Bilang mga magulang nais natin lagi na magkaroon ng masayang buhay ang ating mga anak. Kahit na bata pa lamang siya at nais na natin na maging masaya at ibigay ang lahat para sa kaniya.
Mababasa sa artikulo na ito:
- Paraan sa pagpapalaki ng masayang bata
- Tips sa mga magulang
- Benipisyo ng isang batang masayahin
Gusto nating hindi lamang siya maging masayang bata kundi isang batang may mapagmahal pati na sa kaniyang kapwa. Dagdag pa riyan gusto nais natin na maging matatag ang ating mga anak sa lahat ng mga pagsubok na kaniyang pagdadaanan sa kaniyang buhay.
Ayon kay Pam Allyn, Executive Director at founder ng LitWorld, isang non-profit organization, at LitLife, isang national organization na dedicited sa school improvement. Narito ang ilan umanong mga pamamaraan upang mapalaking masayahin ang ating mga anak. Upang magkaroon siya ng positibong out-look sa buhay.
10 paraan sa para malaki ang anak na masayahin
1. Basahan siya araw-araw
Larawan mula sa IStock
Makakatulong umano sa iyong anak ang pagbabasa sa kaniya. Katulad ng mga maikling kwento, balita, magazine, at iba pa. Sa pagbabasa sa kaniya araw-araw makakatulong itong ma-develop ang kaniyang literacy skills.
Saka ang inyong boses ay nagbibigay ng saya sa inyong mga anak. Kaya naman ang pagbabasa ay isang positibong gawain para sa kaniya. Ayon sa Melbourne Institute of Applied Economic and Social Research, na ang mga batang binabahasan ng malakas araw-araw ay mas ahead sa kaniyang mga kaedad na hindi binabasahan araw-araw.
Pwede niyo rin itong bonding moment ng inyong anak habang makatabi kayo.
2. Turuan siyang gumawa ng kaniyan inspiration journal
Tulungan ang iyong anak na magkaroon ng kaniyang inspiration journal. Kung saan pwede niyang isulat ang mga experience niya at mga daily inspirations, discoveries, at mga tanong niya. Huwag kalimutan na sabihan siya na ilagay ang concrete moments sa araw na iyon.
Halimbawa, sabihan siya ilagay na “Napakaganda ng dagat at nakita ko ang sunset”, o mga bagay na napansin niya kapag kayo ay umalis o nasa bahay.
Sa pagsusulat niya ng kaniya ng kaniyang mga karanasan ay mas magiging closer reader siya ng mundo. Dahil rito mas maa-appreciate niya ang mga small moments sa buhay niya. Matutunan niya rin na ang kaniyang mga sinabi at mga karanasan ay mahalaga.
3. Pagkanta kasama ang iyong anak
Huwag mag-aalala mommy kahit sintunado pa kayo at hindi niyo kasing galing na kumanta si Regine Velasquez o Sarah Geronimo ay ayos lang. Tandaan para sa inyong mga anak kayo ang pinakamagaling.
Ang pagkanta kasama ang iyong anak ay magbibigay ng ibang ligaya sa iyong anak. Para sa mga baby, ang lullabies, kanta at ryhmes ay nagbibigay ng lifelong literacy para sa kaniya. Pero para naman sa mga mas medyo matandang bata, ang mga kanta ay nag-i-introduce sa kaniya ng mga complex ideas at vocubulary.
Para sa lahat ng mga bata, ang mga kanta ay nagbibigay din ng tulong sa kanila sa pang-araw-araw na gawain. Pwede nila itong gamiting tool sa pagkabisa ng isang bagay. Katulad ng pag-memorize sa numbers. Ang mga kinakanta niyong dalawa ay madadala niyo sa mga susunod na henerasyon ng inyong pamilya. Maalala niya ito paglaki niya na mayroon siyang masayang buhay noong bata siya.
Larawan mula sa IStock
4. I-explore niyo ng iyong anak ang mundo
Magkaroon kayo ng weekly na bagong gawin. Para magkaroon siya ng bagong learning every week. Sa pamamagitan nito maipapakita mo sa iyong anak kung paano pinapahalagahan ang kaniyang curiousity at learning.
Isa rin itong magandang practice para sa inyong dalawa upang maka-relate lalo kayo sa isa’t isa dahil parehas kayong natututo at nag-ii-struggle.
Maaari kayong mag-enroll sa isang dance class, pottery class, singing class, gardening class at iba pa. Sa katagalan ang mga bagay na natutunan niyo ng parehas ng sabay ay isang bonding experience na hindi niyo malilimutan ng iyong anak. Madadala niya ito sa kaniyang paglaki at pag-uugnayin kayo ng experiences niyong dalawa kahit nasaan man kayo sa panig ng daigdig pagdating ng panahon.
5. Mag-create ng family mission statement
Isa ito sa mga magagandang opurtunidad para mag-dicuss niyo ang value niyo bilang isang pamilya. Sa pamamagitan nito mas magkakaroon kayo ng strong family narrative na makakatulong sa inyong anak sa pagdedesisyon niya sa buhay kapag siya’y independent na.
Gawing sentro ng exercise na ito ang pananaw at ideas ng inyong anak. Tanungin ang iyong anak kung paano niya ba gustong makita ng iba ang kaniyang pamilya. Tiyak na magkakaroon siya ng isang masayang buhay paglaki niya.
Magdesisyon din kayo kasama ang inyong anak kung paano niyo matutupad ang mission statement na ito.
BASAHIN:
Ang iyong maling pag-aakala sa tamang pagpapalaki ng iyong anak
6. Gumawa ng mga community at charity work kasama ang iyong anak
Ang pagbo-volunteer sa mga community outreach program bilang isang pamilya ay makakapagbigay ng ibang ligaya sa inyong anak. Dagdag pa riyan marami siyang matutunan.
Ang simpleng pagpapakain sa mga homeless o pagtulong sa paglilinis ng inyong barangay. Ang mga moment na ito ay magdudulot ng isang rich conversation sa inyong anak. Magtutunan niya ang lifetime commitments sa paglilingkod sa kaniyang community.
Parehas kayong makakaramdam ng fulfillment at ibang ligayang dalawa at isa itong indikasyon ng masayang buhay para sa inyo.
7. Magluto kayo kasama ang iyong anak
Napakahalaga ng pagkain, hindi lamang ito glue nakakapagpadikit sa ating pamilya kundi pinipilit din tayo nito na huminto muna sa ating ginagawa. Ang pagluluto ng inyong kakain kasama ang iyong anak ay makakapagbigay sa inyo ng bonding moment at chance na makipag-usap sa kaniya.
Larawan mula sa IStock
Gawin mo siyang assistant chef. Isa pa sa maganda sa practice na ito ay ang pagluluto ay isang tradisyon na mapapasama mo sa iyong anak, isa rin itong way para maiugnay mo ang iyong anak sa history ng inyong pamilya.
8. Maglinis kasama ang iyong anak
Gawing positibo ang kalat sa bahay dahil maaari itong isang memorable yet essential moment kasama ang iyong anak. Kaysa magalit sa dahil sa kalat sa bahay at nagkalat na laruan ng inyong mga anak. Maganda itong paraan upang maituro sa kaniya ang kahalagahan ng isang malinis na kapaligiran.
Gawin itong enjoyable para sa kaniya. Maituturo mo sa kaniya ang masayang dulot ng paglilinis sa kaniyang buhay. Mas magiging enjoyable ang paglilinis dahil galing din sa pure joy ang inyong lilinisin.
9. Magkaroon ng daily positive affirmations
Hindi biro ang paghahanap ng lugar ng inyong anak sa isang magulong mundo na tinitirhan natin. Kahit nga sa ating mga matatanda na minsan hindi natin alam kung saan ba tayo lulugar sa daigdig.
Tulungan ang iyong anak na maging positibo ang outlook sa buhay upang magkaroon siya ng masayang childhood. I-affirm ang kaniyang mga choices at desisyon sa buhay. Gabayan din ang inyong anak sa kaniyang mga desisyon na gagawin.
Maging open sa lahat ng mga idea ng inyong anak at i-allow siya na mag-isip at hayaan siyang magkwento sa at ipakita ang iyong suporta at paniniwala.
10. Ituro sa inyong anak ang pagkakaroon ng gratitude attitude
Ang pagiging grateful at pag-express ng ating gratitude ay nakakapagbigay talaga ng positbong pananaw sa ating at masayang buhay. Turuan ang iyong anak na mapagsalamat sa lahat ng bagay na mayroon siya kahit na ang mga bagay na hindi nahahawakan. Katulad nang pagtuturo na magpasalamat dahil nakakain siya ng masarap na pagkain.
Kaya naman mga mommy at daddy sana makatulong ang mga paraan na ito para mapalaki ang inyong mga anak ng masaya upang magakaroon siya ng masayang buhay paglaki niya.
Source: