Inulan ng pambabatikos ang social media star na si Sondos Alqattan matapos itong magpahayag na hindi dapat bigyan ng day off ang mga Kuwait OFW na nagtratrabaho bilang domestic helpers. Dagdag pa nito na hindi rin siya sang-ayon sa patakaran na hindi puwedeng kunin ang passport ng mga ito.
Noong Mayo, nagkaroon ng memorandum of agreement (MOA) sa pagitan ng Pilipinas at Kuwait na nagbibigay ng proteksyon sa mga kababayan nating nagtratrabaho doon. Ilan sa napagkasunduan ay ang:
- Pagbibigay ng pabahay, pagkain, damit, at health insurance ng employer
- Hindi puwedeng kumpiskahin ang mga pasaporte ng empleyado
- Payagan na gumamit ng telepono ang mga empleyado
- Kailangan tulungan ng employer na magbukas ng bank account ang kanilang empleyado
- Hindi maaaring ilipat ng empleyo ang empleyado ng walang pahintulot ng empleyado
- Pagsunod sa napagkasunduang sweldo ayon sa kontrata
A post shared by Sondos Alqattan سندس القطان (@sondos_aq) on
“The new laws that have been passed are pathetic,” komento ni Sondos sa isang video post sa kaniyang Instagram. “Honestly, I disagree.”
Ipinaliwanag ng Kuwaiti blogger na kung papayagan na magkaroon ng day off ang mga Pinoy domestic helpers ng isang araw kada linggo, apat na araw daw itong hindi makakapagtrabaho sa isang buwan.
“Those are the days that she’ll be out. And we don’t know what she’ll be doing on those days, with her passport on her.”
Dagdag pa niya, “How can you have a servant at home who gets to keep their passport with them? If they ran away and went back to their country, who’ll refund me? I don’t want a Filipino maid anymore.”
Matapos niyang i-post ang kaniyang saloobin tungkol sa MOA, marami ang pumuna sa social media star at “pinaratangan” itong racist. Binura na ni Sondos ang kaniyang post.
Paglilinaw
Kanina lamang ay nag-issue ito ng statement gamit ang kaniyang Instagram account tungkol sa kaniyang kontrobersiyal niyang mga pahayag laban sa mga Kuwait OFW.
Diin niya na para sa kapakanan ng employer kung bakit niya hinihiling na manatili ang pasaporte sa employer at hindi sa empleyado. Wala raw itong kinalaman sa race o nationality ng empleyado.
Sinabi rin nito na bilang employer, pareho daw sila ng tinitirahan at kinakain ng kaniyang mga empleyado. Hindi rin daw niya pinagtratrabaho ng “long working hours” ang mga nasa kaniyang empleyo at binibigyan niya ang mga ito ng “resting hours.”
Paliwanag pa niya na iba raw ang trabaho ng domestic helper sa trabaho ng mga nasa business o opisina. Marami naman daw mga employer ang hindi nagbibigay ng day off kahit nakasaad ito sa kontrata.
“I have not. on any circumstances in the present or the past. have mistreated. degraded or in any way mistreated an employee of mine. And for that I consider all employees as equal human being with equal rights to that is mine.”
Dagdag pa nito na lahat tayo ay tao lamang na nagkakamali rin. Dinepensahan din niya ang kaniyang sarili at sinabing huwag sana siyang i-judge dahil sa kaniyang mga pahayag.
“I want to take the opportunity to thank all of those who said ‘beautiful from the outside but not necessarily the same from the inside.’ Thank you for stating that I’m beautiful from the outside. and assure you that only when you meet me up close and personal that you can make a personal judgment about me as a human being or a person.”
“The fact about having the passport of an employee in the possession of the employer does not in anyway give an indication about a human being. For that you can only ask each worker at a time.”
A post shared by Sondos Alqattan سندس القطان (@sondos_aq) on
SOURCE: Rappler, The Independent
Also read: Tips on surviving a weekend without your helper
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
