Celebrity mom na si Michelle Madrigal, naging emosyonal matapos maging ganap na US citizen.
Mababasa sa artikulong ito:
- Pagiging US citizen ni Michelle Madrigal.
- Michelle Madrigal ang her ex husband’s separation.
Michelle Madrigal ganap ng US citizen
Image from Michelle Madrigal’s Instagram account
“We did it! I am a US citizen!”
Ito ang masaya at naluluhang pag-anunsyo ng dating aktres na si Michelle Madrigal na ngayon ay isang ganap ng isang US citizen. Ang magandang balita ay ibinahagi ni Michelle sa kaniyang YouTube channel na umaming very emosyonal siya sa milestone na ito ng buhay niya.
Kuwento ni Michelle, isa sa numero unang dahilan ng pagiging emosyonal niya ay ang dahil wala siyang kasamang miyembro ng pamilya sa espesyal na moment na ito ng buhay niya.
“I just feel like special moment. Nalungkot lang ako kasi wala ang family ‘di ba? Just me.”
Ito ang sabi ni Michelle sa mismong araw ng oath taking niya bilang US citizen na ipinasilip niya sa kaniyang vlog.
Sabi pa ng naluluhang si Michelle, gustuhin man niyang makasama ang anak na si Anika ay may pasok ito noon sa school. Habang ang ina naman niya at kapatid na si Ehra Madrigal ay nasa ibang parte ng US at may trabaho.
“I am so emotional right now. I wish Anika was here. But she has to go to school and I have to go straight to work. Gusto ko lang may kasama ditong family to celebrate. But we did it, I am a US citizen!”
Ito ang nakangiting sabi ni Michelle Madrigal habang nagpupunas pa rin ng luha. Nabanggit niya rin na ang pagiging emotional niyang ito ay dahil sa mga pinagdadaanan niya sa ngayon.
Kabilang na ang bigat ng separation nila ng asawang si Troy Woolfolk. Pati na kung paano nila sinisikap na magkaroon pa rin ng maayos na relasyon para sa pag-co-coparent sa anak nilang si Anika. Si Anika ay apat na taong gulang na sa ngayon.
“With the whole thing going on like with my divorce and everything like, kapag may malalaking bagay na nangyayari. All you want to be surrounded with is your family. And all I wanted is to hug Anika paglabas ko kanina.”
Ito ang sabi pa ng dating aktres.
Michelle Madrigal kasama ang anak na si Anika, kaniyang ina at kapatid na si Ehra Madrigal. / Image from Michelle Madrigal’s Instagram account
BASAHIN:
Michelle Madrigal confirms separation from husband: “We will always have love for each other”
Michelle Madrigal on why her marriage did not work: “We’re not really compatible at all”
Michelle Madrigal and ex-husband separation
Noong Nobyembre ng nakaraang taon ay ibinahagi ni Michelle sa kaniyang vlog na nagkahiwalay na sila ng mister na si Troy. Sila ay ikinasal noong April 2019 at nagkaroon naman sila ng anak na si Anika noong October 2017.
Kuwento noon ni Michelle sa kaniyang vlog, ang compatibility nilang mag-asawa ang naging dahilan ng paghihiwalay nila. Pagbabahagi ni Michelle noon,
“To be fair there’s no third party on his end or on my end it was just a mutual decision to really separate. It was very amicable we were both unhappy.”
“I think the reason why this marriage did not work was because we weren’t really compatible at all.”
Kuwento pa ni Michelle, bagamat hiwalay na sila ni Troy ay magkasama pa rin sila noon sa iisang bahay. Ito ay para magkasama pa rin nilang mapalaki bilang magulang si Anika.
“We just want to be there for our daughter and it’s really important to for your kids to see that you guys are still a team no matter what the circumstances.”
Pero kalaunan ay kinailangan ring umalis ni Michelle sa bahay na pinagawa nila ni Troy. Bagamat mariin niyang sabi na maayos pa rin ang relasyon nilang dalawa na kanilang ginagawa para sa kapakanan ng kanilang anak.
Kaya naman payo niya sa mga mag-asawa at sa nagbabalak palang mag-asawa, siguraduhing compatible kayo ng partner mo sa isa’t isa.
“Very important of course you need to be attracted to that person and you need to be compatible. What are your non-negotiables? What are your core values? And I think some of that I ignored in the past because I was just so in love.”
Ito ang sabi pa ni Michelle.