Kitkat ipinanganak na ang kaniyang first baby na pinangalanan nila ng kaniyang mister na si Walby Favia ng Uno Asher.
Mababasa dito ang mga sumusunod:
- Panganganak ni Kitkat sa kaniyang first baby.
- Karanasan ni Kitkat sa pagbubuntis.
Panganganak ni Kitkat sa kaniyang first baby
Larawan mula sa Facebook account ni Kitkat
Ganap na ngang isang ina ang komedyanteng si Kitkat. Sa kaniyang Instagram account nitong Miyerkules ay masaya niyang ibinalita na ipinanganak niya na ang first baby nila ng mister na si Walby Favia. Ito ay isang baby girl na pinangalanan nilang Uno Asher.
“My life is COMPLETE. THANK YOU LORD FOR THIS GREATEST BLESSING I PRAISE TRUST HONOR AND LOVE YOU OH LORD. Baby Girl Uno Asher B. Favia.”
Ito ang caption ng post ni Kitkat kung saan may larawan siyang makikitang nakahiga pa siya sa hospital bed kasama ang kaniyang newborn baby.
Sa isa pang lG post ay sinabi ni Kitkat na bagamat puyat at gutom dahil sa naging panganganak niya, worth it naman daw lahat ng ito. Dahil ngayon sa pagdating ng kaniyang baby Uno Asher ay kumpleto na ang buhay niya.
“’Yong super wala ka pang tulog kahit segundo at wala ka pang kain pero super all worth it! Kumpleto na talaga buhay ko sa maliit na pamilya ko.”
Dagdag pa niya, ngayon pa lang, alam niya namang mini me niya ang anak. At masayang-masaya siya na ipakilala ito sa mundo.
“Hello world daw sabi ng Baby Girl Uno Asher B. Favia ko. Definitely my mini me! Taas ng boses eh hahahaha pati kilay plakado!”
Ito ang sabi pa ni Kitkat.
Sa isa pang IG post ay may larawan ring ibinahagi si Kitkat sa kung saan makikitang nag-selfie sila ng mister niyang si Walby sa mismong moment na inilabas ang anak niyang si Baby Uno Asher sa kaniyang tiyan. Ang mga new parents halatang walang katumbas ang saya na makita ang anak nila sa unang pagkakataon.
“And we are 3! Super Proud and Happy and Overwhelmed and crying Parents of baby girl Uno Asher. Thank YOU SO MUCH, PAPA GOD.”
Ito ang caption pa ng post ni Kitkat.
Larawan mula sa Facebook account ni Kitkat
Samantala, ang celebrity friends ni Kitkat hindi pinalampas syempre ang pagkakataon na batiin ang komedyante sa bagong milestone na ito sa kaniyang buhay.
mellyricks09: Congratulations ate kit and walby!!! Hello and welcome to the world baby uno asher!
Karanasan ni Kitkat sa pagbubuntis
Larawan mula sa Facebook account ni Kitkat
Mismong araw ng Valentines Day ngayong taon ng ianunsyo ni Kitkat na siya ay nagdadalang-tao. Kuwento pa niya, Nobyembre pa ng nakaraang taon nang malaman nila ng mister na si Walby na buntis siya. Pero pinili niya munang isikreto ito sa likod ng maluluwag na damit.
“Oha walang nakapansin ano, I’ve been pregnant since November and super blessing tlaga at ‘di kami maselan ni baby. Siguro nagtataka lang kayo bakit lagi maluwag ang mga damit ko sa mga tv appearances ko at lagi naka rubber shoes hehe!”
Labis rin siya nagpapasalamat sa super blessing na ito na itinuturing niya at sa hindi maselang pagbubuntis na kaniyang naranasan.
“Well, minu-minuto nagpapasalamat kami kay Papa God sa napakalaki at life changing blessing na ito. Pati milagro ay ipinagpapasalamat namin na lahat ng anxieties ko, migraine with aura, vertigo, acid reflux, hypertension, asthma at kung ano ano pa ay ‘di ko talaga nararamdaman simula ng nagbuntis ako!”
Ito ang sabi pa ni Kitkat tungkol sa naging karanasan niya sa pagbubuntis sa una niyang anak.
View this post on Instagram
Minsan naring ipinaliwanag ni Kitkat ang dahilan sa likod ng pangalan na napili para sa kaniyang baby. Kuwento niya one month palang siyang buntis ay may naisip na silang pangalan para dito. Dahil hindi pa alam ang gender ni baby, mapa-babae man ito o lalaki ay ang ang pangalang “Asher” ang napili nilang pangalan na ibigay dito.
“ASHER from the bible means ‘THE LUCKY ONE, BLESSED and The HAPPY ONE’ Girl man or boy, ‘yan na talaga ang name. One month pa lang ako, may name na talaga siya.”
Ito ang sabi ni Kitkat tungkol sa kuwento sa likod ng pangalan ng kaniyang baby girl.
Sa isa paring IG post noong February 14 na kung saan tampok ang ultrasound ng kaniyang baby na ipinagbubuntis palang niya noon, nagbigay na ng mensahe si Kitkat sa anak.
“I look forward to our quiet nights alone.
I look forward to your mini fingers and toes.
And I look forward to your blinking eyes.
I look forward to all the ways you will be just like your Daddy Walby.
But I especially look forward to learning about all the things that make you uniquely YOU. We love you baby. We can’t wait to see you.”
Ito pa ang sabi ni Kitkat noon.
Ngayon niya ay napakasaya ng komedyante na nakita niya na sa wakas ang kaniyang baby.
Congrats Kitkat!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
TAP Picks
Rewards
