.
Nakakatakam din na ipinost ni Isabel ang birthday cake para sa kanyang anak na si Feather. Super cute and fun ang design and colors ng cake kung saan nagpasalamat din siya sa nagbigay nito dahil mula pa raw noong unang birthday ni Feather ay ito na ang nagsu-supply sa kanila ng cake ng kanilang panganay.
Larawan mula sa Instagram account ni Lily Feather Prats
Hindi lang ang parents na sina John Prats at Isabel Oli ang nagbahagi ng kuwento tungkol sa kaarawan ni Feather, siyempre hindi rin papahuli ang mismong birthday girl!
Sa Instagram account ni Feather, nag-post din siya patungkol sa masayang birthday party na naganap. Makikita ang kanyang larawan na nakasuot ng makulay na skirt na match sa colorful theme ng kanyang party.
Masayang nag-pose ang birthday girl kasama ang malaking ‘6’ sa kanyang likod. Katulad ng kanyang parents ay nagpasalamat din siya sa kanilang naging supplier upang magawa nang maganda ang pagdiriwang.
BASAHIN:
LOOK: Ziggy Dantes nagdiwang ng kaniyang 3rd birthday!
Judy Ann sa 43rd birthday ni Ryan Agoncillo: “You are and will always continue to be God’s biggest blessing”
LOOK: Anne Curtis at Erwan Heussaff ipinagdiwang ang 2nd birthday at binyag ni Baby Dahlia
Ano ang dapat malaman kung 6 years old na ang anak?
Habang tumatanda ang inyong anak ay nadadagdagan din ang kanilang development. Bawat taon na sila ay magdiriwang ng kaarawan ay may mga pagbabagong magaganap sa physical, mental, at iba-iba pang areas.
Kung anim na taon na ang anak, ano-ano kaya ang mga pagbabagong ito? Narito ang ilan sa kanila:
- Mas complex at may involvement na ng rules ang kanyang lalaruin dahil mayroon na siyang alam sa pagkontrol ng kanyang behavior at emotions.
- Matututo na siyang magkaroon ng kaibigan at maging kaibigan.
- Nago-grow na ang kanilang awareness kaya napapansin na nila ang mga balita tulad ng distressing news stories at problema sa paligid.
- Magkakaroon ng mabuting pag-unawa sa cause and effect ng mga bagay-bagay.
- Nagi-improve ang memory.
- Mas nagkakaroon na ng mahaba at complex na conversations at nakakapag-voice out ng opinions.
- Nade-develop ang morals and values.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
