Narito ang kwento ng isang guro sa kaniyang propesyon at dedikasyon sa pagiging pangalawang ina ng kaniyang mga estudyante.
Mababasa dito ang sumusunod:
- Kwento ng isang guro sa kaniyang propesyon.
- Most fulfilling part ng pagiging isang guro.
- Pagmamahal sa propesyon.
Kwento ng isang guro sa kaniyang propesyon
Sila ang tinatawag nating pangalawang magulang. Dahil maliban sa ating bahay habang lumalaki ang isang bata ay kailangan niyang pumasok sa eskwelahan at doon linangin ang kaniyang kaalaman. Hindi lang sa pagsusulat at pagbabasa kung hindi para narin ihanda siya sa kung anong mundo ang haharapin niya sa oras na siya ay nasa tamang edad na.
Para sa gurong si Wilma-Cabrera Garrote, ito ang tungkulin na mahirap man ay labis niyang ikinasasaya. Dahil sa loob ng pagtuturo niya sa loob ng 32 taon, naging parte na ng buhay niya ang kaniyang mga estudyante. Pati na ang bawat hakbang nila sa tagumpay at pagtupad ng mga pangarap nila na parang sarili niyang anak.
“I am happy handling kids and imparting not just knowledge to them but values that would help them in their day to day living. When I am at home my role is as a mother but when I’m in school I am the second parent of my students. Loving and guiding them as my children.”
Ito ang sabi pa ni Maam Wilma na kasalukuyang nagtuturo sa isang eskwelahan sa Meycauayan, Bulacan.
Most fulfilling part ng pagiging isang guro
Larawan mula sa Facebook account ni Wilma-Cabrera Garrote
Kung mayroon nga daw fulfilling part ng pagiging isang guro ayon kay Maam Wilma, ito ay ang maalala siya ng kaniyang mga estudyante. Lalo na sa mga panahong naabot na nila ang pinapangarap nila.
“Kapag may natutunan sila sa akin at babalikan ako saying thank you mam at dahil sayo narating ko kung ano meron ako ngayon. At dahil sa pagdidisiplina mo natuto po ako sa inyo.”
Ito ang kwento pa ni Maam Wilma.
Pagmamahal sa propesyon
Marami mang naging challenges sa buhay niya bilang isang guro ay hinding-hindi niya daw pagpapalit ang propesyon. Susubukin rin nito ang iyong pasensya pero tulad ng ginagawa niyang pag-aalaga sa kaniyang 15-taong-gulang na anak, balak niyang magturo hanggang kaya pa ng kaniyang katawan. Kaya naman kung may isang hiling siya, ito ay ang mas maging malakas pa.
“Hanggang kaya ko pa I will teach. I am 54 years old already. But I love teaching mahirap mam pero masaya akong nakakapagbigay ng knowledge at wisdom sa mga bata. I always ask the Lord to bless me with good health and to stay with me every day. Para magampanan ko ng maayos ang aking pagtuturo at mabigyan pa ako ng lakas at maraming patience.”
Kung may mensahe nga daw na iiwan si Maam Wilma sa kaniyang mga estudyante, ito ay ang parehong mensahe na lagi niya ring sinasabi sa kaniyang anak.
“Sa mga bata and to my daughter, mag-aral kayong mabuti. Education is a lifelong process but this will help your life success. Ito lang ang maipapamana namin mga magulang sa inyo that no one can get from you. Learn and study wisely but enjoy your life too.”
Ito ang sabi pa ni Maam Wilma.
Larawan mula sa Facebook account ni Wilma-Cabrera Garrote
Saludo kami sayo Maam Wilma at sa lahat ng guro pa.
Happy National Teachers Month!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
