Dingdong Dantes super proud sa misis na si Marian Rivera bilang judge sa ginanap na Miss Universe competition.
Mababasa sa artikulong ito:
- Marian Rivera bilang judge sa ginanap na Miss Universe 2021 competition.
- Paano sinuportahan ni Dingdong Dantes ang misis na si Marian Rivera sa pagiging judge nito sa ginanap na Miss Universe 2021 competition.
Marian Rivera bilang judge sa ginanap na Miss Universe 2021 competition
Ngayong taon ay hindi lang isang Pilipina ang sinuportahan ng mamayang Pilipino sa ginanap na Miss Universe 2021 pageant. Dahil maliban sa pambato ng ating bansa na si Beatrice Luigi Gomez na nakapasok sa top 5 ng kompetisyon ay naimbitahan rin ang aktres na si Marian Rivera na maging isa sa mga judges ng isinagawang beauty pageant.
Kaya naman ang mga Pilipino ay super proud sa gandang Pinay na talaga namang hinahangaan at tinitingala sa buong mundo.
Si Marian ay ipinakilala ng Miss Universe host na si Steve Harvey bilang isang recording artist at award-winning film at television star sa Pilipinas.
Sa ginawang introduction palang kay Marian ay nagniningning na ito sa ganda. Ang gandang ito ni Marian ay napansin rin ng kapwa niya judge sa ginanap na Miss Universe pageant.
Tulad na lang ng Bollywood star na si Urvashi Rautela na tinawag si Marian na kaniyang new found friend at nago-glow daw sa kagandahan.
“She glows. She glows just like the sun!”
Ito ang na-amaze na pagpapakilala at pagsasalarawan ni Rautela kay Marian. Sa sobrang giliw nga nito kay Marian ay napaindak ito sa isa sa mga hit singles ni Marian na “Sabay Sabay Tayo.”
Dingdong Dantes super proud sa misis na si Marin Rivera
Pero kung may isang Pilipino ang labis-labis ang pagiging proud sa pagiging parte ni Marian sa ginanap na beauty pageant, ito ay walang iba kung hindi ang mister niya at aktor na si Dingdong Dantes.
Maliban sa pagsama niya kay Marian sa naturang kompetisyon sa Israel ay ibinahagi ni Dingdong sa isa sa kaniyang Instagram post na hindi niya alintanang maging water boy ni Marian sa ginanap na event.
“I don’t mind being this judge’s Water Boy during tonight’s preliminary event.”
Ito ang proud na post ni Dingdong tungkol sa misis kalakip ang larawan nito.
Image screenshot from Dingdong Dantes Instagram account
Maliban dito, nagbibigay rin ng update si Dong sa kaniyang Instagram account tungkol sa mga activities na ginagawa ni Marian kaugnay parin sa ginanap na kompetisyon. Siyempre sa bawat post niyang ito ay hindi mawawala ang mga katagang proud siya sa naging achievement ng kaniyang misis.
“Enjoying the beautiful view here in Eilat while doing her due diligence to prepare for the big day as part of the Miss Universe Selection Committee.
I’m proud of you @marianrivera”
Ito ang isa pa sa mga post ni Dingdong tungkol sa misis niyang si Marian Rivera at sa ginanap na Miss Universe 2021 pageant.
Image screenshot from Dingdong Dantes Instagram account
Reaksyon ng mga netizens
Ang post na ito ni Dingdong tungkol kay Marian ay umantig sa puso ng mga netizens. Sila ay napa-sana all nalang sa kilig.
“Sweet ni daddy dong. Sana all may dingdong tulad ni queen marian.”
“Always the supportive husband! ”
“always the supportive one, i need a dingdong in my life.”
Pero bago pa man ang mga post na ito, isang linggo bago ang ginanap na pageant ay hayagang sinabi at pinagmalaki ni Dingdong na si Marian ang Miss Universe ng buhay niya’
“Sabi nga ng bandang Hotdog, “Malinaw na malinaw, ngayon at ano mang araw, ikaw ang Miss Universe ng buhay ko.” Naaaaks!😉
Always proud of you, @marianrivera!”
Ito ang post pa ni Dingdong Dantes tungkol sa misis na si Marian Rivera.
Image screenshot from Dingdong Dantes Instagram account
BASAHIN:
Marian Rivera wala umanong pinagbabawal na pagkain sa anak na si Zia
Rachel Peters, from Miss Universe to having “the greatest honour of being this girl’s mum”
LOOK: Anak ni Dingdong at Marian na si Zia, ipinagdiwang ang 6th birthday
Miss Universe experience ni Marian Rivera
Samantala, hindi rin pinalampas ni Marian na magbahagi ng updates tungkol sa naging Miss Universe experience niya. Ito ay isinagawa ng aktres sa kaniyang Instagram account.
Siyempre ay nagpasalamat rin siya sa mga tumulong sa kaniyang maging memorable ang experience niyang ito.
“Honored to be part of the 70th @missuniverse selection committee. Truly a great experience I’ll never forget. Thank you for the wonderful time ladies and congratulations to all of you”
“Of course to the #MarianxMissU team, Love you all! Thanks for joining me in this memorable trip. Here’s to making more memories together!”
Ang isa sa bahagi ng team na tinutukoy ni Marian ay syempre ang mister niyang si Dingdong. Ito ay very low-key lang habang todo suporta sa misis niya.
We are proud of you our one and only Marian Rivera!