Masyado na kasi tayong na busy at minsan hindi na tayo nagkakapag-ayos, minsan nasasabi natin sa sarili natin na losyang na misis na ata tayo, I feel you, mommies. Nakakasakit din ng damdamin na masabihan ng minsan, lalo na ng mga taong malalapit sa atin.
Hindi talaga madali ang mag-alaga ng pamilya samahan pa ng mga sandamakmak na gawaing-bahay sa araw-araw.
Bonus na lang talaga na maisipan pang magpaganda. Pero aminin natin na nakakadagdag sa bagahe natin as mommies ang emotional stress lalo na kung napunu tayo ng insecurities.
In reality, hindi naman burden ang mag-ayos tayo ng sarili. Sa katunayan mas nakakaboost pa ito ng self-esteem. Kaya kailangan nating mai-address ng maayos kung saang banda ba tayo nagkulang? Nakakasakit din kaya ng damdamin na masabihan ng lusyang.
Kaya alamin natin ang mga bagay na nakakapagpa-l0syang sa atin.
Larawan mula sa Shutterstock
7 na habits na ginawa natin kaya nagiging losyang na misis tayo
1. Wala tayong motivation
Lagi kasi natin tinitignan kung ano ang pangit sa atin, kaya hindi tayo motivated na magpaganda. Hinahayaan na lang na mukhang zombie ang itsura.
Basagin ang ideyang yan. Huwag magpadala sa nakikita. Tandaan na sa sarili magsisimula ang pagmamahal at pag aalaga. Kung naibibigay natin ‘yan ng tama sa ating sarili, maibibigay rin natin ‘yan sa ating pamilya.
2. Wala na tayong confidence
Binabase kasi natin sa laki ng katawan ang pagiging maalindog. Iyon bang balingkinitan lang ang may karapatan magsuot ng halter dress. Hubarin ang ganyang paniniwala.
Chubby man tayo, suotin natin lahat ng damit kung saan tayo komportable. ‘Di kailangan makiuso, huwag piliting mag crop top kung ‘di natin kayang panindigan, dahil mas blooming sa paningin ang babaeng may kumpiyansa at marunong magdala sa sa Balingkinitan man o Chubby.
Masakit masabihan ng losyang na misis. | Larawan mula sa Shutterstock
BASAHIN:
Reinanay Julianne as a SAHM: “Ako lang ng ako—hanggang nalosyang na ako.”
Mom confession: “Feeling ko sobrang losyang ko na.”
“Hindi ako LOSYANG—mas inuuna ko lang ang anak ko kaysa sarili ko”
3. Mababang self-esteem
Minsan ay naiimpluwensyahan tayo ng mga nakikita natin sa social media. Bumababa na ang ating self-esteem dahil sa pagkokompara ng ating sarili sa mga magagandang mommies sa IG, FB, Tiktok and the likes.
Kaya ayaw na nating mag effort na pagandahin ang sarili, dahil iniisip natin na hindi ma-achieve ang gandang artista kahit anong gawin. I-deactivate natin ang ganyang kaisipan.
Unique ang bawat beauty nating mga mommies. Hindi kailangan na kamukha mo si Gal Gadot para may karapatan kang mag-ayos. Love your own face and prettiness. Maraming skin and beauty care para mag-bloom ang gandang hindi inaakala.
Larawan mula sa Shutterstock
4. Hindi na tayo nagbibigay ng oras para sa ating self-care
Lagi tayong walang oras sa ‘me time’ kulang tayo sa pahinga parati. Tinitignan lang natin ang ating mga relo kung tanghali na ba o takip-silim. Mas priority kasi natin na tapusin lahat ng makitang gawain sa bahay bahala na kung walang pahinga.
Kahit imposibleng matapos pinipilit pa rin kaya ang ending para ng lantang gulay. Ayaw nang maligo dahil mas gusto ng matulog at maaga na naman gigising kinabukasan at magpapagod na ama sa araw.
Itigil natin ang ganyang routine dahil ikamamatay natin yan ng maaga. Hatiin ang gawaing bahay dahil hindi naman mauubos ang bukas.
5. Wala tayong leisure time
Grocery store lang kasi ang alam puntahan ng mga sapatos natin. Kailangan din natin magliwaliw para maginhawaan naman ang mga katawan sa dami ng ating ginagawa.
Para maging magaan din ang ating isipan na punong-puno ng mga problema. Kahit problema ng kapit-bahay iniisip pa. Nakakatulong ang paminsang-minsan unwind.
Nakakatanggal ng stress hormones na nagpapatanda sa itsura natin. Apakan ang mga alalahanin natin sa buhay. Hindi tayo alipin ng sarili nating bahay.
6. Pag-deny natin sa ating personal needs
Masyado tayong nagtitipid na kahit 20 pesos na kojic soap ayaw pang bumili. Hindi naman luho na kahit minsan mapagbigyan natin ang ating sarili bumili ng mga beauty products. Marami namang mura na mabibili na hindi nakakasira ng mukha. Hindi lang puro pangangailangan sa bahay at mga anak.
Kailangan din natin ng kunting alaga ng mga skincare para naman attractive pa rin tayo sa paningin natin sa ating sarili at sa mga partners natin.
Larawan mula sa Shutterstock
7. Wala nang intimacy
Sa sobrang pagod wala na ring panahon sa pagkakaroon natin ng time sa ating mga asawa. Sa bawat kalabit ni mister ang reply palagi “Huwag ngayon. Pagod ako.”
Base sa mga study nakaka-blooming ang palagiang lovemaking ng mag-asawa, nagpo-produce kasi ito ng love hormones. Kaya mas lalo tayong nalolosyang dahil sinasakop na ng stress hormones ang ating katawan.
Mahalaga na tayong mga nanay kahit na marmaing ginagawa ay binibigyan natin ng panahon ang ating mga sarili. Paano natin maibibigay ang best natin sa mga roles natin bilang nanay at asawa kung hindi tayo masaya o confident sa ating sarili?
Kaya naman mahalaga na maglaan tayo ng oras sa ating selfcare. Maaaring humingi tayo ng tulong sa ating mga asawa o iba pang miyembro ng pamilya para alagaan muna ang ating mga anak. Sa ganun magkaroon tayo ng time sa sarili natin para makapag-unwind at makapag-refresh.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Shopping
Rewards
VIP Parents
