Mariel Padilla, sinagot ang netizen na nagsabi na nakakalungkot na babae ulit ang kaniyang ipinagbubuntis

Mariel Padilla hindi napigilang sagutin ang isang netizen na nag-komento tungkol sa gender ng 2^nd baby niya.

Update sa pagbubuntis ni Mariel Padilla

Sa pamamagitan ng isang Instagram post ay nagbigay ng update si Mariel Padilla sa kaniyang pagbubuntis. Dahil siya ay 39 weeks pregnant na anytime soon ay ipapanganak niya na ang pangalawang anak nila ng aktor na si Robin Padilla. Ang napili nga nilang pangalan sa kanilang 2^nd baby girl ay Gabriela.

Ngunit, tila may isang netizen ang hindi happy na isang girl ulit ang pangalawang baby ni Mariel. Ito ay dahil sa komento nito sa Instagram post ng TV host.

Sabi ng netizen: “Ay girl ulit sad naman”

Hindi naman ito pinalampas ni Mariel at deretsahang sinagot ang komento ng netizen.

Mariel Padilla: “How the hell could another sweet baby girl be sad?”

Agad namang nagpaliwanag ang netizen na mali ang iniisip ni Mariel at kailangan lang nitong kumalma.

Netizen: “It’s not what you think. Yeah, it’s angel, it’s a blessing. I thought it’s a boy. Calm down, Mariel, I’m a fan of your husband.”

Pero mukhang na-offend talaga si Mariel sa komento ng netizen at patuloy na itinatanong kung bakit sinabi nitong “sad” na girl ulit ang magiging baby niya.

Mariel Padilla: “So how is it sad?”

Sa puntong ito ay minabuti nalang ng netizen na hindi na mag-komento pa at sinabi nalang na “nevermind” o huwag nalang pansinin ang komento niya.

Reaksyon ng mga netizen

Ngunit, hindi lang pala si Mariel ang na-offend sa nasabing komento ng netizen. Dahil pati ang mga followers ni Mariel ay nagpahayag din ng kanilang saloobin na hindi dapat nagiging isyu ang gender ng isang baby.

Hindi naman na pinalaki at nagpaapekto si Mariel sa isyu. At sa halip ay masayang inaantay ang pagdating ng kaniyang baby girl #2 habang isineselebrate ang 3^rd birthday ng panganay niyang si Isabella.

Panganganak sa Amerika

Nito lamang Oktubre ay naging usap-usapan din sa social media ang pagbubuntis ni Mariel matapos siyang tawagin ng isang netizen na “birther.” Ito ay dahil sa pangalawang beses ay pinili nitong ipanganak ang pangalawang niyang baby sa US. Habang kini-claim daw ng kaniyang asawang si Robin Padilla na isa itong nationalistic.

Pinagtanggol naman ng aktor na si Robin Padilla ang asawa at sinabing si Mariel ay isang US citizen at may karapatan itong mamili kung saan niya gustong manganak.

“Wala kayong pakialam sa asawa ko dahil Amerikana siya at karapatan at kalayaan niya ang magpakasarap sa amerika at karapatan at kalayaan ko magpakamatay dito sa Pilipinas.”

Hindi daw ito maituturing na pagtataksil lalo na tulad niyang may dugong native American at bayaning Pilipino bilang siya ay apo ni Gabriela Silang ng Abra at Kapitan Pablo ng Nueva Ecija.

“Ang pagiging Filipino american ay hindi pagtataksil sa Inangbayan. Lalo na ang asawa ko ay US citizen at ako naman ay may lahing native American. Mas amerikano pa kami sa inyong pa inglis inglis at nakatira dyan sa estados unidos at mas pilipino pa kami sa kanino man dahil sa lola ko pa lang na si grabriela silang ng abra at sa lolo ko na kapitan pablo ng nueva ecija ay lumalangangoy na kami sa pag-ibig sa bayan na ito.”

Ngunit ano pa man ang isyung ipukol kay Mariel at Robin, hindi sila lubos na nagpapa-apekto dito. Bagkus, panay nga ang update ni Mariel sa kaniyang Youtube account tungkol sa kaniyang masayang paghahanda sa pagdating ni Baby Gabriela.

Panoorin ang video niya dito:

Source: ABS-CBN News
Photo: Nice Print Photography

Basahin:
Baking soda gender test sa mga buntis, accurate nga ba ang resulta?
3 paraan para makabuo ng baby girl o ng baby boy