Malanding asawa, uso ngayon ayon sa isang pag-aaral.
Mababasa artikulong ito:
- Mga dahilan kung bakit may malanding asawa.
- Ano ang dapat mong gawin kung may malanding asawa ka.
STUDY: Talamak ang paglalandi online sa ngayon!
Lahat nga ng bagay sa ngayon ay online na. Pati nga pangloloko o cheating ay maaari ng gawin over the internet. Ayon nga sa isang pag-aaral, kumpara noon ay mas talamak ang online cheating sa ngayon.
Ito ang natuklasan ng isang YouGov survey na ginawa sa ilalim ng National Marriage Project ng University of Virginia at the School of Family Life sa Brigham Young University.
Sa katunayan, base sa ginawang pag-aaral, 65% ng mga millenial at Generation-X live-in partners o mag-asawa ang nagsabing ang sexting o online secret emotional relationship ay hindi isang malaking isyu para sa kanila.
Ito ay kung kukumpara sa 75% ng mga baby boomers o old adults na nagsabing ang mga nabanggit na activities ay problematic para sa isang relasyon.
Pagdating sa pagpa-follow o pakikipag-usap sa ex-partner online, 26% lang sa mga millenials ang itinuturing na red flag ito sa isang relasyon. Habang 56% ng mga old adults ang nagsabing hindi ito makakabuti sa relasyon.
Mas ginagawa nga umano ito ng mga live-in partners kumpara sa mga kasal na
Ang mga kasal na mag-asawa at live-in partners ay may halos magkaiba ring opinyon tungkol sa usaping ito. Nasa 84% kasi ng mag-asawa ang nag-aalala sa magiging epekto ng online activites na ito sa kanilang pagsasama.
Bahagyang mataas ito sa 77% lang ng mga babae at lalaking nagmula sa cohabiting relationship na nagsabing ang sexting at online secret emotional relationship ay isang banta sa kanilang relasyon.
Higit sa lahat natuklasan din ng pag-aaral, na ang mga online activities na ito mas mataas ang tiyansang gawin ng mga younger at cohabiting couples. Kumpara sa mga older couples na kasal na.
People photo created by yanalya - www.freepik.com
Bagama't alarming ang findings ng pag-aaral, lalo na sa mga couples sa ngayon, ayon sa mga social scientist ay may positive effect naman ito. Ito ay ang nababawasan nito ang posibilidad ng real world cheating na tinatawag ng mga scientist na phenomenon na kung tawagin ay “attractive alternatives”.
Pero bakit nga ba nagtsi-cheat ang isang babae o lalaki sa isang relasyon? Kung nahuli mo ang iyong partner o asawa na may kalandian online o sa real-world man, ito ang mga posible niyang dahilan.
Bakit nga ba nagtsi-cheat ang isang babae o lalaki sa isang relasyon?
Ayon sa isang 2017 study na nailathala sa The Journal of Sex Research, ito ang 7 dahilan kung bakit may malanding asawa o partner sa isang relasyon.
1. Anger or revenge.
Isa sa mga dahilan na natukoy ng pag-aaral na ginawa ng 495 na katao, ang isa mga dahilan kung bakit nagtsi-cheat ang isang babae o lalaki ay dahil sa galit o nais nilang makaganti. Ito ay masaring dahil sa niloko mo sila noon. O kaya naman ay galit sila o frustrated matapos ang naging pag-aaway ninyo.
2. Falling out of love.
Maaari ring kaya nagloloko ang isang babae at lalaki ay dahil ang inyong relasyon ay hindi na kasing sweet o intimate tulad ng dati. Kaya naman naghahanap siya ng ibang tao na muling magpaparamdam sa kaniya ng kilig.
3. Situational factors and opportunity.
Photo by RODNAE Productions from Pexels
Ang pagtsi-cheat o panloloko ay maaaring resulta rin ng situational factors at opportunity tulad ng kayo ay nasa isang long-distance relationships.
O kaya naman ay pakiramdam ng isa sa magkarelasyon na siya ay hindi enough sa kaniyang karelasyon. Kaya naman sa oras na may nagsabi sa kaniya na siya ay good-looking at kaakit-akit ay tumataas ang tingin niya sa kaniyang sarili habang nahuhulog ang loob sa taong nagsabing ito.
BASAHIN:
STUDY: Mga couples na sabay matulog, mas matatag ang relasyon
Pakikipagkaibigan sa ex, narito kung bakit hindi ito makakabuti sa isang relasyon
12 signs na ikaw ay nasa isang emotionally abusive na relasyon
4. Commitment issues.
Maaari ring may commitment issues ang isang babae o lalaki kung bakit ito nangangaliwa. Puwedeng wala siyang interes sa long-term at serious relationship at nais muna ang casual relationship sa ngayon.
5. Unmet needs.
Bilang isang tao ay may iba-iba tayong gusto o pangangailangan. Sa oras na hindi nga napagbigyan ng ating asawa o partner ang gusto o pangangailangan nating ito ay may tendency na hanapin natin ito sa ibang tao.
Ito ang isa mga dahilan kung bakit may nangangaliwa sa isang relasyon. Ito ay maaaring dahil mayroon kayong magkaibang sex drive. O kaya naman ay wala kang sapat na oras at atensyon sa iyong asawa.
6. Sexual desire.
Mahalaga ang pakikipagtalik sa pagsasama. Ang pagkawala nito ay maaaring labis na makaapekto sa relasyon. Sapagkat sa oras na hindi ito maibigay ng isa sa magkarelasyon ay mataas ang tiyansang hanapin ito ng partner o asawa niya sa iba.
7. Low self-esteem.
Isa rin sa posibleng dahilan kung bakit nagtsi-cheat ang isang babae at lalaki ay maaaring dahil nais nilang madagdagan ang confidence nila sa sarili. Sapagkat the more na may nagkakagusto sa kanila o the more na may karelasyon silang iba ay mas nararamdaman nilang gwapo o maganda sila. Bilang resulta mas tumataas ang self-confidence at self-esteem nila.
Ano ang iyong dapat gawin?
Photo by RODNAE Productions from Pexels
Ngayon alam mo na kung bakit may malanding asawa o bakit may nag-checheat o ngangaliwa sa isang relasyon, narito ang mga dapat mong gawin:
- Kausapin ang iyong partner tungkol sa insidente. Tanungin siya kung bakit niya ito nagawa. Mas mainam na iwasang alamin ang maliliit na detalye ng kaniyang panloloko para hindi ka na masyadong masaktan pa.
- Sa inyong pag-uusap ay tanungin siya kung gusto niyang ituloy pa ang inyong relasyon. Sapagkat madalas kaya nagloloko ang isang babae at lalaki ay dahil hindi na siya masaya at nais makipaghiwalay na.
- Pero maliban sa pagtatanong sa iyong partner ay tanungin din ang iyong sarili kung nais mo pa bang ituloy ang inyong relasyon. Maliban kasi sa kaniya ay dapat mo ring pahalagahan ang iyong nadarama. Dapat mo ring tanungin ang iyong sarili kung handa ka bang muli na pagkatiwalaan siya.
- Tanungin din ang iyong sarili, mahal mo pa ba talaga iyong partner? Gusto mo pa bang ayusin ang inyong relasyon? Kung pakiramdam mo ay mahihirapan ka ng magtiwala pa mas mabuting pag-isipan ito ng mabuti na.
- Kung nais na masagip ang inyong relasyon, makakatulong na makipagusap sa isang counselor. Sapagkat sa tulong niya kayo ay mapapayuhan at mabibigyan ng therapy para mas maging responsable kayo sa inyong relasyon. Kung paano ninyo mahahandle ng maayos ang inyong mga emosyon.
Source: