LOOK: Mass wedding na naging 'masked' wedding ginanap sa Bacolod
Mass to masked wedding? Narito kung paano isinagawa ang pagpapakasal ng higit sa 200 na couples sa Bacolod sa kabila ng COVID-19 scare.
Masked wedding Philippines, ito ngayon ang bagong tawag sa sabayang pagpapakasal ng 220 couples sa Bacolod City. Dahil ang mga ikinasal maliban sa sabay-sabay ay pareho-parehong nakasuot ng mask ng ganapin ang seremonya ng kanilang pag-iisang dibdib.
Image from CNN
Mass to masked wedding Philippines
Ang mga mass wedding ay isa lamang sa mga programang inihahandog ng gobyerno ng Pilipinas para sa mga Pilipinong nag-iibigan ngunit walang kakayahang magpakasal. Dahil sa pamamagitan nito ay nagiging legal ang kanilang pagsasama ng libre at hindi na kailangang gumastos pa. Ang kinaibahan nga lang nito sa nakaugaliang kasal ng dalawang taong nagmamahalan, ay hindi ito esklusibo sa kanila lang. At kailangan nilang makisabay sa iba pang mag-partner na nais ring makuha ang basbas ng kasal.
Sa Bacolod ay itinuturing na ngang annual event ang mass wedding sa pamumuno ni Mayor Evelio Leonardia. Sa katunayan ay naitala sa lungsod ang pinakamalaking mass wedding na naganap sa Pilipinas. Ito ay noong 2013 na kung saan higit sa 2,000 mag-partner ang ikinasal.
Tulad ng mga nakaraang taon ay ginanap muli ang mass wedding sa Bacolod pagkatapos ng Valentine’s day. At ang seremonyas ay isinagawa sa lobby ng “most photographed” city hall ng Bacolod City. Ngunit ang mass wedding ngayong taon sa Bacolod ay espesyal. Dahil maliban sa maswerteng araw na isinagawa ito ayon sa astrology na February 20,2020, ay ang mga ikinasal ay nakasuot ng mask. Dahilan upang tawagin itong “masked wedding”.
“This is a mass wedding like no other because of its unique date. And for the first time ever couples have to wear masks as a precaution.”
Ito ang mensahe ni Mayor Evelio Leonilda sa ginanap na matrimonial rites ng masked wedding Philippines.
Pagsusuot ng mask bilang proteksyon laban sa COVID-19
Paliwanag ni Mayor Leonilda, ay isa lamang ito sa precautionary measures na kailangang isagawa upang matuloy ang mass wedding ngayong taon sa Bacolod. Ito ay dahil sa banta ng kumakalat na sakit ng COVID-19 o coronavirus disease. Wala pa mang nairereport na kaso ng sakit sa lungsod ay minabuti narin nilang makasigurado. At hiningi nila ang pahintulot ng Department of Heath sa pagsasagawa nito.
May travel at health checks rin
Dagdag pa nga ni Mayor Leonilda, hindi tulad ng nakaugaliang kasal ay may nadagdag din sa mga requirements na inihanda ng mga nagpakasal ngayong taon. Dahil maliban sa marriage license at iba pang requirements sa kasal, ay nagpasa rin ng kanilang travel history ang mga nagpakasal sa nakalipas na 14 days bago ang seremonyas.
Image from BBC News video
Sa aktwal na wedding event ay may mga health workers rin ang kumukuha ng temperature ng mga ikakasal na pumapasok sa venue. At ng sabihin na nga ang “kiss the bride” line ay hindi lang halik ang sumelyo sa ginagap na sabayang pag-iisang dibdib. Kung hindi pati narin ang mask na nagsilbing proteksyon ng mga nagpakasal mula sa kumakalat na sakit.
Kakaiba at kakatwa man kong titingnan ang ginanap na “Kasalan ng Bayan: 220 on 02-20-2020” sa Bacolod ay naging napakahalagang event naman ito sa mga nagpakasal. Tulad nalang para oldest couple sa ginanap na mass wedding na sina Rolly Glenn de la Cruz, 60, at Jennifer Mijares, 62. Dahil matapos ang 41 years na pagsasama at pagkakaroon ng dalawang anak ay ngayon lang nabasbasan ang pag-iibigan nila. Isa sa pangunahing layunin ng mass weddings na patibayin ang pundasyon ng bawat pamilya.
“A family starts with the couple. If we have a strong family, we have a strong society, and a strong city.”
Ito ang dagdag pang pahayag ni Bacolod Mayor Leonilda sa ginanap na masked wedding Philippines.
Image from Unsplash
COVID-19 sa Pilipinas
Sa ngayon ay patuloy na ipinapayo ng DOH sa mga Pilipino na mag-ingat sa pagkalat ng sakit sa bansa. Paulit-ulit paring pinaaalala na umiwas muna sa matataong lugar. O kung hindi man maiwasan ay mag-suot ng mask bilang proteksyon. Ugaliin rin ang paghuhugas ng kamay at panatilihing malusog ang pangangatawan. Sa oras na makaramdam ng sintomas ng COVID-19 tulad ng lagnat, ubo, sipon at sore throat ay magpatingin na agad sa doktor. Upang dumaan sa test at sumailalim na sa isolation. Hinihikayat rin ang sinumang nanggaling sa mga bansang may naiulat na kaso ng sakit na dumaan sa self-quarantine. Ito ay kailangang isagawa sa loob ng 14 araw. Ito ay upang masigurado na hindi na maihahawa ang sakit pa sa iba, kung sakaling sila ay infected na ng virus.
SOURCE: Manila Bulletin, PNA
Photo: PNA
