Isang pamilya ang nagbayad umano sa lipat bahay service upang matulungan sila sa paglilipat ng kanilang mga gamit mula Maynila patungong Mindanao. Pero ang service na ito, modus lang pala!
Lipat bahay service modus pala! Tinangay ang gamit ng biktima
Ayon sa report ng TV Patrol, tatlong suspek ang nahuli ng National Bureau of Investigation – Cybercrime Division kamakailan. Ang mga ito raw ay nagpanggap na lipat bahay service.
Sa panayam ng ABS-CBN sa biktima, kinuwento nito na hahakutin sana ang kanilang mga gamit mula Maynila patungong Mindanao. Kaya naman kinailangan nila ng serbisyo ng lipat-bahay service.
Nagbayad umano ang mga ito ng P80,000 para sa paghahakot ng mga gamit. Pero ang mga hinakot ng mga ito ay hindi nakarating sa dapat na destinasyon. Dagdag pa rito, hindi na nagpakita pa sa mga biktima ang mga suspek.
“Compared sa ibang trucking mas mura talaga siya. At tsaka, nagtiwala kami kasi recommended ng pinsan e. After a week, nag-deactivate na siya sa Facebook, kung saan naming siya naka-transaction. Doon na kami kinutuban,” kwento ng biktima sa interview ng ABS-CBN News.
Samantala, natunton ng NBI Cybercrime Division ang truck ng mga suspek sa Tondo, Maynila.
Nang buksan ng mga awtoridad ang truck, tumambad ang mga gamit ng biktima. Habang ang iba pa umanong gamit na ninakaw ng mga ito ay nakatambak sa isang storage area.
Nahuli man ay itinaggi pa rin ng mga suspek ang alegasyon na modus lamang ang kanilang lipat bahay service.
Saad ng suspek sa interview ng ABS-CBN, “Samin ma’am dinideliver naming Kahit matagalan. Hindi naman kami nangmo-modus ma’am. ‘Yang mga gamit na ‘yan, 28 lang ata ma’am. Wala e, wala kaming ibang mahanap na pandagdag pambyahe.”
Kulong sa kasong theft, estafa, at computer-related forgery ang tatlong suspek.
Ayon sa NBI, kasama na rin daw sa modus na ito ng grupo ang pagkuha ng serbisyo ng mga kilalang transport service para mapaniwala ang mga biktima na lehitimo ang kanilang business.
Kaya naman, payo ng NBI na dapat na maging mapanuri kung makikipagtransaksyon lalo na sa online o internet.
“Para sa ating mga kababayan, before you engage in a transaction, especially online transaction, i-validate niyo muna. I-verify niyo: May opisina ba ‘yang kausap niyo na pwede niyong balikan, pwede niyong puntahan kung sakaling may problema. ‘Yung kausap niyo ba, totoo ba yung identity na ipinapakita.”
ABS-CBN News
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
Rewards
