Korina Sanchez, nagpa-freeze na ng embryos bago pa man ikinasal
Korina Sanchez ibinahagi ang saya at pasasalamat sa pagdating ng kaniyang twins sa buhay niya.
Korina Sanchez excited na nagbigay patikim sa kuwento ng kaniyang nanay journey sa programa niyang Rated K.
Image screenshot from Korina Sanchez Instagram account
Ayon nga sa teaser ng kaniyang nanay journey ay sinabi ni Korina Sanchez na hindi niya akalain na sa tagal ng kaniyang karera sa pagbabalita ay magkakaanak pa siya.
Sigurado daw ay nagulat ang lahat sa pagdating ng kaniyang “two little twin angels” na sina Pepe at Pilar.
Kaya naman para mas maliwanagan ang lahat sa nakakagulat na milestone na ito sa kaniyang buhay ay ikukwento ni Korina sa kaniyang programa kung ano at paano ang pinagdaanan niya at ng kaniyang baby twins.
Magsisimula daw ito sa panahon ng pagbuo nila ng baby project ng asawang si Mar Roxas. Pati na ang baby shower at ang pamimili ng mga gamit ng baby na sobra daw talagang exciting.
Kasama rin daw sa special feature na ito sa kaniyang programang Rated K ang byahe nilang mag-asawa papunta sa mga anak nila sa US. Ang una niyang reaksyon ng makita at mahawakan niya ang kambal niyang sina Pepe at Pilar. Ang eksena sa loob ng kanilang bahay habang inaalagaan ang mga twins at syempre ang katuparan ng kaniyang mga pangarap na maging mommy.
Mula nga sa mga patikim videos at pictures ay makikita kung gaano kasaya si Korina Sanchez habang pinapadede, pinapadighay at pinapalitan ng lampin ang kaniyang mga baby.
Dapat nga din daw abangan ang first pictorial ng kaniyang mga angels at marami pang unforgettable moments ng kaniyang pagiging ina.
Iisa-isahin niya daw ibahagi ito sa susunod na mga linggo sa kaniyang programa na kung saan very excited na siyang i-share ang katuparan ng pangarap niyang maging isang ina.
Korina Sanchez nanay journey
Sa isang exclusive interview ng Philippine Star sa 54 years old veteran journalist na si Korina Sanchez ay sinabi nito na isa daw milagro ang pagdating ng kambal na sina Pepe at Pilar sa buhay niya.
Dagdag pa niya ay gustung-gusto niya daw talagang maging ina dahil love niya ang mga bata. Pero dahil sa sobrang busy niya sa kaniyang career ay hindi niya ito agad nabigyan ng katuparan.
Ang akala niya nga ay hindi na ito mangyayari.
Pinagplanuhan daw nila ito ng kaniyang asawang si Mar Roxas ilang taon na ang nakalipas.
Sinimulan daw nila ang baby project na ito noong hindi pa sila kasal. Nauna na daw nilang pinagdesisyunan na ipafreeze ang embryos nila bago pa nga daw tuluyang huminto ang pagpitik ng oras para sa kanila.
Naging matagal naman ang pagdedesisyon nila sa kung kailan na sila ready na maging isang pamilya. Ilang taon rin ang lumipas bago sila nakapag-isip sa tamang oras na ito dahil sa pareho silang busy sa kanilang mga career.
At noong 2016 ang naging simula ng mga best life adventures nila ni Mar Roxas ng maisipan nilang isakatuparan na ang baby project nila.
Maliban nga daw sa siyensa ay naging malaking tulong rin ang prayers at novenas para maisakatuparan ang pangarap niya na ito.
Lagi nga daw ipinagdadasal ni Korina noon sa Diyos na sana ay protektahan ang frozen embryos niya noong hindi pa sila ready na simulan ang kanilang baby project.
Kahit nga daw brown-out ay hinihiling niyang huwag mangyari para lang hindi mawala ang pag-asa niyang magkaanak, pabirong sabi ni Korina.
Sa tulong nga din daw ng mga professionals sa ibang bansa ay nasimulan at naayos nila sa wakas ang kanilang baby project.
Sa una nga daw ay sinubukan nilang gawin ito sa India ngunit napakabagal raw ng proseso doon. Hanggang inirekumenda sa kanila ng isang kaibigan ang isang grupo sa US na may magandang experience sa surrogacy na naging paraan para magkaanak siya.
Napakaswerte nga din daw nila sa napili nilang surrogate mother na dinescribe niyang intelligent, compassionate, kind at very responsible.
Korina Sanchez life with her twins
Nang malaman niya namang fraternal twins ang baby nila ni Mar ay sobrang natuwa ito dahil daw one time, big time at kumpleto na agad ang family niya.
Image screenshot from Rated K video
Sa pagpadede ng kaniyang twins ay pinapasalamatan parin ni Korina ang technology. Mabuti daw at mayroong kumpanya sa US na nagsusupply ng mother’s milk kaya naman exclusively breast milk ang gatas ng kaniyang mga baby. Para daw masigurong healthy, strong at may resistance laban sa infections ang kambal niya.
Ngayon nga daw na si Korina ay isang mommy na ay magkahalong feelings ng uncertainty, worry at anxiety ang nararamdaman niya. Dahil iniisip niya na baka magkaroon ng pagkakamali na makaapekto sa future ng mga baby niya.
Heaven nga daw ang pagdating ng kaniyang two little angels na tila nag-renew ng kaniyang energy at nagsimula siyang makaramdam na para siyang bumata.
Sabi pa ni Korina ay parang mabubuhay siya ng hanggang 120 years old dahil sa twins niya.
Sa ngayon ay nasa US parin si Korina kasama ang kaniyang kambal na anak.
Hinihintay lang nilang maayos ang papeles ng mga ito bago sila tuluyang bumalik sa Manila, na perfect din habang nagpapalakas pa ang mga baby niya para sa mahabang biyahe pabalik.
Hindi nga maitago sa ningning ng mga mata ni Korina Sanchez ang malaking pagbabago na ibinigay ng kaniyang twins sa buhay niya na ika niya nga ay katuparan ng pangarap niyang maging isang ina.
Sources: Philstar, ABS-CBN News
Basahin: LOOK: Korina Sanchez reveals photos and names of her twins